Rak̕joṅ 1:16 - সান্তালী বাইবেল

¹⁶ Onatege iń doń rakʼeda, ińakʼ mẽtʼdakʼ do jorokʼ kantińạ. Jiwi raṛejtiń lạgitʼ do celege bạnukʼkoa, ar jiwi cerṭha ocoytiń lạgitʼ hõ bạnukʼkoa. Ińren gidrạko do ujạṛgeko hoyakana, ente bạiriko doko jitạuena. ”

Rak̕joṅ 1:16 Iomraidhean Croise

Sereńko 106:42

Onkoren bạiriko do ako cetanre santaoko ehopʼkeda; ar onko gobolreko tahẽyena.

Sereńko 119:136

Ińakʼ mẽtʼdakʼ do ạtukʼkantińạ ente hoṛko do amakʼ hukum bako manaoeda.

Sereńko 69:20

Hirkhạ iạte ińakʼ mon do rạputʼ akana onate iń doń kạhil akana. Ińakʼ dukte jemon eṭakʼkoko dukokʼ ar onage iń doń khojkan tahẽkana, menkhan ona do bạń ńamleda. Jiwi raṛecʼko emdaṛeạń hoṛiń khojletʼkoa, menkhan onkan okoe hõ bạń ńamletʼkoa.

Sosolhayic̕ 4:1

Siń cando latarre oka santaoko hoyokʼkan ona secʼ mitʼ dhao beṅgetʼkateń ńelkeda santao ocokʼko doko rakʼeda, menkhan onko jiwi raṛecʼ emako lạgitʼ do celege bạnukʼkoa. Sasantaoko ṭhen do ektiạri menakʼa, menkhan santao ocokʼko jiwi raṛecʼ emako lạgitʼ do celege bạnukʼkoa.

Jesaea 54:11

Probhu Isore meneda, “E birbão hoete gurlạu akanicʼ, ar jiwi raṛecʼ baṅ ńamakatʼicʼ ar nihạ̃t ocokʼicʼ nagraha, iń do nirola dhiriteń benaome lạgidokʼ kana ar amakʼ rehetʼ do nilkanto muniteń bạisạua.

Jirimiạ 13:17

Ar katha bape ańjom khan apeakʼ bạḍại iạte iń do danaṅreń raga, ạḍitetʼ geń raga ar ińakʼ mẽtʼ do mẽtʼ dakʼte perecʼjokʼtińạ, ente Probhu Isorren hoṛ do bondikateko idi ocokʼa.

Jirimiạ 14:17

“Am do hoṛko noa katham metakoa, ‘siń ńindạ ińakʼ mẽtʼ khon mẽtʼ dakʼ jorokʼma, ente iń jạtren kũạri kuṛiko do ạḍiko ghạl akana.

Jirimiạ 15:5

“E Jerusalem, am do okoeye dayawama? Am lạgitʼ do okoeye homor halaṅa? Cetʼ leka menama ona kulime lạgitʼ do okoeye hijukʼa?

Jirimiạ 8:18

Ińakʼ duk do nunạkʼ ḍhera, ona reakʼ jiwi raṛecʼ do bạnukʼa; ińre ińakʼ ontor do ạḍi dukokʼkana.

Jirimiạ 9:1

Hae, ińakʼ bohokʼ do dakʼge hoylen khan, ar ińakʼ mẽtʼ do jharna dakʼge hoylentiń khan! Enḍekhan iń jạtren okoeko hoṛko gocʼ ocoakan onko lạgitʼ siń ar ńindạń rakʼkea.

Jirimiạ 9:10

Buruko ńutumteń rakʼeda ar hahaṅkar reakʼ ạtiń ṭạnḍiko lạgitʼ doń homor halaṅeda. Ente onako do dhaṅdhaser akana, ar okoehõ onkate do bako paromokʼkana. Mĩhũ meromkoakʼ bhokraokʼ hõ baṅ ańjomokʼkana. Coṭren cẽṛẽ ar janwar doko dạṛ akada arko calao cabayena.

Jirimiạ 9:21

Gujukʼ do aboakʼ jalna secʼte aboakʼ gaṛkore boloakana; ona do kulhi khon gidrạko ar dobạṭiạ khon juạnkoe marao utạr akatʼkoa.

Rak̕joṅ 1:2

Uni do ạyupʼ jokhecʼ ạḍiye rakʼetʼ kana, mẽtʼ dakʼte johakine lohotʼetʼtaea. Acʼren dulạṛiạko modren uniyakʼ jiwi raṛejtae lạgitʼ do okoehõ bạnukʼkoa. Uniren gateko do jotoge uniko eṛeakadea; onko jotoge uniren bạiriko hoyakana.

Rak̕joṅ 1:9

Uniyakʼ mạilạ do uniyakʼ kicricʼrege laṭkao akantaea; darakan din reakʼ do bae dạndilena. Uni doe sombotʼ bhindạṛ akana; jiwi raṛecʼtae lạgitʼ do celege bạnukʼkotaea. Uniye meneda, “E Probhu Isor, ińakʼ duk baṛe ńeltińme, ente bạiriko doko jitạu akana. ”

Rak̕joṅ 2:11

Rakʼ rakʼte ińakʼ mẽtʼ do dhundentińạ, ińakʼ jiwi do ṭolmolaokʼ kantińạ; iń jạtren hoponerae nosṭoyen iạte nagraha reakʼ kulhikore ńir keṭecʼ gidrạ ar nunukoko loraokʼkan iạte ińakʼ ontor do bhabnate suḍrạu oḍokentińạ.

Rak̕joṅ 2:18

Amren hoṛkoakʼ ontor do Probhu Isor ṭhen rakʼ rakʼteko meneda, “E Sion hoponerawakʼ pạcri, amakʼ mẽtʼ dakʼ do siń ńindạ gaḍa leka ạtukʼma; am apnar do alom sạjại ocokʼa, mẽtʼ hõ alom jirạu ocowakʼa.

Hosea 9:12

Onkoren gidrạkoko ạsul haralekore hõ onko gidrạ doń gocʼkoa; onkoren mitʼṭen hõ bako tahena. Hae onko do, tinre onko ṭhen khoniń calakʼa.