Rak̕joṅ 2:3 - সান্তালী বাইবেল

³ Jaljalaokʼkan edrete uni doe makʼ giḍi akada Israel reakʼ mitʼke mitʼ dereńko. Bạiriko samaṅ khon uni do acʼakʼ jojom tiye or ruạṛ akatʼtaea. Beṛhaete sanamakʼko ḍahao lạgitʼ uni do seṅgel lepʼ leka Jakobreye jol rakapʼ akana.

Rak̕joṅ 2:3 Iomraidhean Croise

2 Bõsbudạ 34:25

Onko do ińko bạgi giḍi akadińạ ar debotako ńutumte dhupko jeretʼetʼ kana ar onkoakʼ titeko benao akatʼko sanam boṅga murhutʼkote ińko khĩs ocoyediń kana. Ona iạte niạ jaega cetanre ińakʼ edre doń paṛao ocoygea ar ińakʼ edre seṅgel do baṅge ĩṛĩjokʼa.

Jobakʼ 16:15

Ińakʼ harta cetanre gõṛẽ kicricʼ iń horokʼakada; ar ińakʼ bạḍại do dhuṛireń laplonḍe akatʼtińạ.

Sereńko 132:17

Onḍe iń do Dạud lạgitʼ mitʼṭen daṛean bõskoń benao rakapʼkoa; ar ińren ojokʼicʼ lạgitʼ iń do mitʼṭecʼ diuheń tear dohoya.

Sereńko 74:11

Cedakʼ amakʼ ti, ona amakʼ jojom ti dom okoyetʼtama? Ona do kokha khon oḍoktam ar onko caba utạrkom.

Sereńko 75:10

Iń do bedhoromkoakʼ sanam dereńkoń makʼ giḍikakʼa, menkhan Isor botoraekoakʼ dereń doń usul ocoya.

Sereńko 75:5

Apeakʼ dereń do coṭte alope rakaba ar hoṭokʼ keṭecʼkate hõ alope roṛa.’ ”

Sereńko 79:5

E Probhu Isor, ar tinạkʼ din? Am do cetʼ jaejugge edre akanem tahena? Ar tinạkʼ din amakʼ ãṭokʼ reakʼ jala do seṅgel leka jolokʼtege tahena?

Sereńko 89:24

Ińakʼ pạtiạu ar asambheṛ dulạṛ do uni sãote tahena; ar ińakʼ ńutumtege uniyakʼ daṛe dereń do coṭte rakabokʼa.

Sereńko 89:46

E Probhu Isor, ar tinạkʼ din? Jaejugge cetʼ am do okogem tahena? Ar tinạkʼ din amakʼ edre do seṅgel lekam jol ocoytama?

Jesaea 1:31

Daṛean hoṛko do rohoṛ busupʼ lekan kope hoyokʼa, ona reakʼ kạmi do seṅgel reakʼ alaṅ leka. Ona do mitʼ dhaogeye lokʼa; ar okoehõ ona seṅgel do bako ĩṛĩcʼ daṛeakʼa.” bańcaoicʼ

Jesaea 42:25

Onate uni do acʼakʼ jolokʼkan edre ar lạṛhại reakʼ botor do Israel cetanreye dulkeda. Onate seṅgel do beṛhaete jol rakapʼena, enhõ uni do bae bujhạuleda; seṅgel do uniyakʼ hoṛmore lagaoena, enhõ uni do bae moneyada.

Jirimiạ 21:14

Menkhan iń do amakʼ kạmi reakʼ kuṛại lekateń sạjạimea. Amakʼ birkore seṅgeliń lagaoa; ona seṅgel do am beṛhaete jotowakʼe jom cabaea. Iń Probhu Isorge noa katha doń meneda.’ ”

Jirimiạ 4:4

E Jihudạ ar Jerusalemren hoṛko, Probhu Isorakʼ bataotae lạgitʼ apnartetʼ khatnakʼpe, metakʼme apeakʼ ontor reakʼ ghạṭko ocokʼ giḍikakʼpe; ar baṅ khan apeakʼ bạṛicʼ kạmi iạte ińakʼ edre do seṅgel leka salgaokʼa, ar ona do okoehõ bako ĩṛĩcʼ daṛeakʼa.

Jirimiạ 48:25

Moabakʼ reakʼ dereń do makʼ giḍiyena; uniyakʼ ti do rạputʼentaea.

Jirimiạ 7:20

Ona iạte Probhu Isor doe meneda, “Ińakʼ edre ar raṅgao do niạ ṭhạ̃i cetanre, manwa ar janwarko cetanre, ṭạnḍi reakʼ dare nạ̃ṛĩko cetanre ar jumi reakʼ phosolko cetanreń paṛao ocoya, ar ona edre do jolokʼtege tahena, baṅge ĩṛĩjokʼa.”

Rak̕joṅ 1:13

Coṭ khon uni do ińakʼ jaṅkore seṅgelgeye kol akada. Ińakʼ jaṅga lạgitʼ uni do jhãmpae oḍao akada ar ạcur ruạṛokʼ lạgitʼe jormoṭ akadińạ. Uni do ińe eskar akadińạ, goṭa din nijorgeye dohoakadińạ.

Rak̕joṅ 4:11

Probhu Isor do purạte acʼakʼ edreye oḍok akada; uniyakʼ jolokʼkan edre doe dul buhạu akada. Uni do Sionre seṅgele jolakada; ar ona reakʼ rehetʼko hõe jomakada.

Jeheskel 13:13

“ ‘Iń do edrete ińakʼ birbão hoeyiń hoeocoya. Ińakʼ edre ar khĩste lạṭu lạṭu arel ar jhar jhar dakte onań marao giḍikakʼa.

Jeheskel 7:14

Hoṛko do sakwa oroṅkate sanamakʼko sapṛao dohoakada, menkhan lạṛhại lạgitʼ do celege bako oḍok calakʼkana, ente ińakʼ jaljalao edre do disạmren sanam hoṛko cetanre menakʼa.

Nạhum 1:6

Uniyakʼ raṅgao samaṅre do okoeye ṭikạu tahẽdaṛekokʼa? Ar uniyakʼ botoranakʼ edre do okoeye sahao daṛeketaea? Uniyakʼ edre do seṅgel leka jolokʼkana; ar uni samaṅre lạṭu lạṭu dhiriko do gejerokʼ kana.

Malaki 4:1

Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

Luk 1:69

Uni do abo lạgitʼ acʼren guti Dạudakʼ bõs khon mitʼṭen daṛeanicʼ babańcaoicʼe omonkedea.

Luk 3:17

Uniyakʼ haṭakʼ do tirege menakʼtaea; onate khạrại do mońjteye saphaea ar phosol do acʼakʼ golareye doho jarwaea, menkhan peṭecʼ do baṅ iṛijokʼ seṅgelreye atar giḍikakʼa.”

Dosar Biboron 32:22

Ińakʼ edre do seṅgel leka salgao akana; ona seṅgel do khạndri Seol hạbicʼ jolokʼkana. Ona seṅgel do dhạrti ar ona reakʼ sanamakʼ phosolkoe joma ar buruko reakʼ rehetʼko hõe jeretʼakʼa.