Romiko lạgitʼ Pạul Apostolakʼ ciṭhi 1:12 - সান্তালী বাইবেল

¹² Noa do hoyokʼ kana, abo sanamko jemon apan ạpin biswạs khon udgạu bon ńam.

Santali Common Language New Testament

¹² Noa do hoyokʼ kana, abo sanamko jemon apan ạpin biswạs khon udgạu bon ńam.

Romiko lạgitʼ Pạul Apostolakʼ ciṭhi 1:12 Iomraidhean Croise

Aposkạmi 11:23

Ar Antiokiạren hoṛko Isorakʼ dayako ńamakada menteye ńelketʼ khan Barnabas do ạḍiye rạskạyena. Onko jemon goṭa ontorte Probhu Isorre biswạsko tahen onate uni do sanamkoe sikhạu paṛhaoketʼkoa.

Romiko lạgitʼ Pạul Apostolakʼ ciṭhi 1:11

Ar ape daṛe ocope lạgitʼ jemon jãhãn Jiuanakʼ daya daniń em hạṭiń daṛeape onate ape tulucʼ ńapamokʼ iń menjoṅ kana.

Romiko lạgitʼ Pạul Apostolakʼ ciṭhi 1:13

E boehako, noa katha baḍaepe, ḍher dhao ape ṭhen calakʼ sanaledińre hõ ńit hạbicʼ akoṭakʼko do hecʼạń kangea. Cetʼleka eṭakʼ eṭakʼ jaegakore boṅgan hoṛ jạtrenko talare porcarkate jo iń ńamakatʼ, onkage apeko talare hõ thoṛa jo ńam reakʼ aste ape ṭhen calakʼ iń menjoṅ kana.

Romiko lạgitʼ Pạul Apostolakʼ ciṭhi 15:24

onate ńitokʼ Spaniạ disạmte parom calakʼ jokhecʼ ape ṭhen calakʼ iń menjoṅ kana. Ar asiń dohoyeda, ona horte sen paromokʼ jokhecʼ apeń ńel torapea ar ape tulucʼ thoṛa okte rạskạte khemao tayom apege Spaniạ disạmte calakʼ reakʼpe bondobosạńạ.

Romiko lạgitʼ Pạul Apostolakʼ ciṭhi 15:32

Unre Isorakʼ sanaleka iń do kusi monte ape ṭheniń calao daṛeakʼa ar ape sãote tahẽkate jiwiń ṭanḍhaetińa.

2 Korinthiko 7:13

Ar noa hotete ale do jiwi raṛecʼle ńam akada. Ona jiwi raṛecʼ sãote Titusakʼ rạskạ ńelte ale hõle rạskạkʼkana, ente ape sanamko ṭhen khon uni do monre ạḍi suluke ńam akada.

Ephesiko lạgitʼ Pạul Apostolakʼ ciṭhi 4:5

mitʼṭen Probhu Isorge menaea, mitʼ patiạuge menakʼa, ar mitʼ bạptismage menakʼa,

2Timothi 1:4

Ar amakʼ mẽtʼ dakʼ disạkate am tulucʼ ńapamokʼ iń cuṭ cuṭokʼ kana, jemon ińakʼ mon rạskạte perejokʼtiń.

Titus lạgitʼ Pạul Apostolakʼ ciṭhi 1:4

Mạsire biswạs iạte okoe iń tulucʼe mitʼakan, uni ińren sạriạkʼren hopon Titus ṭhen noa ciṭhiń oleda. Isor Baba ar aboren babańcaoicʼ Jisu Mạsi do daya ar suluke dan apema.

2 Patras 1:1

Iń Simon Patras do Jisu Mạsiren mitʼṭen golam ar apostolge. Aboren Isor ar babańcaoicʼ Jisu Mạsi doe dhoromgea, ar ona iạte ape hõ ale leka inạ bin mucạtʼ damrepe biswạs akana. Ar noa iạtege ape ṭhen niạ ciṭhiń oletʼkana.

2 Johan 1:4

Baba okaṭakʼe hukumakatʼ bon ona lekage amren adom gidrạko do Isorakʼ sạri horte calakʼiń ńeletʼkote ạḍiń rạskạkʼ kana.

Jihudạwakʼ ciṭhi 1:3

E dulạṛiạ gateko, kại khon sanamko oka bańcao bon ńamakatʼ ona bańcao reaṅ olape lạgitʼ ạḍi gagoj mon tahẽkantińạ. Menkhan enhõ Mạsi dhorom biswạsre, one okaṭakʼ Isor do acʼren hoṛko jaejug lạgitʼe emakatʼko, ona lạgitʼ mon murukte jemonpe lạṛhại ar ona udgạupe lạgitʼge noa ciṭhi olokʼ reakʼ jạruṛiń bujhạukeda.