Rak̕joṅ 2:7 - সান্তালী বাইবেল

⁷ Probhu Isor do uniyakʼ pinḍe nihạ̃t giḍi akada, ar uniyakʼ sonot ṭhạ̃iye dea giḍi akatʼtaea. Uniyakʼ aotan gaṛ reakʼ pạcriko do bạirikoakʼ tireye soprot akada. Porob reakʼ dinko leka bạiriko do Probhu Isorakʼ oṛakʼreko andoṛetʼa.

Rak̕joṅ 2:7 Iomraidhean Croise

2 Rapajko 25:9

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

2 Bõsbudạ 36:19

Uniren hoṛko do Isorakʼ oṛakʼko jeretʼada ar Jerusalem reakʼ pạcriko rạputʼkeda. Onko do onḍenakʼ lạṭu lạṭu joto oṛakʼko jeretʼada ar sanam damanakʼ jinisko nosṭo giḍikada.

Sereńko 89:39

Amren golam lạgitʼ oka bondobosem dohoakatʼ ona dom hirkhạ akawada; ar ona reakʼ mukuṭ do dhuṛire giḍikatem be sonotakada.

Jesaea 64:9

E Probhu Isor, alom edre sạṅgińokʼa; ar aleakʼ ghạṭko jaejug hạbicʼ alom disạ dohoytalea. Alele nehõram kana, ale secʼ baṛe beṅgedme, ente ale sanamkoge amren hoṛ kanale.

Jirimiạ 21:4

Israelren Probhu Isor do niạ kathae meneda, ‘Babelren raj ar okoe Babelrenko do pạcri bahreteko gherao esetʼ akatʼme onko upạrte lạṛhại lạgitʼ amakʼ tire okako khanḍa bhanḍa menakʼ onako doń ạcur ruạṛtapea ar nagraha talareń samṭao jarwaea.

Jirimiạ 26:18

“Jihudạren Hiskiạ raj oktere Moresetren Mikạ do nạbi lekate kathae roṛetʼ tahẽkana. Uni do Jihudạren hoṛkoe metatʼko tahẽkana, ‘phạdkoren Probhu Isore meneda, Sion do khet baṛge lekae cas ocokʼa, Jerusalem do dhaṅ dhaserakʼ ḍhipi leka hoyokʼa ar koejoṅ oṛakʼ reakʼ buru do jhạuạkote dapal esedokʼa.’

Jirimiạ 26:6

Onate niạ oṛakʼ do Silo lekań hoeocoya ar nonkań hoeocoya jemon dhạrtiren sanam jạtrenko niạ nagrahako sarapakʼ.’ ”

Jirimiạ 32:29

Babelrenko do nagrahate bolokate onare seṅgelko junḍiyakʼa. Ar okako oṛakʼ reakʼ chat cetanre hoṛko do Bakʼal debota ńutumte dhupko jeretʼetʼ tahẽkan ar eṭakʼ debotako ńutumte coḍorkate ińko khĩs ocoyedeń tahẽkan onko do ona oṛakʼ-duạr sudhạ nagrahako jeretʼ giḍikakʼa.

Jirimiạ 39:8

Babelrenko do rajakʼ oṛakʼre ar hoṛkoakʼ oṛakʼkore seṅgelko jeretʼada ar Jerusalem reakʼ pạcriko rạputʼkeda.

Jirimiạ 4:26

Beṅgetʼkateń ńelkeda Probhu Isor samaṅre, uniyakʼ botoranakʼ edre samaṅre disạm do hahaṅkar hoyakana; uniyakʼ sanam nagrahako do dhaṅ dhaser akana.

Jirimiạ 4:27

Probhu Isore meneda, “Goṭa disạmge ujạṛokʼa, menkhan purạ puri do bạń marao utạra.

Jirimiạ 50:28

Ańjompe, Babel khon ńir paskao akan hoṛkoakʼ aṛaṅ do Sionre hecʼkateko lại jạhiretʼkana, aboren Probhu Isor do cetʼleka acʼakʼ oṛakʼ iạteye hala hạlikʼ kana.

Jirimiạ 52:13

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

Rak̕joṅ 1:4

Sion reakʼ kulhiko doe homor halaṅeda, ente niṭ akatʼ porobre okoehõ bako hijukʼkana. Uniyakʼ sanam phaṭok duạrte bolokʼ hor do khạligea. Uniren naekeko doko jare jarekʼ kana, ar juạn kuṛiko doko dukokʼ kana, onate uni do monre ạḍi duke ńameda.

Rak̕joṅ 2:1

Hae, Probhu Isor do acʼakʼ edrete cetʼleka Sion hoponera do ńutreye danaṅ esetʼ akadea! Ar Israelakʼ ṭhonok do serma khon otreye giḍiakada. Acakʼ edrekʼ dinre uniyakʼ jaṅga dohoy reakʼ ṭhạ̃i do bae disạ dohoakada.

Rak̕joṅ 2:5

Probhu Isor do bạiriko lekae hoyakana; uni do Israele utʼ akadea. Uni do ona reakʼ sanam dolankoe mohor meṭaokeda ar uniyakʼ sanam gaṛko hõe jarkhar akatʼtaea. Uni do Jihudạ hoponerawakʼ homor halaṅe ḍherakatʼtaea.

Jeheskel 7:24

Onkoakʼ oṛakʼ-duạr dokhol lạgitʼ iń do jạt jạtrenko tala khon dusṭạmi jạtrenkoń ạgukoa. Iń do daṛeankoakʼ bạḍạiyiń rạpudtakoa, ar onkoakʼ sonot ṭhạ̃ikoń besapha ocoytakoa.

Levitikus 26:31

Iń do apeakʼ atoko, nagrahako ar dewa-sewa oṛakʼkoń marao giḍikatapea. Ar apeakʼ samaṅokʼakʼko bạń ataṅtapea.

Levitikus 26:44

Enhõ bạirikoakʼ disạmre tahen jokhecʼ bạń dea giḍi utạrkoa se bạń hirkhạ sạṅgiń utạrkoa jemon aloko marao utạrokʼ ar onko sãote ińakʼ bondobos hõ alo cabakʼ. Iń kangeạń onkoren Probhu Isor do.

Amos 2:5

Ar onatege iń do Jihudạ cetanre seṅgeliń kola; ona do Jerusalem reakʼ gaṛkoe joma.”

Mikạ 3:12

Onatege Sion do ape iạte khet baṛge lekae cas ocokʼa, ar Jerusalem do dhaṅ dhaserakʼ ḍhipi leka hoyokʼa, ar koejoṅ oṛakʼ reakʼ buru do jhạuạkote dapal esedokʼa.

Mathae 24:2

Unre Jisui metatʼkoa, “Ape ma noakope ńeletʼ, menkhan ińiń metapekana, nonḍe do mitʼṭecʼ dhiri hõ eṭakʼ dhiri cetanre baṅ tahena, joto do rạputʼ giḍikʼa”