Rak̕joṅ 1:3 - সান্তালী বাইবেল

³ Kosṭo ar kajak khaṭaokʼ tayom Jihudạ do sạṅgińteye bondi idi ocoakana. Uni do eṭakʼ jạtrenko talareye girobasokʼ kana; ar okarehõ jirạu do bae ńam akada. Okoe uniko khudạulede onko do uniyakʼ dạrun dukko talatege uniko sapʼ tiyokʼ akadea.

Rak̕joṅ 1:3 Iomraidhean Croise

2 Rapajko 25:11

Ar nagraharen sarecʼ hoṛko okoe do Babel raj secʼko hoylen onko sanamkoge rurukhiyạ dolren subedar Nebusaradan do bondikateye idiketʼkoa,

2 Rapajko 25:21

Ar raj do Hamat disạm reakʼ Riblare noko sanam hoṛkoe gocʼketʼkoa. Nonkate Jihudạren hoṛko bondikate apnarakʼ disạm khon sạṅgińteko idiocoyena.

2 Rapajko 25:4

Tayomte nagraha pạcri reakʼ mitʼ jaegareko bhugạkʼkeda. Ar Babelrenko do nagrahako gherao esetʼ akatʼ tahẽkanre hõ ńindạ jokhecʼ Jihudạren sanam lạṛhại phạdko do rajakʼ bagwan ṭhenakʼ banar pạcri reakʼ phaṭok duạrte nagraha khonko oḍokena ar raj do Araba secʼe dạṛkeda.

2 Rapajko 25:5

Ar uniren sanam lạṛhại phạdko do uni khonko begarente onko doko chirchạtur cabayena ar unre Babelren lạṛhại phạdko do rajko khudạu idikedea ar Jerikho reakʼ bilạn ṭạnḍireko sapʼ tiyokʼkedea.

Jirimiạ 13:19

Negeb reakʼ nagrahakote bolokʼ reakʼ hor do bondokʼa ar onḍe do okoehõ bako bolo daṛeakʼa. Jihudạren sanam hoṛ do bondikateko idi ocokʼa, ar sanamgeko idi ocokʼa.’ ”

Jirimiạ 16:16

“Menkhan ńitokʼ do ḍher jạilạgeń hoho ạgukoa ar onko do hako lekako sapʼkoa. Ona tayom iń do arhõ sesendrako hõń hoho ạgukoa onko do mitʼke mitʼ maraṅ ar huḍiń buruko ar dhiri ciritʼ khonko sendra totʼkoa.

Jirimiạ 24:9

Ar jãhãrege onkoń sạṅgiń giḍikako onḍege onko do botorankoń hoyocokoa, dhạrtiren sanam jạtrenko ṭhen hirkhạwanko, landa-dhutʼanko, henostako ar kạhtukgeń hoyocokoa. Ar onkoakʼ ńutum iạte hoṛko do onkoko sarapakoa.

Jirimiạ 39:9

Ar rurukhiyạ dolren subedar Nebusaradan do unre okoeko nagraharegeko tahẽkan, ar okoe do Babel secʼrenko hoyen ar okoe do disạmre sarecʼko tahẽyen onko bondikate Babelteye idiketʼkoa.

Jirimiạ 52:15

Ar okoeko reṅgecʼ hoṛ do nagrahare sarecʼko tahẽyen onko modren adomko ar sarecʼ kạrigolko ar okoe do Babel raj secʼko hoylen rurukhiyạ dolren subedar Nebusaradan do onko hõ bondikateye idiketʼkoa.

Jirimiạ 52:8

Rajren sanam lạṛhại phạdko do acʼ ṭhen khonko begarente onko doko chirchạturena ar ona jokhecʼ Babelren lạṛhại phạdko do Sedekiạ rajko khudạu idikedea ar Jerikho reakʼ bilạn ṭạnḍireko sapʼ tiyokʼkedea.

Rak̕joṅ 2:9

Ona reakʼ phaṭok duạrko do otre danaṅ akana; huṛkạṛko doe rạputʼ giḍiakada. Uniren raj ar mukhiyạko do jạt jạtrenko talareko bondi ocoakana; ạn-ạri mente cetʼge bạnukʼa; uniren nạbiko do Probhu Isor ṭhen khon dorson do bako ńameda.

Rak̕joṅ 4:15

Hoṛko do hohoateko metakokan tahẽkana, “Ocogokʼpe, ape dope bhonḍgea. Ocogokʼpe, men ocokʼpe, alope joṭetʼlea. ” Onko do uḍạcal hoṛ lekako ạcur baṛaekan tahẽkana; boṅgan hoṛ jạtrenko doko menetʼ tahẽkana, “Abo talare upriạ do bako tahẽ daṛeakʼa. ”

Rak̕joṅ 5:5

Tarenre arãṛko ladeakatʼlea, ãṭko kạmi ocoyetʼlea laṅga cabayenale; jirạu do bạnukʼtalea.

Jeheskel 5:12

Amren pe hạṭiń reakʼ mitʼ hạṭiń hoṛ do am talare mahamạrite ar baṅkhan akalteko gujukʼa ar pe hạṭiń reakʼ mitʼ hạṭiń do pạcri bhit bahrere lạṛhạiteko gujukʼa ar pe hạtiń reakʼ mitʼ hạṭiń do beṛhaeteń chirchạturkoa ar tarwaṛe do onkoe khudạu baṛakoa.