Rak̕joṅ 2:4 - সান্তালী বাইবেল

⁴ Bạiri leka uni do acʼakʼ sare aṛakʼ akatʼtaea, acʼakʼ jojomti tulkateye teṅgoyena mitʼṭecʼ modoi leka. Okoe ńelte onkoko rạskạkʼkan tahẽkan onko doe gocʼ giḍi akatʼkoa. Sion hoponerawakʼ tạmbure seṅgel leka acʼakʼ edreye dul akatʼtaea.

Rak̕joṅ 2:4 Iomraidhean Croise

2 Bõsbudạ 34:21

“Okaṭakʼ puthi ńamen onare cetʼ ol menakʼa ona do senkate Israel ar Jihudạren sarecʼ hoṛko lạgitʼ Probhu Isor ṭhen kulijoṅpe. Aboren hapṛamko do Probhu Isorakʼ katha leka bako senlente ar niạ puthire olakan lekahõ bako kạmiletʼte uniyakʼ edre do abore paṛao akana.”

2 Bõsbudạ 34:25

Onko do ińko bạgi giḍi akadińạ ar debotako ńutumte dhupko jeretʼetʼ kana ar onkoakʼ titeko benao akatʼko sanam boṅga murhutʼkote ińko khĩs ocoyediń kana. Ona iạte niạ jaega cetanre ińakʼ edre doń paṛao ocoygea ar ińakʼ edre seṅgel do baṅge ĩṛĩjokʼa.

Jobakʼ 19:11

Iń upạrte uniyakʼ edre do jolokʼkana; acʼren mitʼṭecʼ bạiri menteye hudis edeńkana.

Jobakʼ 6:4

Sanam daṛeanicʼ reakʼ sar do ińre bitʼakana, ińakʼ jiwi do onako reakʼ bise jojom kana; Isorakʼ botoranakʼ kạmiko do iń upạrte sạr sạrte teṅgo akana.

Sereńko 37:14

Dukokʼko ar ṭonṭakʼkanko maraoko lạgitʼ, ar dhorom horte calakʼkan hoṛko gocʼko lạgitʼ, onko bạṛicʼ hoṛko do tarwaṛeko bocʼetʼtakoa ar akʼ ko gakʼ akatʼtakoa.

Sereńko 7:13

Uni do acʼakʼ gogocʼ khanḍaye ṭhik dohoakada, ar acʼakʼ sarkoe seṅgel sar akawada.

Jesaea 42:25

Onate uni do acʼakʼ jolokʼkan edre ar lạṛhại reakʼ botor do Israel cetanreye dulkeda. Onate seṅgel do beṛhaete jol rakapʼena, enhõ uni do bae bujhạuleda; seṅgel do uniyakʼ hoṛmore lagaoena, enhõ uni do bae moneyada.

Jesaea 63:10

Enhõ onko doko hulkeda ar uniren sonot Jiuko duk ocokedea. Ona iạte uni do onkoren bạiriye hoyena ar acʼtetʼge onko upạrte lạṛhạiye ehopʼena.

Jesaea 63:6

Iń do edrete jạt jạtrenko jaṅgateń en ketʼkoa; ar edrete bul bhuteṛko lekań hoyocoketʼkoa ar otre onkoakʼ mãyãmiń suḍrạu ocokeda.”

Jirimiạ 10:20

Ińakʼ tạmbu do jarkhar akana; ona reakʼ sanam baberko topakʼ akana. Ińren hoponko do iń ṭhen khonko oḍok calao akana, onko do ar bạnukʼkoa; ińakʼ tạmbu ar ona reakʼ orwal ṭaṅgao lạgitʼ ńitokʼ do celege bạnukʼkoa.

Jirimiạ 21:12

‘E Dạud bõsrenko, Iń Probhu Isorgeń meneda, ape do din hilokʼ setakʼ jokhecʼ hok reakʼ bicạrtakope. Luṭ ocoakanicʼ do uniren sasantaoicʼ khonpe rukhiyạyea; ar baṅkhan apeakʼ bạṛicʼ kạmiko khạṭirte ińakʼ edre do seṅgel leka oḍokokʼte jolokʼa, ona do okoehõ bako ĩṛĩcʼ daṛeakʼa.

