Romiko lạgitʼ Pạul Apostolakʼ ciṭhi 10:3 - সান্তালী বাইবেল

³ Isor do manwako cetʼ lekate dhorom menteye ataṅkoa ona katha luturakʼ baṅkate onko do akoakʼ kurumuṭute dhorom udugokʼko menjoṅkan tahẽkana. Onatege Isor okaṭakʼ ponthate manwa dhorom menteye aṅgoce ona do bako manaoleda.

Santali Common Language New Testament

³ Isor do manwako cetʼ lekate dhorom menteye ataṅkoa ona katha luturakʼ baṅkate onko do akoakʼ kurumuṭute dhorom udugokʼko menjoṅkan tahẽkana. Onatege Isor okaṭakʼ ponthate manwa dhorom menteye aṅgoce ona do bako manaoleda.

Romiko lạgitʼ Pạul Apostolakʼ ciṭhi 10:3 Iomraidhean Croise

Nehemiạ 9:33

Am do ale cetanre okakom hoyocoakatʼ onate do bam behok akada; am do pạtiạr salakʼgem kạmi akada ar ale dole behok akada.

Jobakʼ 33:27

Unre uni do manwa ṭhen hecʼkateye mena, ‘iń doń kạileda ar sojheakʼ doń peṛtaleda, menkhan ińakʼ paona sạjại do bạń ńamleda.

Sereńko 71:19

E Isor, amakʼ dhorom reakʼ kạmi do serma hạbicʼ seṭer akana; ar joto maraṅ kạmiko do amgem kạmi akada; E Isor, am samaṅre ar okoe menaea?

Jesaea 51:1

Probhu Isore meneda, “Ape okoe do dhorompe khudạuetʼkan ar ińakʼ sana leka calakʼpe kurumuṭukan, ape do ińakʼ katha ańjompe. Okaṭakʼ dhiri khonpe makʼ totʼ akan ar oka khạn khonpe la totʼ ocoakan ona baṛe beṅgetʼakʼpe.

Jesaea 51:6

Serma secʼ beṅgetʼ rakabpe ar ot secʼ beṅgetʼ pheḍpe. Serma do dhũạ leka oṭaṅokʼa, ar ot do kicricʼ leka marekʼa ar onare girobasokʼ kan hoṛ doko gujukʼa. Menkhan ińakʼ babańcao do jaejug hạbicʼ tahẽakan tahena ar ińakʼ dhorom do tishõ baṅ mạutạkʼa.

Jesaea 51:8

ente onko do kicricʼ leka jạrnḍi ṭhenko jom ocokʼa ar tejoko ṭhen do bhiḍikoakʼ upʼ lekako jom ocokʼa. Menkhan ińakʼ dhorom do jaejug hạbicʼ tahenkana; ar ińakʼ babańcao do piṛhike piṛhige.”

Jesaea 56:1

Probhu Isore meneda, “Dhorom reakʼ bicạr teṅgoepe ar hok reakʼ kạmipe, ente ińakʼ babańcao do hare pharege hecʼ godokʼa, ar ińakʼ rurukhiyạ do sodorokʼa.

Jesaea 57:12

Ńitokʼ do ińge dhoromiń sodortama; ar amakʼ kạmiko hõ; onako do cetʼ porhowanakʼge baṅ hoyokʼtama.

Jesaea 64:6

Ale sanamkoge besapha hoṛko lekale hoyakana ar aleakʼ sanam dhorom kạmi do mạilạ kicricʼ leka hoyakantalea. Ale sanamkoge sakam lekale tolmocʼ akana, aleakʼ kại do hoe lekageye oṭaṅ idiyetʼlea.

Rak̕joṅ 3:22

Probhu Isorakʼ asambheṛ dulạṛ iạte bale marao akana, ente uniyakʼ daya do tishõ baṅ cabakʼtaea;

Daniel 9:24

“Amren hoṛko ar amakʼ sonot nagraha lạgitʼ eaegel hapta ṭhik dohoakana. Ar onako oktere bạṛicʼakʼko do cabakʼa, bedhorom hõ baṅ tahena, kại do puruchunokʼa, ar jaejug dhoromge bikạukʼa, dorson ar nạbi katha purạukʼa ar sonot utạrakʼ ṭhạ̃i do ojokʼ bahal ocokʼa.

