Rak̕joṅ 4:7 - সান্তালী বাইবেল

⁷ Onkoren bachao akan mukhiyạko do him khon hõ marsal, toa khon hõ ponḍgeko tahẽkana; onkoakʼ hoṛmo do Probal dhiri khon hõ arakʼge tahẽkana ar onkoakʼ cehra do Nilkanto moni leka tahẽkana.

Rak̕joṅ 4:7 Iomraidhean Croise

Jobakʼ 28:16

Ophir sonate hõ ona do ohoge kirińlena, Boidurjo mạnik ar nilkanto mạniktehõ ona do baṅ kirińokʼa.

Jobakʼ 28:18

Probal ar jiwetʼ dhiri reakʼ hõ dam do bạnukʼa; ar muti mạnikko khon hõ ạkil reakʼ dam do ḍhergea.

Sereńko 144:12

Aleren hoponko do juạn jokhecʼre dare lekako harakʼma, ar aleren hoponerako do raj dolanre rokʼ kundạo akatʼ tham khunṭi lekako hoyokʼma.

Sereńko 51:7

Husopʼ dare reakʼ ḍạrte saphayińme, onate iń doń sapha utạrokʼa; ạrupʼ saphayińme, onate iń do pĩṛĩtʼ pĩṛĩtʼ ponḍ iń hoyokʼa.

Soros sereń 5:10

Ińren dulạṛiạ doe eselgea, uniyakʼ hoṛmo reakʼ roṅ do arakʼgetaea; gel hajarko mod khon hõe sorosgea.

Soros sereń 5:15

Uniyakʼ bulukin do mormor khunṭi leka nirạ sona reakʼ ganḍore doṛomakʼge. Uniyakʼ rup do Lebanon reakʼ usul buru leka, debdạru dare leka sorosakʼge.

Daniel 1:15

Gel din mucạtʼre ńelena rajakʼko jometʼkan tahẽkan joto juạnko khon onko do arhõ mońj ar hoṛmowanko hoyakana.

Luk 1:15

Ente Probhu Isorakʼ mẽtʼãhã samaṅre uni do maraṅe hoyokʼa. Uni do tishõ darkha rasa se eṭakʼ jãhãn bubulakʼko bae ńũiya ar eṅgatakʼ kukhireye tahen khonge sonot Jiuteye perejokʼa.

Bikʼcạrko 13:5

Ar okoe gidrạm janame uni do tishõ alom hoyo poṭorea, ente uni do janam khonge Isor ńutumte nạsriye hoyokʼa. Uni do Philisṭikoakʼ ti khon Israelkoe bańcaokoa.”

Bikʼcạrko 13:7

Uni doe metadińạ, ‘am dom bhạrti hoṛmokʼa ar amren do mitʼṭen koṛa gidrại hoyokʼtama. Onate am do ńit khon darkha rasa se jãhãn bubulakʼ se jãhãn chutakʼ jinisko alom joma, ente janam khon gujukʼ hạbicʼ uni do Isor ńutumte nạsriye hoyokʼa.’ ”

Bikʼcạrko 16:17

Onate Samson do joto katha uniye lạiyadea. Samsone menkeda, “Ińakʼ bohokʼre tisge holatʼ do baṅ calao akana. Janam khonge iń do Isor ńutumte mitʼṭen nạsri hoṛ kạnạń. Ińiń hoyo poṭorlen khange ińakʼ daṛe do iń khon ocogokʼa. Ar onate iń do eṭakʼ jãhãe hoṛ leka daṛe hoyokʼtińạ.”

1 Samuel 16:12

Onate Jisại do hoṛ kolkate acʼren huḍiń utạricʼ hopone hoho ạgukedea. Uni do juruṅ juruṅ arakʼgeye tahẽkana ar ńelokʼte hõ mońj ar mẽtʼkin hõ ạḍi napae tahẽkantaea. Unre Probhu Isor doe menkeda, “Nui kangeae uni do, am do unige ojokʼ bahalem.”