Jirimiạ 21:5

Ińge ape upạrteń lạṛhạiya ińiń tiyạr akatʼ ti ar keṭecʼ sopote, edre raṅgao ar maraṅ kurkurạukʼtege.

Jirimiạ 30:14

Amren sanam dulạṛiạko do amko hiṛiń akatʼmea; onko do am reaṅ bako ganḍonokʼ kana. Bạiri hạnko lekage amiń hạn akatʼmea ar kurmutạha lekageń sạjại akatʼmea, ente amakʼ bedhorom do ḍhergetama ar kạiko hõ ḍhergea.

Jirimiạ 36:7

Pasecʼ onko do Probhu Isor ṭhenko koejoṅa ar akoakʼ bạṛicʼ hor khonko ruạṛ hijukʼa, ente noko hoṛko birudrege Probhu Isor do edre ar khĩs reakʼ kathae roṛakada.”

Jirimiạ 4:4

E Jihudạ ar Jerusalemren hoṛko, Probhu Isorakʼ bataotae lạgitʼ apnartetʼ khatnakʼpe, metakʼme apeakʼ ontor reakʼ ghạṭko ocokʼ giḍikakʼpe; ar baṅ khan apeakʼ bạṛicʼ kạmi iạte ińakʼ edre do seṅgel leka salgaokʼa, ar ona do okoehõ bako ĩṛĩcʼ daṛeakʼa.

Jirimiạ 42:18

Israelren phạdkoren Probhu Isore meneda, ‘Jerusalemre okoeko girobasokʼkan onko cetanre cetʼleka ińakʼ edre ar khĩs paṛaokʼ akan onkage Misortepe senlen khan ińakʼ edre do ape cetanre paṛaokʼa. Ape do ṭiṭkạri ar hirkhạwan hoṛpe hoyokʼa; ape ńelte hoṛko do botor caṛhaoakoa ar ape do ạsisankope hoyokʼa. Ar tishõ niạ ṭhạ̃i do bape ńela.’

Jirimiạ 7:20

Ona iạte Probhu Isor doe meneda, “Ińakʼ edre ar raṅgao do niạ ṭhạ̃i cetanre, manwa ar janwarko cetanre, ṭạnḍi reakʼ dare nạ̃ṛĩko cetanre ar jumi reakʼ phosolko cetanreń paṛao ocoya, ar ona edre do jolokʼtege tahena, baṅge ĩṛĩjokʼa.”

Rak̕joṅ 1:13

Coṭ khon uni do ińakʼ jaṅkore seṅgelgeye kol akada. Ińakʼ jaṅga lạgitʼ uni do jhãmpae oḍao akada ar ạcur ruạṛokʼ lạgitʼe jormoṭ akadińạ. Uni do ińe eskar akadińạ, goṭa din nijorgeye dohoakadińạ.

Rak̕joṅ 2:5

Probhu Isor do bạiriko lekae hoyakana; uni do Israele utʼ akadea. Uni do ona reakʼ sanam dolankoe mohor meṭaokeda ar uniyakʼ sanam gaṛko hõe jarkhar akatʼtaea. Uni do Jihudạ hoponerawakʼ homor halaṅe ḍherakatʼtaea.

Rak̕joṅ 3:3

sạrige goṭa din iń upạrte uni do ghane ghane acʼakʼ tiye tuletʼtaea.

Rak̕joṅ 4:1

Hae! cetʼleka mạlchạ akana sona do, Cetʼ leka pherao akana nirạ sona do. Mitʼke mitʼ kulhi reakʼ dobạṭiạkore sonot ṭhạ̃i reakʼ dhiriko do cetʼ leka chirchạtur akana.

