Romiko lạgitʼ Pạul Apostolakʼ ciṭhi 10:12 - সান্তালী বাইবেল

¹² Jihudi ar boṅgan hoṛ jạtrenko talare jãhãn begar do bạnukʼa, ente sanamkorenge ini mitʼ Probhu Isor kanae. Okoe acʼko hohowaekan onkore uni do asambheṛ bhor dane dul akokana.

Santali Common Language New Testament

¹² Jihudi ar boṅgan hoṛ jạtrenko talare jãhãn begar do bạnukʼa, ente sanamkorenge ini mitʼ Probhu kanae. Okoe acʼko hohoaekan onkore uni do asambheṛ bhor dane dul akokana.

Romiko lạgitʼ Pạul Apostolakʼ ciṭhi 10:12 Iomraidhean Croise

Sereńko 145:18

Okoe Probhu Isorko hohowae, ar ontorteko hohowae kan, uni do onko ṭhengeye tahenkana.

Sereńko 86:5

E Probhu Isor, am do bhạlạiyicʼ arem dayayicʼ kana; ar okoe amko hohoam onkore do dayatem perecʼgea.

Jesaea 55:6

Probhu Isor do sorreye tahenrege uni secʼ ruạṛokʼpe; ar sorreye tahenrege uni ńam baṛayepe.

Aposkạmi 7:59

Ar dhiriteko tińekan tahẽkanre uni do nonkae koekeda, “E Probhu Jisu, ińakʼ jiwi ataṅ tińme baṛe.”

Aposkạmi 9:14

Ona chaḍa am ńutumte koejoṅkan hoṛko sapʼko lạgitʼ maraṅ naekeko ṭhen khon ektiạri hataokate nonḍeye hecʼakana.”

Romiko lạgitʼ Pạul Apostolakʼ ciṭhi 14:9

Mạsi doe gocʼlena are jiwetʼ beretʼena jemon uni do jiwetʼko ar gocʼkoren Probhui hoydaṛeakʼ.

Romiko lạgitʼ Pạul Apostolakʼ ciṭhi 15:12

Arhõ Jesaeae meneda, okoe doe Jisại reakʼ kahle kan, uni doe hijukʼa, uni do joto jạtrenko cetanre rajokʼ lạgitʼe teṅgona. Ar sanam jạtren hoṛko do unireko bhorsakʼa.

Romiko lạgitʼ Pạul Apostolakʼ ciṭhi 2:4

Am do Isorakʼ asambheṛ daya, sahao daṛe ar soborim neṅghaoetʼtaea. Am dom hiṛiń akada, Isorakʼ noa daya do kại khone ạcur ruạṛetʼmea mente.

Romiko lạgitʼ Pạul Apostolakʼ ciṭhi 3:22

Okoe Jisu Mạsireko pạtiạukʼkan onkoakʼ ona biswạs hotetege Isor do dhorom mente onkoe ataṅkoa. Jihudi ar boṅgan hoṛ jạtrenko sanamgeko somangea,

1 Korinthiko 15:47

Menkhan dosaricʼ manwa do serma khone hecʼlena.

2 Korinthiko 8:9

Ape do aboren Probhu Jisu Mạsiyakʼ daya dan reakʼ kathape baḍaegea, uni do apnartetʼe kisạ̃ṛgere hõ ape khạtirteye reṅgecʼena, jemon uniyakʼ reṅgejokʼ hotete apepe kisạ̃ṛ daṛeakʼ.

Galathiko lạgitʼ Pạul Apostolakʼ ciṭhi 3:28

Jihudi ar boṅgan hoṛ jạtrenko talare, golam ar sạdhin hoṛko talare, maejiu ar herel talare jãhãn begar do bạnukʼa, ente Mạsi Jisu tulucʼpe joṛao mitʼ akante jotoko Mạsirepe mitʼgea.

Ephesiko lạgitʼ Pạul Apostolakʼ ciṭhi 1:7

Isorakʼ bin mucạtʼ dayate Mạsi tulucʼ bon jopoṛao akante uniyakʼ mãyãm hotete bon chaḍao ocoakana, metakʼme kại reakʼ ikạ bon ńam akada.

Ephesiko lạgitʼ Pạul Apostolakʼ ciṭhi 2:4

Menkhan Isor do mãyãteye perecʼgea; uni do ạḍiye dulạṛetʼ bona.

Ephesiko lạgitʼ Pạul Apostolakʼ ciṭhi 2:7

Uni do noae kạmikeda jemon acʼakʼ bin mucạtʼ daya darakan jugkoreye udukʼ daṛeakʼ. Uni do Mạsi Jisu hotete aboreye dayayente okaṭakʼe kạmiakatʼ onatege uniyakʼ noa daya do sodor akana.

Ephesiko lạgitʼ Pạul Apostolakʼ ciṭhi 3:16

Iń doń koejoṅkana jemon Isorakʼ asambheṛ ṭhonok lekate uni do nonkan daṛeye emape, jemon sonot Jiu hotete apeakʼ ontor do daṛeanakʼ hoyokʼtape,

Ephesiko lạgitʼ Pạul Apostolakʼ ciṭhi 3:6

Ar ona okoakʼ monsubạ do hoyokʼ kana, bhage sombat hotete boṅgan hoṛ jạtrenko Jisu Mạsi tulucʼko midokʼte Jihudiko sãote inạ mitʼ ạidạri, mitʼ hoṛmo hạṭińko, ar mitʼ gokʼakʼren bhạgiyạdarkoko hoyokʼ.

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

Philipiko lạgitʼ Pạul apostolakʼ ciṭhi 2:11

ar mitʼke mitʼ alaṅko aṅgocma, Isor Babawakʼ ṭhonok lạgitʼ do Jisu Mạsigeye Probhu Isor kana mente.

Philipiko lạgitʼ Pạul apostolakʼ ciṭhi 4:19

ar noate Isor doe kusikʼkana. Ińren Isor do acʼakʼ ṭhonokte perecʼ dhon lekate Mạsi Jisu hotete apeakʼ joto ṭonṭakoe cabaetapea.

Kolossiko lạgitʼ Pạul Apostolakʼ ciṭhi 1:27

Isor doe khojkana, boṅgan hoṛ jạtrenko talare hõ uniyakʼ noa sạri okoakʼ reakʼ maraṅ ṭhonok cetʼkana mente, ona jemon acʼren sanam hoṛko baḍae daṛeakʼ. Ona sạriyakʼ do noage, Mạsi do apeakʼ ontorre menaete uniyakʼ ṭhonok ńam reakʼpe as akana.

Kolossiko lạgitʼ Pạul Apostolakʼ ciṭhi 3:11

Nonkate boṅgan hoṛ jạtrenko talare se Jihudiko talare, khatna se bin khatna ocoakanko talare, osobbho, nicạṛ jạtrenko, golam se sạdhinko talare jãhãn begar do bạnukʼa; onḍe do Mạsigeye asolicʼ kana ar uni do sanamko talare menaea.

1Timothi 2:5

Isor doe mitʼ goṭengea ar mitʼ goṭengeae Isor ar manwakoren dene banar renicʼ hõ. Uni doe hoyokʼ kana Jisu Mạsige.

Johan sodor 17:14

Onko do Bheḍa Hopon upạrteko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”

Johan sodor 19:16

Ar uniyakʼ kicricʼre ar bulure noa ńutum ol menakʼa, “Rajkoren raj, ar Probhukoren Probhu.”