Rak̕joṅ 1:2 - সান্তালী বাইবেল

² Uni do ạyupʼ jokhecʼ ạḍiye rakʼetʼ kana, mẽtʼ dakʼte johakine lohotʼetʼtaea. Acʼren dulạṛiạko modren uniyakʼ jiwi raṛejtae lạgitʼ do okoehõ bạnukʼkoa. Uniren gateko do jotoge uniko eṛeakadea; onko jotoge uniren bạiriko hoyakana.

Rak̕joṅ 1:2 Iomraidhean Croise

Jobakʼ 6:15

Menkhan ińren gateko cetanre do ohoń bhorsa daṛelena; onko do nonkan ạtukʼ dakʼ lekanako one okte oktere bondokʼ kan arhõ okte oktere do gaḍa perecʼ cape rakabokʼ kan.

Jobakʼ 7:3

onkage candoke cando ińre bin jo bahakʼ do paṛao akana; iń do ńindạke ńindạ eken dukiń ńameda.

Sereńko 126:5

Mẽtʼ dakʼ joro jorote okoe do itạko eretʼkan onko hõ hulạs salakʼko ira.

Sereńko 31:11

Bạiriko ṭhen iń do henostageń hoyakana, bạ̃ṛtikaete ińren gateko ṭhen. Ar ńepel oprom hoṛko ṭhen do torasge; kulhireko ńelliń khan onko doko ńir pharakokʼkana.

Sereńko 6:6

Iń do kuhrạu kuhrạuteń laṅga caba akana; goṭa ńindạ rakʼ rakʼte aṭetʼiń lohotʼetʼtińạ, ar mẽtʼ dakʼte ińakʼ parkomiń ḍiń ḍạbureda.

Sereńko 69:21

Onko do ińakʼ jomakʼre bisko mesalada ar tetaṅedeń jokhecʼ do sirkạko emadińạ.

Kạhtukko 19:7

Reṅgecʼ hoṛ do acʼren peṛa pạrbhạ jotogeko kurudaea ar acʼren gateko hõ acʼ khon pharakreko tahena; ar uniyakʼ nerha jerhare onko do bako luturakʼa.

Jirimiạ 13:17

Ar katha bape ańjom khan apeakʼ bạḍại iạte iń do danaṅreń raga, ạḍitetʼ geń raga ar ińakʼ mẽtʼ do mẽtʼ dakʼte perecʼjokʼtińạ, ente Probhu Isorren hoṛ do bondikateko idi ocokʼa.

Jirimiạ 2:25

Menkhan am do sontor akae tahenme, ar baṅkhan jaṅga reakʼ panahe hõ nosṭokʼtama ar amakʼ nạnḍri hõ rohoṛokʼ tama. Menkhan amem men akada, ‘jãhãn porhoge bạnukʼa. Iń do debotageń dulạṛetʼkoa, onkogeń pańjakoa.’

Jirimiạ 3:1

Probhu Isore meneda, “Jãhãe hoṛ acʼren bạhui bạgiye ar uni maejiu do uni ṭhen khon senkate eṭakʼ hoṛ tulucʼe baplakʼ, enḍekhan uni herel hoṛ do cetʼ arhõ uni maejiu ṭhene ruạṛ calakʼa? Uniye ruạṛ calaolen khan ona disạm do cetʼ baṅ bhonḍokʼa. Menkhan am do ḍherko sãote tahẽkate kusumbiko lekam laṭghaṭ akada; ar ńit do cekate arhõ iń ṭhenem ruạṛ hijukʼa?

Jirimiạ 30:14

Amren sanam dulạṛiạko do amko hiṛiń akatʼmea; onko do am reaṅ bako ganḍonokʼ kana. Bạiri hạnko lekage amiń hạn akatʼmea ar kurmutạha lekageń sạjại akatʼmea, ente amakʼ bedhorom do ḍhergetama ar kạiko hõ ḍhergea.

