Rak̕joṅ 4:9 - সান্তালী বাইবেল

⁹ Akalte gujukʼ khon tarwaṛete gujukʼge bhagea; ińren hoṛko do khet reakʼ phosol ṭonṭate reṅgecʼ jalateko ạsitʼ cabakʼkana.

Rak̕joṅ 4:9 Iomraidhean Croise

2 Rapajko 25:3

Ar ponakʼ cando reakʼ areyakʼ dinre nagrahare akal iạte nonka hoyena, hoṛkoakʼ jomakʼ lạgitʼ cetʼge baṅ tahẽlena.

Exodus 16:3

Onkoko menkeda, “Misor disạmre Probhu Isorakʼ tire cedakʼ baṅ bale gocʼ ocolen. Onḍe do jel reakʼ ṭukucʼ samaṅre dohokate lacʼ bikʼ piṭhạ ar jel le jometʼ tahẽkana. Aben do begor jomte gocʼ ocole lạgitʼ noa hahaṅkarte ben ạguakatʼlea.”

Jesaea 22:2

E gulmalte perecʼ nagraha, E kạumạu ar andoṛetʼkan nagraha, amren gocʼ hoṛko ma tarwaṛete se lạṛhạite ma bacoko gocʼ akan.

Jeheskel 24:23

Bohokʼre dạhṛipe tola ar jaṅgare cạṭkipe horoga. Ar bape homora se rakʼ hõ bape raga, menkhan apan ạpin ghạṭ iạtepe nijorokʼa ar eṭakʼko ṭhenpe geraṅ baṛaea.

Jeheskel 33:10

“E manwa hopon, am do Israel jạtrenkom metakoa, ‘apepe meneda apeakʼ behokakʼ ar kại reakʼ bojhatepe lade ocoakana; ar onategepe heṛokʼkana, jiwetʼ tahen reakʼ asge bạnukʼtapea.’

Jeheskel 4:16

Ona tayom uni do ińe metadińạ, “E manwa hopon, iń do Jerusalemre jom reakʼ jogao doń bonda. Hoṛko do dạndikate tulạkate jomakʼko joma ar dakʼ do tharbasaoate soṅkateko ńũiya,

Jeheskel 7:15

“Nagraha bahrere do lạṛhại ar bhitrire do mahamạri ar akal menakʼa; ar okoe bahrereko tahen onko do lạṛhạiteko gujukʼa, ar okoe nagraha bhitrireko tahen onko do akal ar mahamạriteko jom ocokʼa.

Levitikus 26:39

Ona tayom aperen okoe onḍeko tahen onko do akoren ar hapṛamkoakʼ dos iạteko caba idikʼa.

Dosar Biboron 28:51

Onko do aperen mĩhũ-meromko ar khet reakʼ phosolko jom cabaetapea ar sesrepe marao utạrokʼa. Ape lạgitʼ jãhãn phosol, nãwã darkha rasa, sunum se gại ḍaṅgra se bhiḍi meromkoren hopon hõ bako sarecʼkoa, ar ape do sesrepe marao utạrokʼa.