Romiko lạgitʼ Pạul Apostolakʼ ciṭhi 1:14 - সান্তালী বাইবেল

¹⁴ Sobbho ar osobbhoko, akelanko, bebujko ar sanamko ṭhenge iń do rin akatʼ hoṛ leka kạnạń.

Santali Common Language New Testament

¹⁴ Sobbho ar osobbhoko, akelanko, bebujko ar sanamko ṭhenge iń do rinakatʼ hoṛ leka kạnạń.

Romiko lạgitʼ Pạul Apostolakʼ ciṭhi 1:14 Iomraidhean Croise

Kạhtukko 1:22

“E lelha hoṛko, ape do ar tinạkʼ din apeakʼ lelhatetʼpe dulạṛa? landa dhudhutʼko do ar tinạkʼ din onare rạskạko ńama? Ar bebujko hõ ar tinạkʼ din ạkilko kurudakʼa?

Kạhtukko 8:5

Lelha hoṛ do, budan hoyokʼ lạgitʼ ạkilko hameṭ joṅa; ar khaṭo bujan hoṛ hõ ạkilko hameṭ joṅa.

Jesaea 35:8

Onḍe do ḍahar hoyokʼa, hẽ onḍe do mitʼṭecʼ horge hoyokʼa; ona do sonotakʼ horko metakʼa. Be sapha hoṛ do ona cetante bae taṛama; ona do sonot hoṛkoakʼ horge hoyokʼa. Lelha hoṛko hõ ona horte do bako calakʼa,

Mathae 11:25

Ona tayom Jisui menkeda, “E Baba, ot ar sermaren Probhu Isor. Amiń sarhaoetʼmea, ente am do ạkilan ar budanko ṭhen khon noako reaṅ dom oko dohoakada, menkhan kạṭicʼ gidrạ lekanko ṭhen dom sodor akada.

Luk 10:21

Unre Jisu do sonot Jiu reakʼ rạskạte hulạsenteye menkeda, “E Baba, am do serma ar dhạrtiren Probhu Isor kanam. Sarhaoetʼme kạnạń, ente am do noako reaṅ ạkilan ar budanko khonem oko dohoakada menkhan albudạha lekanko ṭhen dom sodor akada. Hẽ Baba, amakʼ sana lekage noa do hoyakana.

Aposkạmi 22:21

“Unre Probhu Isor do ińe metadińạ, ‘Do calakʼme, ente iń do sạṅgińte boṅgan hoṛ jạtrenko ṭheniń kolmea.’ ”

Aposkạmi 28:2

Ona dipren hoṛko do ale sãote ạḍi mońjko beoharkeda. Unreye dakʼetʼkan tahẽkana ar rabaṅkan tahẽkante onko do seṅgel jolkate sanamkoko hohowatʼlea.

Aposkạmi 28:4

Ado Pạulakʼ tire uni bińe ḍhilwạṅ akanko ńelkede khan ona dipren hoṛ doko menkeda, “Nui hoṛ doe khũniạhi kana ente jalapuri khone bańcaoenre hõ hokren bicạricʼ do jiwetʼ bae tahẽ ocowae kana.”

Aposkạmi 9:15

Menkhan Probhu Isor do Ananiạse metadea, “Do calakʼme, ente boṅgan hoṛ jạtrenko ar onkoren rajko ar Israelko ṭhen porcar lạgitʼ, iń do uni hoṛgeń bachao akadea.”

Romiko lạgitʼ Pạul Apostolakʼ ciṭhi 1:22

Onko do akote akelan hoṛ menteko lạiyạgokʼkanre hõ asokaete onko doko lelhagea.

Romiko lạgitʼ Pạul Apostolakʼ ciṭhi 11:25

E boehako, apnarte jemon budanko alope monejoṅ onate iń do mitʼṭecʼ sạri okowakʼ baḍae ocopeń menjoṅ kana. Ona sạriyakʼ do noage, boṅgan hoṛ jạtrenkoakʼ lekha ạuri purạukʼ hạbicʼ ḍher bhag Israelkoakʼ ontor do keṭecʼge tahena.

