Rak̕joṅ 2:8 - সান্তালী বাইবেল

⁸ Probhu Isor do jarkhar lạgitʼe mone muruk akada Sion hoponerawakʼ beṛhaeteakʼ pạcriko. Uni do sosoṅakʼ baberteye soṅakada mohor mekʼṭao khon acʼakʼ ti do bae or ruạṛtaea. Uni do Sion reakʼ aotan gaṛ ar pạcriye hińjrạu ocoakada; onako do mitʼ domte nijor akana.

Rak̕joṅ 2:8 Iomraidhean Croise

2 Samuel 8:2

Dạud do Moabrenko hõe bhagaoketʼkoa. Uni do Moabrenkoe ńẽtʼketʼkote otreye giticʼketʼkoa ar baberteye jokhaketʼkoa. Pạhil bar baber jokharen hoṛ doko gocʼ ocoyena ar mitʼ baber jokharen hoṛ do jiwetʼko doho ocoyena. Inạ tayom Moabrenko do Dạud gobolre tahẽkate khajna emaeko ehopʼena.

2 Rapajko 21:13

Samariạ upạrte okaṭakʼ sosoṅakʼ baber ar Ahabakʼ bõsko upạrte okaṭakʼ sạhul baberiń beoharletʼ onage iń do Jerusalem upạrteń beohara. Cetʼ leka thạri bạṭiko gasao mańjao onkage iń do Jerusalemiń mańjao saphaea ar hạrupʼkateń dohokakʼa.

Jesaea 22:5

Phạdkoren Probhu Isor ṭhen khon dorson reakʼ buru nalare do heṛan botorge hoyakana, onḍe do ḍamaḍol ar lebetʼ gańjao ar andmandao reakʼ dinge hecʼakana. Ona do pạcri rạputʼ giḍikakʼ ar buru-nala ṭhen rakʼjoṅ reakʼ mitʼṭecʼ din kangea.

Jesaea 28:17

Hok reakʼ bicạr do jokha baber ar dhorom do sạhul baberiń benaoa; arel do apeakʼ eṛeteakʼ hirlạkoe marao tapea, ar ḍubạ dakʼ do apeakʼ okoakʼ asraye cape iditapea.

Jesaea 3:26

Sion reakʼ phaṭok duạr doko homor halaṅa; ar Sion do ujạṛ akante otreye duṛupʼkokʼa.

Jesaea 34:11

Pajhaṛ ar jhĩk do onako dokhola, Dundu ar kạhũko do onḍeko ḍerakʼa. Probhu Isor do ạlmạl reakʼ jokha babere tija ar onaren napṛakʼko upạrte gulmal reakʼ sạhul babere pheḍa.

Jesaea 5:5

Ińakʼ darkha bagwan cetanre okań cekae ona do ńitokʼ iń lạiyapea: iń do ona reakʼ eṭetʼakʼ iń ocoga onate bagwan doko jom ṭhuṭkuya; ar ona reakʼ pạcriń rạputʼ giḍikakʼa onate ona doko lebetʼ gańjaoa.

Jirimiạ 14:2

“Jihudạ doe homor halaṅeda, ente uniyakʼ nagrahako do nijor akantaea; onḍenko hoṛ do otre duṛupʼkateko homor halaṅeda, ar Jerusalem khon do rakʼ ańjomokʼkana.

Jirimiạ 5:10

“Ape do Jerusalem reakʼ darkha bagwan talate sen paromokʼpe ar onako maraope menkhan purạte do alope nosṭo caba utạra. Ona reakʼ dạṛko hese giḍikakʼpe, ente noko do Probhu Isorren doko baṅkana.

Jirimiạ 52:13

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

Rak̕joṅ 2:17

Probhu Isor do acʼakʼ goṭawakʼ lekageye kạmi akada; one okaṭakʼ katha ḍher laha khongeye roṛletʼ uni do ona kathae purun akada. Uni do begor mãyãtegeye lebda giḍi akatʼmea; bạiriko hõ am upạrteye rạskạ ocoyetʼkoa, uni do am upạrtenkoakʼ daṛeye ḍher ocoyetʼtakoa.

Rak̕joṅ 2:18

Amren hoṛkoakʼ ontor do Probhu Isor ṭhen rakʼ rakʼteko meneda, “E Sion hoponerawakʼ pạcri, amakʼ mẽtʼ dakʼ do siń ńindạ gaḍa leka ạtukʼma; am apnar do alom sạjại ocokʼa, mẽtʼ hõ alom jirạu ocowakʼa.

Rak̕joṅ 2:2

Jakobakʼ tahen joto ṭhạ̃ige Probhu Isor doe mohor meṭao akada, uni do cetʼge bae mãyã akawadea. Jihudạ hoponerawakʼ aotan gaṛ hõ acʼakʼ kurkurạukʼ edreteye rạputʼ akada, ar onako do otreye milạu akada. Uniyakʼ rajosṭi ar mukhiyạko doe besonot ocoakatʼkoa.

Rak̕joṅ 2:5

Probhu Isor do bạiriko lekae hoyakana; uni do Israele utʼ akadea. Uni do ona reakʼ sanam dolankoe mohor meṭaokeda ar uniyakʼ sanam gaṛko hõe jarkhar akatʼtaea. Uni do Jihudạ hoponerawakʼ homor halaṅe ḍherakatʼtaea.

Jeheskel 20:22

Menkhan ińakʼ ti doń ocokʼketʼtińạ ar ińakʼ ńutum rukhiyại lạgitʼ ona do bạń onkaleda jemon sanam jạtrenko samaṅre onkoń oḍok ạguletʼko tahẽkan onko ṭhen ińakʼ ńutum do besonotakʼ alo hoyokʼ.