Rak̕joṅ 1:9 - সান্তালী বাইবেল

⁹ Uniyakʼ mạilạ do uniyakʼ kicricʼrege laṭkao akantaea; darakan din reakʼ do bae dạndilena. Uni doe sombotʼ bhindạṛ akana; jiwi raṛecʼtae lạgitʼ do celege bạnukʼkotaea. Uniye meneda, “E Probhu Isor, ińakʼ duk baṛe ńeltińme, ente bạiriko doko jitạu akana. ”

Rak̕joṅ 1:9 Iomraidhean Croise

2 Samuel 16:12

Hoedaṛeakʼ Probhu Isor do ińakʼ niạ kosṭoe ńela, ar teheń okaṭakʼ sarapiń ńametʼ ona bodolte ińakʼe bhạlạitińạ.”

2 Rapajko 14:26

Noa reakʼ karon do hoyokʼkana, Probhu Isor do Israelren sạdhin se guti jotoge ạḍi bạṛicʼ sasetokʼkane ńelletʼkoa; ar onko goṛowako leka do celege bako tahẽkana.

Nehemiạ 9:32

“E aleren Isor, am dom maraṅgea, am do daṛean ar botoranicʼ Isor kanam. Am do amakʼ asambheṛ dulạṛ reakʼ bondobosem rukhiyạ dohoyeda. Asuren rajkoakʼ okte khon ehopʼkate teheń hạbicʼ okako duk ale cetanre ar aleren rapajko, mukhiyạko, nạbiko, aleren hapṛamko ar aleren sanam hoṛko cetanre calakʼ kan ona do amakʼ mẽtʼre thoṛage baṛe hoyokʼma.

Sereńko 119:153

Ińakʼ duk beṅgetʼakʼme ar rukhiyạyińme, ente iń do amakʼ hukumko bạń hiṛińakada,

Sereńko 140:8

E Probhu Isor, bạṛicʼkoakʼ monsubạ do alom purạu ocoytakoa; onkoakʼ soṛojontro hõ alom jo baha ocoytakoa, jemon bạḍạite aloko phulạukʼ. (Sela)

Sereńko 25:18

Ińakʼ duk ar kosṭo secʼ beṅgedme; ar ińakʼ sanam kạiko ikạ kạtińme.

Sereńko 69:21

Onko do ińakʼ jomakʼre bisko mesalada ar tetaṅedeń jokhecʼ do sirkạko emadińạ.

Exodus 3:17

Ona iạteń meneda, Misor reakʼ santao khoniń oḍok idipea ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idipea. Onḍe do toa, dumur rasa ar jãhãn cetʼ reakʼ reṅgecʼge bạnukʼa.’

Exodus 3:7

Probhu Isore menkeda, “Misor disạmre ińren hoṛko cetanre oka santao hoyokʼkan ona doń ńelakada. Misorren sordarkoakʼ santao iạte Israelkoakʼ rakʼ do iń ṭhen seṭerakana. Onkoakʼ duk saset reakʼ katha hõń baḍae akada.

Exodus 4:31

Onate Israelko doko pạtiạuena. Ar tinreko ańjomkeda, Probhu Isor do Israelkoakʼ duk sasete ńelakada ar onkoe hiriakatʼkoa unre onko do otre ombakʼkate Probhu Isorko sewawadea.

Sosolhayic̕ 4:1

Siń cando latarre oka santaoko hoyokʼkan ona secʼ mitʼ dhao beṅgetʼkateń ńelkeda santao ocokʼko doko rakʼeda, menkhan onko jiwi raṛecʼ emako lạgitʼ do celege bạnukʼkoa. Sasantaoko ṭhen do ektiạri menakʼa, menkhan santao ocokʼko jiwi raṛecʼ emako lạgitʼ do celege bạnukʼkoa.

Jesaea 3:8

Jerusalem doe tohotʼ akana ar Jihudạ doe bhindạṛ akana, ente unkinakʼ katha ar kạmi do Probhu Isor birudrege hoyokʼkana; unkin do uni samaṅrege uniyakʼ ṭhonok kin nihạ̃tetʼ akada.

Jesaea 37:17

E Probhu Isor, luturakʼ tińme baṛe; ar amakʼ mẽtʼ beṅgedtam, ńelme; Senakerib do jiwetʼ Isor henostawae lạgitʼ cetʼko kathae roṛ gotʼakada.

