Rak̕joṅ 2:16 - সান্তালী বাইবেল

¹⁶ Amren bạiriko do am upạrte mocako cahapʼ akada; onko doko landa dhudhutʼa ar togocʼ ḍaṭakateko mena, “Uni dole utʼ akadea. Niạ din lạgitʼgele koyokʼ hor akatʼ tahẽkana ar ona dole ńelkeda. ”

Rak̕joṅ 2:16 Iomraidhean Croise

Sereńko 109:2

Bedhorom ar phạsiạra hoṛko do iń upạrteko cahapʼ akada; onkoakʼ phạsiạra alaṅte iń upạrteko roṛeda.

Sereńko 112:10

Bedhorom hoṛ do ona ńelteye ạṛisokʼa; uni do ḍaṭae togoja are cabakʼa. Bedhoromkoakʼ as do nasaokʼtakoa.

Sereńko 124:3

onko do ale upạrteko edre seṅgelkokʼa ar jiwetʼteko utʼkelea,

Sereńko 22:13

Dhạcri kul cetʼ leka gocʼ jomko lạgitʼe hạnḍrạukʼ, onkage onko do iń upạrte mocako cahapʼ akatʼtakoa.

Sereńko 35:16

Hulạsokʼ jokhecʼ Isor bin botorae ṭiṭkạriko leka onko do iń upạrte togocʼ ḍaṭako ehopʼena.

Sereńko 35:21

Iń upạrte luṭi binḍucʼkateko meneda, “Hẽ, ale do nij mẽtʼtegele ńel akada.”

Sereńko 35:25

Ar mon monte alom roṛ ocoakoa, “Bhagege! Okaṭakʼle khojkan tahẽkan onage hoyakana.” Onko do alom roṛ ocokoa, “Onko dole marao akatʼkoa mente.”

Sereńko 37:12

Isor botoraeko upạrte bạṛicʼ hoṛko do phundiko aṭaoa ar onko upạrte ḍaṭako keṭer meṭertakoa.

Sereńko 41:8

Onkoko meneda, “Unire jãhãn bạṛicʼakʼ paṛao akana, ar okareye ńurakan onḍe khon do bae rakapʼ daṛeakʼa.”

Sereńko 56:2

Ińren bạiriko do jaogeko laga baṛayediń kana; ar ḍherkoge bạḍại iạte iń tulucʼko lạṛhại kana.

Sereńko 57:3

Serma khon uniyakʼ goṛo do pheḍ hijukʼkana; okoe ińko laga baṛayediń kan onkoakʼ dos reakʼ katha roroṛ do bae thirokʼa. (Sela) Isor ṭhen khon unire asambheṛ dulạṛ ar pạtiạrtetʼ do pheḍ hijukʼa.

Jesaea 49:19

“Am dom jarkhar akana arem ujạṛakana ar amakʼ disạm do nasao akatʼ disạm leka hoyakanre hõ enhõ okteko hijukʼkana unre amren hoṛko amre jaega do bam em daṛeakoa, ar okoe amko tạhuṛletʼme onko doko sạṅgińokʼa.

Jirimiạ 26:6

Onate niạ oṛakʼ do Silo lekań hoeocoya ar nonkań hoeocoya jemon dhạrtiren sanam jạtrenko niạ nagrahako sarapakʼ.’ ”

Jirimiạ 29:18

Iń do lạṛhại, akal ar mahamạrite onkoń khudạu baṛakoa ar dhạrtiren sanam rajosṭirenko ṭhen do botoranko lekań hoyocokoa. Ar okoe jạtrenko talareń laga ńirko onko ṭhen do landa-dhutʼan ar hirkhạwankogeń hoyocokoa. Onko ńelte hoṛko doko ṭhak utạrokʼa ar onkoakʼ ńutum do sarapanakʼ hoyokʼtakoa.

Jirimiạ 50:17

“Israel do chirchạtur akan bhiḍi palko leka kanae one dhạcri kule laga akade. Pạhilre Ạsurren raj do uniye jomkedea; ar mucạtʼre Babelren raj Nebukadnesar do uniyakʼ jaṅkoe tạhuṛketʼtaea.