Rak̕joṅ 4:11

Probhu Isor do purạte acʼakʼ edreye oḍok akada; uniyakʼ jolokʼkan edre doe dul buhạu akada. Uni do Sionre seṅgele jolakada; ar ona reakʼ rehetʼko hõe jomakada.

Jeheskel 13:13

“ ‘Iń do edrete ińakʼ birbão hoeyiń hoeocoya. Ińakʼ edre ar khĩste lạṭu lạṭu arel ar jhar jhar dakte onań marao giḍikakʼa.

Jeheskel 20:34

Ińakʼ daṛeanakʼ ti tiyạrkate ar ińakʼ edre dul hotete aema jạtrenko tala khoniń ạgupea ar okako disạmrepe pasnao ocolen onḍe khon arhoń jarwapea.

Jeheskel 22:22

Culhạre cetʼ leka rupạ galaokʼ onkage ape hõ onarepe galaokʼa. Unre ape dope baḍae daṛeakʼa, iń Probhu Isorge ape cetanre ińakʼ edreń dul akada mente.’ ”

Jeheskel 24:25

Probhu Isor do arhõe metadińạ, “E manwa hopon, oka hilokʼ iń do ona daṛe reakʼ gorbo, onkoakʼ rạskạ ar ṭhonok, onkoakʼ mẽtʼãhã reakʼ suk, onkoakʼ mon reakʼ khojogokʼakʼ ar onkoren hopon ar hoponerakoń hataokoa,

Jeheskel 36:18

Ona iạte ińakʼ raṅgao do onko cetanreń upʼleda, ente onko do disạm talare mãyãmko joroleda ar onkoren boṅga murhutʼkote disạmko bhonḍleda.

Jeheskel 5:13

“Niạko tayom ińakʼ heṛan edre do cabakʼa; onko cetanre ińakʼ edre purạteń upʼako tayom iń doń hapekʼa. Ar unreko baḍae daṛeakʼ, ińakʼ ontor reakʼ jaljalao iạte iń Probhu Isor do noa kathań meneda.

Jeheskel 6:12

Okoe sạṅgińre menakʼko onko do mahamạriteko gujukʼa ar okoe sorre menakʼko onko do lạṛhạiteko gujukʼa, ar okoe sarecʼko tahena onko do gherao esetʼ akan talare akal iạteko gujukʼa.

Jeheskel 7:14

Hoṛko do sakwa oroṅkate sanamakʼko sapṛao dohoakada, menkhan lạṛhại lạgitʼ do celege bako oḍok calakʼkana, ente ińakʼ jaljalao edre do disạmren sanam hoṛko cetanre menakʼa.

Levitikus 26:17

Iń do mẽtʼ ar mẽtʼteń ńelpea ar bạiriko ṭhenpe bhagao ocokʼa. Ar hirkhạwape hoṛge apeko ḍanṭaopea ar celege bako khudạupere hõ ape dope ńir baṛaea.

Nạhum 1:2

Probhu Isor do nonkan Isor kanae uni do acʼakʼ kuṛạiye khojkana ar joe emokʼkana; Probhu Isor doe hala hạliya ar acʼren bạiriko lạgitʼ edreye dohokakʼa.

Nạhum 1:6

Uniyakʼ raṅgao samaṅre do okoeye ṭikạu tahẽdaṛekokʼa? Ar uniyakʼ botoranakʼ edre do okoeye sahao daṛeketaea? Uniyakʼ edre do seṅgel leka jolokʼkana; ar uni samaṅre lạṭu lạṭu dhiriko do gejerokʼ kana.

Dosar Biboron 32:22

Ińakʼ edre do seṅgel leka salgao akana; ona seṅgel do khạndri Seol hạbicʼ jolokʼkana. Ona seṅgel do dhạrti ar ona reakʼ sanamakʼ phosolkoe joma ar buruko reakʼ rehetʼko hõe jeretʼakʼa.

1 Samuel 28:16

Sạmuele menkeda, “Probhu Isorgeye bạgi giḍi akatʼme khan ar am upạrteye senakan khan enḍekhan am do cedakʼem kuliyediń kana?