Jirimiạ 4:30

E ḍahao marao akan nagraha, am do cetʼem cekaya? Arakʼ kicricʼ ar sona reakʼ gohnate do cedakʼem abhranokʼ kana? Cedakʼ mẽtʼre do aenom kajarem lagaojoṅ kana? Am do ạuṛiyakʼgem sajokʼ kana. Amren dulạṛiạko do amko kurudam kana, onko do amakʼ jiwi hatao lạgitʼko kurumuṭu kana.

Jirimiạ 9:1

Hae, ińakʼ bohokʼ do dakʼge hoylen khan, ar ińakʼ mẽtʼ do jharna dakʼge hoylentiń khan! Enḍekhan iń jạtren okoeko hoṛko gocʼ ocoakan onko lạgitʼ siń ar ńindạń rakʼkea.

Rak̕joṅ 1:19

Ińren dulạṛiạkoń hohoatʼkoa menkhan onko doko eṛekedińa. Ińren naekeko ar murubbiko do apnar jiwetʼ tahen lạgitʼ jomakʼ sendra sendrate nagraha talaregeko ses utạrena.

Rak̕joṅ 1:21

Hoṛko do ińakʼ kuhrạuko ańjomakada, menkhan jiwi raṛejtiń lạgitʼ do celege bạnukʼkoa. Ińren sanam bạiriko do ińakʼ kosṭo reakʼ kathako ańjomakada; ar amem onka akatʼte onko doko rạskạkʼ kana. Ona din baṛe hecʼ ocoyme okaṭakʼem jạhirakatʼ jemon ona dinre iń lekako hoedaṛeakʼ.

Rak̕joṅ 1:9

Uniyakʼ mạilạ do uniyakʼ kicricʼrege laṭkao akantaea; darakan din reakʼ do bae dạndilena. Uni doe sombotʼ bhindạṛ akana; jiwi raṛecʼtae lạgitʼ do celege bạnukʼkotaea. Uniye meneda, “E Probhu Isor, ińakʼ duk baṛe ńeltińme, ente bạiriko doko jitạu akana. ”

Rak̕joṅ 2:11

Rakʼ rakʼte ińakʼ mẽtʼ do dhundentińạ, ińakʼ jiwi do ṭolmolaokʼ kantińạ; iń jạtren hoponerae nosṭoyen iạte nagraha reakʼ kulhikore ńir keṭecʼ gidrạ ar nunukoko loraokʼkan iạte ińakʼ ontor do bhabnate suḍrạu oḍokentińạ.

Jeheskel 16:37

ona iạte amren onko sanam dulạṛiạkoń jarwakoa one okoeko tulucʼem rạskạ mitʼlen. One okoeyem dulạṛletʼko tahẽkan ar okoeyem hirkhạwako kan tahẽkan onko sanamkoń jarwakoa. Iń do beṛhae khon am upạrteń jarwakoa ar onko samaṅre amakʼ kicricʼ iń bhạnduṛtama jemon onko do amakʼ lajaoteakʼko ńel daṛeatam.

Hosea 2:7

Uni do acʼren dulạṛiạko tayomteye ńir calakʼa menkhan onko do bae tiyokʼ daṛeakoa; uni do onkoe sendrakoa menkhan bae ńamkoa. Khan unreye mena, ‘ińren pạhil jãwãe ṭheniń ruạṛ calakʼa, ente onḍe do bhagegeń tahẽkana.’

Mikạ 7:5

Aḍepaseren hoṛko cetanre bhorsa alope dohoya, ar jãhãe gateko cetanre hõ pạtiạu alope dohoya; hẽ, amakʼ koṛam pheḍreye giticʼkan amren bạhu ṭhen katha hõ sontorte roṛme,

Johan sodor 17:13

Noko rajkoakʼ monsubạ do mitʼgea, ar onko do jotoge akoakʼ daṛe ar ektiạri uni janwarko emaea.

Johan sodor 17:16

Ar oka gel goṭecʼ dereńem ńelketʼ onako ar uni janwar do uni kusmbiko hirkhạwaea. Onko do uniko maraoe giḍiyea arko uluṅea ar uniyakʼ jelko joma; ona tayom uni do seṅgelreko atar giḍikaea.