Romiko lạgitʼ Pạul Apostolakʼ ciṭhi 12:16

Ape apere mitʼ mon tahentape ma. Usulakʼko do alope moneyakʼa bickom nindhạnko tulucʼ helmelokʼpe. Ar apnarte budanko mente do alope hudisokʼa.

Romiko lạgitʼ Pạul Apostolakʼ ciṭhi 13:8

Okoe ṭhen hõ jãhãnakʼge alope dharaoa, eken dulạṛ chaḍa. Okoe eṭakʼkoko dulạṛetʼko onko do Moseyakʼ ạngeko pańja akada.

Romiko lạgitʼ Pạul Apostolakʼ ciṭhi 16:19

Apepe bataoetʼ reakʼ katha do jotogeko ańjomakada, ar onate apereń kusiakana. Iń doń khojkana ape do jemon bhageakʼko oromkatepe ataṅ ar bạṛicʼakʼko khon pharakpe tahen.

Romiko lạgitʼ Pạul Apostolakʼ ciṭhi 8:12

Onate E boehako, abo do dharaoko kana bon, menkhan ona dharaoakʼ do kại ṭhen do baṅ. Kại gobolre colon reakʼ jạruṛ do ar bạnukʼ anaṅ.

1 Korinthiko 14:11

Onate jãhãn pạrsi reakʼ bhed bạń baḍaele khan enḍekhan uni roroṛicʼ ṭhen do eṭakʼ pạrsiren hoṛ lekań hoyokʼa ar uni hõ iń ṭhen do eṭakʼ pạrsiren hoṛ lekage.

1 Korinthiko 14:16

Am do Jiutem gunmanao johar khan ona pạrsi bin baḍaeyicʼ hoṛ onḍe hạjire tahenre cekate amakʼ gunmanao joharakʼre uni do Amene mena? Ente am cetʼem menetʼkan uni do bae bujhạueda?

1 Korinthiko 2:13

ar ona danko reakʼ kathage roṛ hõ bon roṛ baṛayeda. Ona roṛ lạgitʼ okako katha bon laṛcaṛetʼkan ona do manwakoakʼ akel khon cecetʼakʼ ńamkate do babon roṛeda, menkhan sonot Jiu reakʼ cecetʼakʼ hotete bon roṛeda. Jiu reakʼ sạri cecetʼakʼ lạgitʼ abo do Jiu reakʼ kathage bon roṛeda.

1 Korinthiko 3:18

Okoe hõ apnarte aloe bulạukʼ ma. Ape modren jãhãe niạ jugren akelanicʼ menteye hudisokʼkan khan, enḍekhan uni do lelhayicʼ lekae hoyokʼma, jemon sạri akelanicʼe hoydaṛeakʼ,

2 Korinthiko 10:12

Ape modren adomko do apnarko sarhaokʼkana. Onko dolre apnar lekha midokʼ se onko tulucʼ jurikʼ do bale dileda. Onko doko bebujgea, ente apnarte oka bhageko hudisetʼ ona tulucʼgeko jurikʼ kana arko bicạrokʼkana.

2 Korinthiko 11:19

Ape dope budanko kante bebujkoakʼ kusitepe sahaoetʼtakoa.

Kolossiko lạgitʼ Pạul Apostolakʼ ciṭhi 3:11

Nonkate boṅgan hoṛ jạtrenko talare se Jihudiko talare, khatna se bin khatna ocoakanko talare, osobbho, nicạṛ jạtrenko, golam se sạdhinko talare jãhãn begar do bạnukʼa; onḍe do Mạsigeye asolicʼ kana ar uni do sanamko talare menaea.

2Timothi 2:10

Onate Isor okoeye bachao akatʼko onko lạgitʼ jotowakʼ iń sahao akada, jemon onko hõ Jisu Mạsi hotete kại khon bańcaoko ńam ar jaejug ṭhonokko hameṭjoṅ.

Titus lạgitʼ Pạul Apostolakʼ ciṭhi 3:3

Abo hõ pạhil do bebujko, bebataoko, bulạu ocokʼko, ạḍi lekanakʼ bạṛicʼ sana ar hạ̃s rạskạre golam akanko bon tahẽkana. Abo do dusṭạmi ar hiskạte din bon khemoetʼ tahẽkana. Ar eṭakʼko bon hirkhạwako kan tahẽkana.