Jesaea 37:23

Am do okoeyem henosta akadea? Ar okoe upạrte opoman reakʼ kathako dom roṛetʼkana? Am do okoe upạrtem kikiạukʼ kana ar okoe cetantem beṅgetʼ paromeda? Am do Israelren uni sonoticʼ upạrtege noakom nonka akada.

Jesaea 37:29

Iń upạrtem edre akana ar amakʼ bạḍại reakʼ katha do ińakʼ luturre hecʼakana ar onate iń do mũreń nakolmea ar mocareń jhinmea; ar oka hortem hecʼakan ona hortegeń ruạṛ gotʼkama.’

Jesaea 37:4

Ạsurren raj do jiwetʼ Isor nisṛạue lạgitʼ Rabsakeye kolakadea, menkhan amren Probhu Isor do hoedaṛeakʼa onako sanamakʼ katha ańjomkate uniye sạjạiyea. Onate am do onko lạgitʼ koeme one okoe ńit hạbicʼ jiwetʼ menakʼko.”

Jesaea 40:2

Jerusalemren hoṛko sãote mạ̃hir salakʼ katha roṛpe, ar onko ṭhen niạ katha lại sodorpe, onkoakʼ duk ar kosṭo do caba akana, onkoakʼ ghạṭko do ikạ akantakoa, onkoakʼ sanam kạiko reakʼ jo do Probhu Isor ṭhen khon purạgeko ńamakada.”

Jesaea 47:7

Amem menleda, ‘iń do jaejug hạbicʼ rạniń tahena.’ Menkhan niạko reaṅ am do hudis hõ bam hudisleda, se mucạtʼ jo cetʼ hoyokʼtama mente ona hõ bam hudisleda.

Jesaea 51:19

Jarkhar ar dhaṅdhaser, akal ar tarwaṛe noakin banar muhinge amre paṛao akana. Jiwi raṛecʼ do okoeye emdaṛekema? Ar cekate iń hõ jiwi raṛecʼ iń emama?

Jesaea 54:11

Probhu Isore meneda, “E birbão hoete gurlạu akanicʼ, ar jiwi raṛecʼ baṅ ńamakatʼicʼ ar nihạ̃t ocokʼicʼ nagraha, iń do nirola dhiriteń benaome lạgidokʼ kana ar amakʼ rehetʼ do nilkanto muniteń bạisạua.

Jirimiạ 13:27

Iń do amakʼ laṭghaṭ, hinhạukʼ ar nilạjiạ loṭghuṭgeń ńelakada; ṭạnḍi ar buru boṭkocʼre amakʼ hirkhạwakʼ kạmiko hõń ńelakada. Amre do hae hae E Jerusalem! Ar tinạkʼ din besapha akan dom tahena?”

Jirimiạ 16:7

Okoe onko gocʼko lạgitʼko homor halaṅ, se eṅgat-apat lạgitʼko homor halaṅ onko jiwi raṛecʼ emako lạgitʼ okoehõ piṭhạ ar dakʼ do bako emakoa.

Jirimiạ 2:34

Amakʼ tire do miridos reṅgecʼ orecʼkoakʼ jiwi reakʼ mãyãmge ńamokʼkana, onko do sind bhugạkʼ ṭhen bam ńamletʼkoa. Ar niạko tayom hõm meneda, ‘iń doń miridosgea; Probhu Isor do ińre jãhãn edre bạnukʼtaea.’ Menkhan iń do bicạrkateń sạjạimea, ente am dom meneda, ‘iń do bạń kại akada.’

Jirimiạ 48:26

“Moab bul ocoyepe, ente uni do iń upạrte apnartetʼ maraṅe udugokʼ kana. Uni do acʼakʼ becʼreye jobe akana; uni do landa-dhutʼicʼgeye hoyokʼa.

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Jirimiạ 50:29

Probhu Isore meneda, “Babelrenko birudre sanam dhinkiạko hoho jarwakope. Ona beṛhaete lạṛhại phạdkoakʼ ḍera benaope; okoehõ alope dạṛ ocokoa. Uniyakʼ kạmi reakʼ kuṛại ńam ocoyaepe. Uni okalekae ceka akatʼ ape hõ unire onkage kạmipe, ente uni do Probhu Isor upạrte, Israelren uni sonoticʼ upạrte apnarteye maraṅokʼ kana.

