Rak̕joṅ 4:11 - সান্তালী বাইবেল

¹¹ Probhu Isor do purạte acʼakʼ edreye oḍok akada; uniyakʼ jolokʼkan edre doe dul buhạu akada. Uni do Sionre seṅgele jolakada; ar ona reakʼ rehetʼko hõe jomakada.

Rak̕joṅ 4:11 Iomraidhean Croise

Jesaea 51:20

Amren hoponko doko jhin jhinạu akana; onko do kulhi mucạtʼre jhạlire sapʼakan jhaṅkaṛ jel lekako giticʼ akana. Onko cetanre Probhu Isorakʼ edre, amren Isorakʼ sạjại onkore paṛao akana.

Jirimiạ 13:14

Darkha rasa reakʼ kumko leka mimitʼ hoṛ do eṭakʼ hoṛ cetanreń tawakʼ gejerea; baṅ doe apatkan ar baṅ doe hoponkan jotogeń gejer cabakoa. Iń do daya hõ baṅ ar mãyã hõ bạń mãyãwakoa; onko doń marao cabakoa.’ ”

Jirimiạ 17:27

Menkhan ińakʼ katha bape ańjom ar jirạukʼmãhã iń ńutumte bape begar dohoy ar Jerusalem phaṭok duạrte enhilokʼ bojhakope ader, enḍekhan Jerusalem reakʼ sanam phaṭok duạrkore seṅgeliń lagaoa ar ona do Jerusalem reakʼ dolankoe joma. Ona seṅgel do okoehõ bako ĩṛicʼ daṛeakʼa.’ ”

Jirimiạ 21:14

Menkhan iń do amakʼ kạmi reakʼ kuṛại lekateń sạjạimea. Amakʼ birkore seṅgeliń lagaoa; ona seṅgel do am beṛhaete jotowakʼe jom cabaea. Iń Probhu Isorge noa katha doń meneda.’ ”

Jirimiạ 36:7

Pasecʼ onko do Probhu Isor ṭhenko koejoṅa ar akoakʼ bạṛicʼ hor khonko ruạṛ hijukʼa, ente noko hoṛko birudrege Probhu Isor do edre ar khĩs reakʼ kathae roṛakada.”

Jirimiạ 7:20

Ona iạte Probhu Isor doe meneda, “Ińakʼ edre ar raṅgao do niạ ṭhạ̃i cetanre, manwa ar janwarko cetanre, ṭạnḍi reakʼ dare nạ̃ṛĩko cetanre ar jumi reakʼ phosolko cetanreń paṛao ocoya, ar ona edre do jolokʼtege tahena, baṅge ĩṛĩjokʼa.”

Rak̕joṅ 2:1

Hae, Probhu Isor do acʼakʼ edrete cetʼleka Sion hoponera do ńutreye danaṅ esetʼ akadea! Ar Israelakʼ ṭhonok do serma khon otreye giḍiakada. Acakʼ edrekʼ dinre uniyakʼ jaṅga dohoy reakʼ ṭhạ̃i do bae disạ dohoakada.

Rak̕joṅ 2:17

Probhu Isor do acʼakʼ goṭawakʼ lekageye kạmi akada; one okaṭakʼ katha ḍher laha khongeye roṛletʼ uni do ona kathae purun akada. Uni do begor mãyãtegeye lebda giḍi akatʼmea; bạiriko hõ am upạrteye rạskạ ocoyetʼkoa, uni do am upạrtenkoakʼ daṛeye ḍher ocoyetʼtakoa.

Rak̕joṅ 2:3

Jaljalaokʼkan edrete uni doe makʼ giḍi akada Israel reakʼ mitʼke mitʼ dereńko. Bạiriko samaṅ khon uni do acʼakʼ jojom tiye or ruạṛ akatʼtaea. Beṛhaete sanamakʼko ḍahao lạgitʼ uni do seṅgel lepʼ leka Jakobreye jol rakapʼ akana.

Rak̕joṅ 2:4

Bạiri leka uni do acʼakʼ sare aṛakʼ akatʼtaea, acʼakʼ jojomti tulkateye teṅgoyena mitʼṭecʼ modoi leka. Okoe ńelte onkoko rạskạkʼkan tahẽkan onko doe gocʼ giḍi akatʼkoa. Sion hoponerawakʼ tạmbure seṅgel leka acʼakʼ edreye dul akatʼtaea.

Rak̕joṅ 2:8

Probhu Isor do jarkhar lạgitʼe mone muruk akada Sion hoponerawakʼ beṛhaeteakʼ pạcriko. Uni do sosoṅakʼ baberteye soṅakada mohor mekʼṭao khon acʼakʼ ti do bae or ruạṛtaea. Uni do Sion reakʼ aotan gaṛ ar pạcriye hińjrạu ocoakada; onako do mitʼ domte nijor akana.

Rak̕joṅ 4:22

E Sion hoponera, amakʼ sạjại do cabakʼa; bondi dosare do ar bam tahena; menkhan E Edom hoponera, uni do behokakʼ reakʼ sạjạiyiń emama ar amakʼ kạiye sodortama.

Jeheskel 22:31

Onatege ińakʼ edre do onko cetanreń dultińạ ar onkoakʼ colon reakʼ kuṛại do onkoakʼ bohokʼ cetanreń paṛao ocoya ar ińakʼ jolokʼkan edrete onkoń jeretʼ giḍikoa. Iń Probhu Isorge noa katha doń meneda.”

Jeheskel 36:18

Ona iạte ińakʼ raṅgao do onko cetanreń upʼleda, ente onko do disạm talare mãyãmko joroleda ar onkoren boṅga murhutʼkote disạmko bhonḍleda.

Jeheskel 6:12

Okoe sạṅgińre menakʼko onko do mahamạriteko gujukʼa ar okoe sorre menakʼko onko do lạṛhạiteko gujukʼa, ar okoe sarecʼko tahena onko do gherao esetʼ akan talare akal iạteko gujukʼa.

Daniel 9:12

Ale ar aleren disạm cakʼlaoko upạrte okaṭakʼ katham roṛakatʼ ona purạu lạgitʼ am do ale cetanre maraṅ muskilem ạguakada. Jerusalem cetanre oka hoyakan onka do dhạrti reakʼ ar okare hõ baṅ hoyakana.

Levitikus 26:28

enḍekhan raṅgaote ape upạrteń colona ar apeakʼ kại reakʼ eae doboṛiń sạjạipea.

Sephaniạ 2:2

Ona din do peṭecʼ leka uḍạu hijukʼkana; onate niṭ akatʼ okte ạuri hijukʼre, ar Probhu Isorakʼ jolokʼkan edre apere ạuri hijukʼre, uniyakʼ khĩs ạuri hijukʼre ape do mitʼ saote jarwakʼpe.

Sakariạ 1:6

Menkhan iń do ińren gutiko, metakʼme nạbiko okań hukumatʼko tahẽkan, ińakʼ onako katha ar niạm lekate aperen hapṛamko do cetʼ sạjại bako ńamleda? Unre onko do mon ạcurkateko menleda, sanam daṛeanicʼ Probhu Isor do onkoakʼ ạri cạli ar hewa lekate onko lạgitʼ okae ṭhik doholetʼ onageye kạmi akada.’ ”

Luk 21:22

ente noako din do sạjạiyokʼ dinge hoyokʼa, ar onate sonot sostorre oka ol menakʼ ona do purạukʼa.