Luk 10:29

Uni dhorom guru do dhorome ṭarhaokʼa mente Jisui kulikedea, “Okoe kanae iń aḍepaseren hoṛ do?”

Luk 16:15

Unre Jisui metatʼkoa, “Ape do hoṛko samaṅre dhorompe udugokʼ kana, menkhan Isor do apeakʼ mon reakʼe baḍaegea. Ente manwa ṭhen okaṭakʼ manotakʼkan, Isor samaṅre ona do hirkhạwakʼ kana.

Romiko lạgitʼ Pạul Apostolakʼ ciṭhi 1:17

Isor manwako cetʼlekate dhorom menteye ataṅko ona do bhage sombat hotete sodor akana. Etohopʼ khon mucạtʼ hạbicʼ pạtiạu hotetege manwa do eken dhorom menteye ataṅ ocokʼa. Sonot sostorre olakana; “Dhoromicʼ do pạtiạu hotetege jione ńama.”

Romiko lạgitʼ Pạul Apostolakʼ ciṭhi 10:2

Onko reaṅ do noa gohań emokʼ kana je, onko do Isor lạgitʼ ahkaokʼ mon menakʼgetakoa, menkhan Isor ṭhen cetʼ lekateko ataṅ ocokʼa ona do bako baḍaea.

Romiko lạgitʼ Pạul Apostolakʼ ciṭhi 10:20

Ona tayom Jesaea do arhõ murukteye menakada, “Onko ṭhengeń tahẽkana, menkhan jãhãn goṛo ńam lạgitʼ iń ṭhen do bako hecʼlena. Iń do onko hoṛko nehõrokʼ lạgitʼ ạtiń ematʼko tahẽkana, menkhan iń ṭhen do cetʼge bako arojlakʼa.”

Romiko lạgitʼ Pạul Apostolakʼ ciṭhi 11:7

Enḍekhan bujhạukʼ kana, Israelko okaṭakʼ ńam reakʼko kurumuṭuyetʼ tahẽkan ona do bako ńamleda, menkhan Isor okoekoe bachao doho akawan tahẽkan onkoge ona doko ńamakada, ar eṭakʼkoakʼ mon do dhiri leka keṭecʼ akantakoa.

Romiko lạgitʼ Pạul Apostolakʼ ciṭhi 3:22

Okoe Jisu Mạsireko pạtiạukʼkan onkoakʼ ona biswạs hotetege Isor do dhorom mente onkoe ataṅkoa. Jihudi ar boṅgan hoṛ jạtrenko sanamgeko somangea,

Romiko lạgitʼ Pạul Apostolakʼ ciṭhi 3:26

Onate ńitokʼ sạbudokʼ kana je, acʼ cetʼlekae dhoromge onkage Jisure pạtiạukʼicʼ hõ dhorom menteye ataṅea.

Romiko lạgitʼ Pạul Apostolakʼ ciṭhi 5:19

Cetʼleka mitʼṭen manwawakʼ bebakʼtao hotete ḍherkoge kại hoṛ menteko lekhayen, onkage mitʼṭen manwawakʼ batao iạte ḍher hoṛ do dhorom menteko ataṅ ocokʼa.

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Dosar Biboron 6:25

Ar aboren Probhu Isor samaṅre uniyakʼ hukumleka noa ạn-ạriko pańjae reakʼ monsubạ tahen tabon, enḍekhan onage abo lạgitʼ dhorom do hoyokʼa.

Philipiko lạgitʼ Pạul apostolakʼ ciṭhi 3:9

Ạn-ạrikoń manaoetʼte dhoromiń hoyakana ona do baṅ, menkhan Mạsire biswạs khạtirte Isor do dhorom menteye ataṅ akadińạ. Noa dhorom do Isor ṭhen khonge hecʼakana ar biswạsre ṭehãḍokʼ kana.

2 Patras 1:1

Iń Simon Patras do Jisu Mạsiren mitʼṭen golam ar apostolge. Aboren Isor ar babańcaoicʼ Jisu Mạsi doe dhoromgea, ar ona iạte ape hõ ale leka inạ bin mucạtʼ damrepe biswạs akana. Ar noa iạtege ape ṭhen niạ ciṭhiń oletʼkana.