Rak̕joṅ 2:1 - সান্তালী বাইবেল

¹ Hae, Probhu Isor do acʼakʼ edrete cetʼleka Sion hoponera do ńutreye danaṅ esetʼ akadea! Ar Israelakʼ ṭhonok do serma khon otreye giḍiakada. Acakʼ edrekʼ dinre uniyakʼ jaṅga dohoy reakʼ ṭhạ̃i do bae disạ dohoakada.

Rak̕joṅ 2:1 Iomraidhean Croise

2 Samuel 1:19

“E Israel, Amren ṭhonokan hoṛ do amakʼ ona usul jaegare gocʼgeko giticʼakana. Hae, birbanṭako doko marao utạrena!

1 Bõsbudạ 28:2

Ar Dạud raj do teṅgoyente onkoe metatʼkoa, “E ińren boehako ar ińren hoṛko, ińakʼ katha baṛe luturakʼpe. Probhu Isorakʼ bondobos sinduk lạgitʼ, metakʼme aleren Isorakʼ jaṅga dohoytae lạgitʼ mitʼṭecʼ oṛakʼ benao reakʼ mone tahẽkantińạ, ar iń do ona benao lạgitʼ hõń sapṛaolena.

Sereńko 132:7

Delabon, abo do uniyakʼ tahen ṭhạ̃ite bon calakʼa, ar uniyakʼ lebedokʼ ganḍore ikhṛumkate bon sewawaea.

Sereńko 89:45

Uniyakʼ juạn reakʼ dinkom komao ketʼtaea, ar lajaoakʼtem dapal akadea. (Sela)

Sereńko 99:5

Aboren Probhu Isor sarhaoepe; uniyakʼ jaṅga lebedokʼ ṭhen ikhṛumokʼte ḍobokʼaepe; ente uni doe sonotgea.

Jesaea 64:11

Aleren hapṛamko okare amko sarhaoetʼme tahẽkan aleakʼ ona sonot ar ṭhonokanakʼ koejoṅ oṛakʼ do seṅgelte ḍahao marao akana ar amem kusiyakʼkan tahẽkanakʼko do jarkhar akana.

Jirimiạ 30:14

Amren sanam dulạṛiạko do amko hiṛiń akatʼmea; onko do am reaṅ bako ganḍonokʼ kana. Bạiri hạnko lekage amiń hạn akatʼmea ar kurmutạha lekageń sạjại akatʼmea, ente amakʼ bedhorom do ḍhergetama ar kạiko hõ ḍhergea.

Rak̕joṅ 1:1

Hae! ona nagraha do, mitʼ jokhecʼ onare hoṛkote perecʼ tahẽkana, uni do cetʼleka eskare duṛupʼ akana. Okaṭakʼ nagraha do mitʼ jokhecʼ jạt jạtrenko talare maraṅe tahẽkan, uni do ńitokʼ rạnḍi maejiu lekae hoyakana. Uni do disạmkoren rạniye tahẽkana ar ńitokʼ do kạ̃ṛmĩye hoyakana.

Rak̕joṅ 1:12

Ape okoe do iń aṛetepe parom calakʼkan ape do cetʼ jãhãnakʼge baṅ cekakʼ kantapea? Ạribạndhipe ar ńelpe. Iń cetʼ lekań harkhet sasetʼ ocokʼkan onka do cetʼ jãhãeko harkhet ocoakana, okaṭakʼ Probhu Isor do acʼakʼ jolokʼkan edre hilokʼe emakawạdiń?

Rak̕joṅ 2:17

Probhu Isor do acʼakʼ goṭawakʼ lekageye kạmi akada; one okaṭakʼ katha ḍher laha khongeye roṛletʼ uni do ona kathae purun akada. Uni do begor mãyãtegeye lebda giḍi akatʼmea; bạiriko hõ am upạrteye rạskạ ocoyetʼkoa, uni do am upạrtenkoakʼ daṛeye ḍher ocoyetʼtakoa.

Rak̕joṅ 4:1

Hae! cetʼleka mạlchạ akana sona do, Cetʼ leka pherao akana nirạ sona do. Mitʼke mitʼ kulhi reakʼ dobạṭiạkore sonot ṭhạ̃i reakʼ dhiriko do cetʼ leka chirchạtur akana.

Rak̕joṅ 4:11

Probhu Isor do purạte acʼakʼ edreye oḍok akada; uniyakʼ jolokʼkan edre doe dul buhạu akada. Uni do Sionre seṅgele jolakada; ar ona reakʼ rehetʼko hõe jomakada.

Jeheskel 13:13

“ ‘Iń do edrete ińakʼ birbão hoeyiń hoeocoya. Ińakʼ edre ar khĩste lạṭu lạṭu arel ar jhar jhar dakte onań marao giḍikakʼa.

Jeheskel 19:12

Menkhan Probhu Isor do edre onae or totʼketʼte otreye giḍikada. Puruạ reakʼ hoete ona do rohoṛena, ona reakʼ jo do goso ńurena; uniyakʼ keṭecʼ ḍạrko do rạputʼente rohoṛena, ar seṅgel do onae jomkeda.

Jeheskel 30:18

Iń do tinre Misor reakʼ arãṛiń rạputʼ giḍikakʼa unre Tahpanhesre siń do ńutokʼa; onḍe uniyakʼ daṛe reakʼ bạḍạitetʼ hõ cabakʼtaea. Uni do rimilteye danaṅ esedokʼa ar uniyakʼ atoren hoṛko do bondikateko idi ocokʼa.

Joel 2:2

Ona do ńut ar kaṛaṅ kucạṅ ńutakʼ dinge, hende rimil ar kaṛaṅ ńutakʼ dinge. Buru ar ḍuṅgriko cetanre cetʼleka aṅga hijukʼ reakʼ marsal pasnao idikʼ onkage maraṅ ar daṛean pohokoren phạdko hijukʼkana. Nonkan lạṛhại phạd do lahateakʼ jugre tishõ bako tahẽkana, ar oka jugko hijukʼkan unrehõ bako tahena.

Mathae 11:23

Ar E am Kaparnạhum! Baṅ do serma hạbicʼem usul ocokokʼ? Tishõ baṅa, am do patal puritem giḍi ocokʼa. Okako hahaṛa kạmi amre hoyakan, onako Sodomre hoylen khan enḍekhan teheń hạbicʼ ona do tahẽkokʼa honaṅ.

Luk 10:15

Ar am E Kapharnạhum, am do cetʼ serma hạbicʼ usul ocokʼem meneda? Tishõ baṅa, bickom am do patal puritem giḍi ocokʼa.”

Luk 10:18

Jisui metatʼkoa, “Soetan do serma khon bijli leka ńurokʼkaniń ńel akadea.

1 Samuel 4:21

Isorakʼ sinduk do bạirikoakʼ tire calaoen iạte ar uniren jãwãe ar hońhartetʼe gocʼen iạte uniye menkeda, “Israelkoakʼ ṭhonok do calaoena.” Ar ona iạte uni gidrạwakʼ ńutum do Ikabode dohoketʼtaea.

1 Samuel 4:22

Uni doe menkeda, “Israelkoakʼ ṭhonok do calaoena, ente Isorakʼ sinduk do bạirikoakʼ tire calaoena.”