Rak̕joṅ 1:17

Sion do acʼakʼ tiye tiạr akatʼtaea, menkhan uniyakʼ jiwi raṛejtae lạgitʼ do celege bạnukʼkoa. Probhu Isor do Jokob lạgitʼ noae hukum akada, aḍepaseren hoṛge uniren bạiriko hoyokʼa. Onko talare Jerusalem do mitʼṭecʼ bhonḍakʼ jinisge hoyakana.

Rak̕joṅ 1:21

Hoṛko do ińakʼ kuhrạuko ańjomakada, menkhan jiwi raṛejtiń lạgitʼ do celege bạnukʼkoa. Ińren sanam bạiriko do ińakʼ kosṭo reakʼ kathako ańjomakada; ar amem onka akatʼte onko doko rạskạkʼ kana. Ona din baṛe hecʼ ocoyme okaṭakʼem jạhirakatʼ jemon ona dinre iń lekako hoedaṛeakʼ.

Rak̕joṅ 2:13

E Jerusalemren hoponera, iń do cetʼ katha roṛkateń am sejokʼa? Am do cetʼ sãoteń jurikema? E Sion kuạ̃ri kuṛi, jiwi raṛejtam lạgitʼ cetʼ tulucʼ iń somankema? Amakʼ ghạl do doreão leka maraṅgea; okoe am doe boge daṛekema?

Rak̕joṅ 4:1

Hae! cetʼleka mạlchạ akana sona do, Cetʼ leka pherao akana nirạ sona do. Mitʼke mitʼ kulhi reakʼ dobạṭiạkore sonot ṭhạ̃i reakʼ dhiriko do cetʼ leka chirchạtur akana.

Rak̕joṅ 5:1

E Probhu Isor, ale cetanre oka hoyakan ona baṛe disạime; ạribạndhime, ar aleakʼ henosta baṛe ńelme.

Hosea 2:14

“Ar cĩkạ̃ṛ cĩkạ̃ṛ kathate uni do hahaṅkarteń ạyur idiyea ar uni tulucʼ dulạṛ reakʼ kathań roṛa.

Sephaniạ 2:10

Unkin do ạkinakʼ bạḍại iạtege noa kuṛạikin ńama, ente phạdkoren Probhu Isorren hoṛkin landa dhutʼatʼko tahẽkana ar onko upạrte apnartetʼ do maraṅkin udugokʼkan tahẽkana.

Johan 11:19

Jihudiko modren ḍher hoṛge Martha ar Mạriạmren boehae gocʼakan iạte jiwi raṛecʼ tạkin lạgitʼko hecʼakan tahẽkana.

Dosar Biboron 26:7

Unre abo do aboren hapṛamkoren Probhu Isor ṭhen bon rakʼleda. Ar uni do aboakʼ rakʼjoṅakʼe ańjomketʼtabona ar aboakʼ harkhet sasete ńelkeda; ar cetʼleka bon santao ocokʼkan ona hõe ńelkeda.

Dosar Biboron 32:27

Menkhan iń doń baḍaekan tahẽkana bạiriko do bạḍạiteko perejokʼa ar begor bujhạuteko roṛa baṅma onkoakʼge jitạu do hoyakana; Probhu Isor do noako reakʼ cetʼge bae ceka akada.”

Dosar Biboron 32:29

Ạklinanko tahẽlen khan honaṅ ona kathako bhujhạukea ses dosa cetʼ hoyokʼtakoa mente.

1 Patras 4:17

Bicạr reakʼ okte do hoyakana ar ona do Isorakʼ gharońjren hoṛko khonge ehobokʼa. Ar ona bicạr do abo khonge ehopʼlen khan, enḍekhan okoe Isorakʼ bhage sombat bako manao akatʼ onko do cetʼ dosa hoyokʼtakoa?

1 Samuel 1:11

Ar Probhu Isor ṭhen manot dohokateye menkeda, “E sanam daṛeanicʼ Probhu Isor, amren kạ̃ṛmĩyakʼ mon reakʼ duk secʼ baṛe beṅgedme ar ańjomtińme. Ar iń bam hiṛiń akadińte amren kạ̃ṛmĩ jodi mitʼṭen hoponem danae enḍekhan jonom bhor uni do am ńutumteń emokʼa. Ar uniyakʼ bohokʼre tisge holatʼ do bạń lagaoakʼa.”