Rak̕joṅ 5:1 - সান্তালী বাইবেল

¹ E Probhu Isor, ale cetanre oka hoyakan ona baṛe disạime; ạribạndhime, ar aleakʼ henosta baṛe ńelme.

Rak̕joṅ 5:1 Iomraidhean Croise

Nehemiạ 1:3

Onko doko lạiyadińa, “Bondi dosa khon okoe do disạmteko ruạṛ senakan onko do maraṅ harkhet ar henostare menakʼkoa. Jerusalem reakʼ pạcri do rạputʼ akana ar ona reakʼ phaṭok duạrko hõ seṅgelteko jeretʼ akawada.”

Nehemiạ 1:8

“Nehõrokʼ kạnạń, amren guti Mose okaṭakʼ hukumem em akawade ona baṛe disạime. Amem menleda, ‘jodi bepạtiạrkope hoyokʼ enḍekhan iń do eṭakʼ jạtrenko talareń chirchạturpea;

Nehemiạ 4:4

Unre Nehemiạ doe koekeda, “E aleren Isor, ańjomtaleme baṛe cetʼlekale nihạ̃t ocokʼ kana mente. Onkoakʼ henosta do onkoakʼ bohokʼrege baṛe ruạṛ ocoytakome. Am do nonkaeme jemon onko do bondikate luṭ reakʼ jinis lekate eṭakʼ disạmko idi ocokʼ.

Jobakʼ 10:9

Disạime, hasa reakʼ bhajan lekam benao akadińạ; am do cetʼ arhõ dhuṛim hoe ocoyińạ?

Jobakʼ 7:7

“E Isor, ińakʼ jiwi baṛe disạitiń me noa do mitʼṭecʼ sahẽtʼ chaḍa ar cetʼge baṅkana; iń do suk reakʼ ar bạń ńel ńama.

Sereńko 119:153

Ińakʼ duk beṅgetʼakʼme ar rukhiyạyińme, ente iń do amakʼ hukumko bạń hiṛińakada,

Sereńko 74:18

E Probhu Isor, alom hiṛińa bạiri do amko landa dhutʼam kana, ar bebujko do amakʼ ńutumko nindạuetʼtama.

Sereńko 79:12

E Probhu Isor, ale aḍepase jạtrenko do oka leka aleko henostawale kana, ona reakʼ eae doboṛ sạjại baṛe hala ruạṛakome.

Sereńko 79:4

Ale do aḍepase jạtrenko ṭhen lelhagele hoyakana, ar ale beṛhaeten hoṛko ṭhen do landa dhutʼren hoṛle hoyakana.

Jesaea 62:6

E Jerusalem, iń do amakʼ pạcri bhit cetanre pahradarkoń bahal akatʼkoa; onko do siń ar ńindạ hape akan do bako tahena. E pahradarko, tis hạbicʼ Probhu Isor do Jerusalem bae bạisạue ar dhạrtire sarhaoanicʼ mente bae teṅgo rakabe unhạbicʼ Probhu Isor do acʼakʼ gokʼakʼ reakʼ katha disạwaepe; alope jirạukʼa ar uni hõ alope jirạu ocoaea.

Jirimiạ 15:15

E Probhu Isor, am do jotowakʼgem bujhạu daṛeakʼkana; onate ińakʼ katha disạime ar ińakʼ moneyakʼme. Ińren jor julumko cetanre amge hala hạlime. Onko cetanre amakʼ sombhuri do ḍhergetama, menkhan onko tire do alom marao ocoyińạ; disạime, am iạte cetʼlekan ṭiṭkạriń sahao akada.

Jirimiạ 51:51

“Apepe meneda, ‘ale babotre henosta kathale ańjom akatʼte ale dole lajao ocoakana. Lajao do aleakʼ mẽtʼãhãe betʼ akatʼtalea, ente Probhu Isorakʼ oṛakʼ reakʼ sonot ṭhạ̃ikore bidisiạkoko bololena.’

Rak̕joṅ 1:11

Uniren sanam hoṛko do jare jaretʼte jomakʼko ńam baṛakana; apnar bańcao tahen lạgitʼ onko do jomakʼ bodolte akoakʼ damanakʼ jinisko emakana. Jerusaleme meneda, “E Probhu Isor, beṅgedme, ar hudisme, iń doń nihạ̃t giḍi ocoakana.

Rak̕joṅ 1:20

E Probhu Isor, ńelme, tinạkʼ iń kosṭokʼ kana! Iń bhitrire hõń sasetokʼ kana. Ińakʼ ontor do torasokʼ kantińạ, ente iń do huhulicʼ iń hoyakana. Nagraha bahrere do tarwaṛe jiwiye hataoeda, ar bhitrire do eken gujukʼge menakʼa.

Rak̕joṅ 1:9

Uniyakʼ mạilạ do uniyakʼ kicricʼrege laṭkao akantaea; darakan din reakʼ do bae dạndilena. Uni doe sombotʼ bhindạṛ akana; jiwi raṛecʼtae lạgitʼ do celege bạnukʼkotaea. Uniye meneda, “E Probhu Isor, ińakʼ duk baṛe ńeltińme, ente bạiriko doko jitạu akana. ”

Rak̕joṅ 2:15

Am aṛeteko parom calakʼ hoṛ do am ńelteko thayoya; onko do Jerusalem hoponera ńelteko landa dhudhutʼa ar bohokʼ ruku rukuteko mena, “Noa do cetʼ ona mońj utạrakʼ nagraha do baṅkana, one uni iạte goṭa dhạrtirenko rạskạkʼkan tahẽkan?”

Rak̕joṅ 2:20

E Probhu Isor, ma beṅgedme, ar hudisme, am do okoe cetanrehõ nonka do bam beohar akada? Maejiuko do cetʼ akoren hoponko jomkoa one onkoko joton harayetʼko? Probhu Isorakʼ sonot ṭhạ̃ire do cetʼ naekeko ar nạbikoko gocʼ ocokʼa?

Rak̕joṅ 3:19

Ińakʼ kosṭo ar ạcur baṛae reakʼ katha disạime; disạime ińakʼ haṛhatʼ ar biste perecʼ jion reakʼ katha.

Rak̕joṅ 3:50

Probhu Isor coṭ serma khon latarte ạuriye oyoṅ hạbicʼ.

Rak̕joṅ 3:61

E Probhu Isor, onkoakʼ landa-dhutʼ reakʼ, ar iń upạrte soṛojontro reakʼ kathako hõm ańjomakatʼgea.

Habakkuk 3:2

E Probhu Isor, iń do amakʼ kạmi reakʼ katha ańjomteń botorena. E Probhu Isor, ale okterege onako do arhõ onkaeme; aleakʼ okterege am do onako udukʼaleme. Edrekʼ jokhecʼ mãyãkʼ reakʼ katha do alom hiṛińa.

Luk 23:42

Tayomte uni doe menkeda, “E Jisu, amakʼ rajosṭirem ruạṛ hecʼlenre iń hõ disạyińme baṛe.”