Jirimiạ 50:7

Ar jãhãege onkoko ńametʼko onkogeko tạhuṛetʼkoa; onkoren bạiriko meneda, ‘ale do dusi dole baṅkana, ente Probhu Isor upạrte, onkoakʼ sạriyakʼ reakʼ ạtiń ṭạnḍi upạrte, onkoren hapṛamkoren asicʼ uni Probhu Isor birudre onko doko kại akada.’

Jirimiạ 51:34

Jerusalemren hoṛko meneda, “Babelren raj Nebukadnesar do aboe utʼ akatʼbona, abo doe chaka chun akatʼbona, ar eken kanḍa lekae hoyocoakatʼ bona. Danob leka uni doe utʼ akatʼbona ar aboakʼ bhage bhage jomakʼ do lacʼ bicʼe jomakada, ar tayomte do haḍapʼ siṭhạ akatʼ jaṅ lekae giḍi sạṅgiń akatʼ bona.”

Rak̕joṅ 1:21

Hoṛko do ińakʼ kuhrạuko ańjomakada, menkhan jiwi raṛejtiń lạgitʼ do celege bạnukʼkoa. Ińren sanam bạiriko do ińakʼ kosṭo reakʼ kathako ańjomakada; ar amem onka akatʼte onko doko rạskạkʼ kana. Ona din baṛe hecʼ ocoyme okaṭakʼem jạhirakatʼ jemon ona dinre iń lekako hoedaṛeakʼ.

Rak̕joṅ 3:46

Aleren sanam bạiriko do ale upạrte mocako cahapʼ akatʼtakoa.

Jeheskel 23:32

“Iń Probhu Isorgeń menetʼkana, amren boeham kuṛiyakʼ bạṭiregem ńũiya; ente ona do khạ̃yukʼ ar lạṭugea. Ar onare ḍherge sahobokʼte am do ona ńũkate hirkhạwan ar landa dhutʼicʼem hoyokʼa.

Jeheskel 25:15

Probhu Isor do nonkae menkeda, “Philisṭiko do Jihudạ cetanre hala hạkʼliko calao akada; onko do jug reakʼ bene bạiri meṭao lạgitʼ Jihudạ marao utạreko khojkana.

Jeheskel 25:3

Probhu Isorakʼ noa katha onko ańjom lạgitʼ metakom, ‘Ińakʼ oṛakʼ besonotokʼkan ar Israel disom ujạṛokʼkan ńelte ar Jihudạren hoṛko bondi ocokʼkan ńelte ape do ạḍipe kusilena.

Jeheskel 25:6

Ape do Israel disạm reakʼ dosa ńeltepe thayoleda, arpe enecʼlena ar monre hiskạ iạtepe rạskạlena.

Jeheskel 36:3

Onatege iń Probhu Isoriń menetʼ kana, jạt jạtrenkoakʼ dokholre jemonpe hijukʼ ar jemon hoṛko hiskạ arko landa dhutʼape ona lạgitʼ onko do beṛhae secʼ khonko maraoetʼpea arko utʼetʼpea.

Jeheskel 5:15

Iń do tinre heṛan edre, ar raṅgao ar heṛan eger hotete amiń sạjạimea unre am beṛhaeten jạtrenko do am ńelteko tharbasaokʼa; onko ṭhen am do nihạ̃t ar landa-dhutʼicʼgem hoyokʼa ar mitʼṭecʼ sontoricʼ lekage.

Hosea 8:8

Israel doko utʼ ocoakana; bạṛicʼakʼ jinis leka onko do ńitokʼ eṭakʼ jạtrenko talare menakʼkoa.

Mikạ 4:11

Menkhan ńitokʼ jạt jạtrenko do am upạrteko jarwa akana. Onkoko meneda, “Uni doe bhonḍ ocokʼma; dela, abo do Sion reakʼ dosa ńelte bon rạskạkʼma.”

Aposkạmi 7:54

Noako katha ańjomkate onko mukhiyạko do Stephan upạrte ạḍi bạṛicʼko raṅgaoena ar uni upạrteko togocʼ ḍaṭakeda.