Romiko lạgitʼ Pạul Apostolakʼ ciṭhi 10:2 - সান্তালী বাইবেল

² Onko reaṅ do noa gohań emokʼ kana je, onko do Isor lạgitʼ ahkaokʼ mon menakʼgetakoa, menkhan Isor ṭhen cetʼ lekateko ataṅ ocokʼa ona do bako baḍaea.

Santali Common Language New Testament

² Onko reaṅ do noa gohań emokʼ kana je, onko do Isor lạgitʼ ahkaokʼ mon menakʼgetakoa, menkhan Isor ṭhen cetʼ lekateko ataṅ ocokʼa ona do bako baḍaea.

Romiko lạgitʼ Pạul Apostolakʼ ciṭhi 10:2 Iomraidhean Croise

2 Rapajko 10:16

Ona tayom Jihuye menkeda, “Iń sãote hijukʼme ar Probhu Isor lạgitʼ ińakʼ tinạkʼ gagoc menakʼ ona baṛe ńelme.” Niạ menkate uni do rãt gạḍiteye idikedea.

Sereńko 14:4

Bạṛicʼakʼko kạmikanko do cetʼ nunạkʼgeko bebujgea? Hoṛko cetʼleka jomakʼko jometʼkan onkage onko do ińren hoṛko jometʼkoa; onko do Probhu Isor hõ bako hohoae kana.

Kạhtukko 19:2

Ạkil baṅ tahen hõ baṅ bhagea; okoe hoṛ usạrate joto kạmiye menjoṅ uni doe bhulgea.

Jesaea 27:1

Enhilokʼ Probhu Isor do acʼakʼ keṭecʼ ar maraṅ daṛean tarwaṛete uni khiṛiạpaṭeye dạṛetʼkan biń Libiathone sạjạiyea. Ar jalapurire menae uni danob doe gojea.

Johan 16:2

Sunạgog khonko oḍok idipea; ar nonkan okte hijukʼ kana one okoe apeko gocʼpe onko doko monejoṅa, Isorgeko sewawae kana mente.

Aposkạmi 21:20

Noa kathako ańjomketʼ khan onko murubbiko do Isorko sarhaokedea ar Pạulko metadea, “E boeha, am mam ńeletʼkokange, tinạkʼ hajar hajar Jihudiko do Jisureko pạtiạu akana, ar onko sanamkoge Moseyakʼ ạn-ạri pańja lạgitʼ ạḍiko ahkaokʼ kana.

Aposkạmi 21:28

Ar ãṭ aṛaṅte nonka memenko ehopʼena, “E Israelko, dela hijukʼpe. Sanam jaegaren hoṛko ṭhen aboakʼ jạt ar aboakʼ ạn-ạri ar mundil upạrte okoe doe cetʼakokan uni hoṛ doe nui kangea. Ona chaḍa mundilre Junạnikoe aderetʼkote uni do noa sonot jaegaye bhonḍ akada.”

Aposkạmi 22:22

Hoṛko do unhạbicʼ Pạulakʼ kathako ańjomkan tahẽkana, menkhan boṅgan hoṛ jạtrenkoakʼ kathae roṛketʼ khan ãṭ aṛaṅte hohowate memenko ehopʼena, “Uni do dhạrti khon ocokʼ giḍikaepe; uni do jiwetʼ tahen lek doe baṅkana.”

Aposkạmi 22:3

“Iń doń Jihudi hoṛkana. Kilikiạ reakʼ Tạrsus nagrahareń janamlena, menkhan noa nagraharegeń hara akana. Gamalielakʼ jaṅga pheḍre duṛupʼkate aboren hapṛamkoakʼ ạn-ạriko mońjteń cetʼakada. Isor reaṅ teheń ape cetʼ lekape gagojokʼkan onkage iń hõń gagojokʼkan tahẽkana.

Romiko lạgitʼ Pạul Apostolakʼ ciṭhi 10:1

E boehako, Israelko lạgitʼ ińakʼ ontor reakʼ sana ar Isor ṭhen ińakʼ koejoṅ do noage, onko jemon kại khon bańcaoko ńam.

Romiko lạgitʼ Pạul Apostolakʼ ciṭhi 10:3

Isor do manwako cetʼ lekate dhorom menteye ataṅkoa ona katha luturakʼ baṅkate onko do akoakʼ kurumuṭute dhorom udugokʼko menjoṅkan tahẽkana. Onatege Isor okaṭakʼ ponthate manwa dhorom menteye aṅgoce ona do bako manaoleda.

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiyakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

2 Korinthiko 8:3

Iń do onko lạgitʼ noa gohań emeda je, onko do daṛeakʼ bhor, hẽ daṛeakʼ khon hõ bạ̃ṛtige apnar kusi lekako danletʼ tahẽkana.

Galathiko lạgitʼ Pạul Apostolakʼ ciṭhi 1:14

Iń umerren aema Jihudiko khon hõ ona dhoromre iń do ạḍitetʼ iń laha idilena. Ona chaḍa ińren hapṛamko ṭhen khon okako ạri-cạli hecʼ ạguakan ona reaṅ hõ ạḍi jidiń tahẽkana.

Galathiko lạgitʼ Pạul Apostolakʼ ciṭhi 4:15

Menkhan ńitokʼ apnarte bhạgankope ńumugokʼ reakʼ do okortape? Ape reaṅ noa gohań em daṛeakʼa je, hoydaṛeakʼ khan ape do unre apeakʼ mẽtʼ sudhạ hoṭor totʼkatepe emkińạ honaṅ.

Philipiko lạgitʼ Pạul apostolakʼ ciṭhi 1:9

Iń do noageń koejoṅ kana apeakʼ dulạṛ do jemon ạkil ar bud salakʼ hara idikʼtape.

Philipiko lạgitʼ Pạul apostolakʼ ciṭhi 3:6

dhorom secʼte nonkan bạṛicʼ hoṛiń tahẽkana je, Mạsiyakʼ manḍerrenkoń khedetʼkokan tahẽkana; ar Isor samaṅre dhoromicʼ hoyokʼ reakʼ aste Moseyakʼ ạn-ạriko manaore okoe hõ bako dusiledińa.

Kolossiko lạgitʼ Pạul Apostolakʼ ciṭhi 4:13

Epaphrase reaṅ do noa gohań meneda, ape lạgitʼ ar okoe do Laodikiạ ar Hierapolis reakʼ nagrahare menakʼko onko lạgitʼ uni do ạḍiye khaṭao akana.