Rak̕joṅ 1:13 - সান্তালী বাইবেল

¹³ Coṭ khon uni do ińakʼ jaṅkore seṅgelgeye kol akada. Ińakʼ jaṅga lạgitʼ uni do jhãmpae oḍao akada ar ạcur ruạṛokʼ lạgitʼe jormoṭ akadińạ. Uni do ińe eskar akadińạ, goṭa din nijorgeye dohoakadińạ.

Rak̕joṅ 1:13 Iomraidhean Croise

Jobakʼ 18:8

Uniyakʼ jaṅgage jhạli secʼe chaṭa idiyea; ar onage khạ̃ṛireye adereya.

Jobakʼ 19:6

enḍekhan baḍaepe, Isorge iń cetanreye behokeda; ar acʼakʼ jhạlire unigeye esetʼ ạcur akadińạ.

Jobakʼ 30:30

Ińakʼ harta do chaḍaokʼ ńurokʼkantińạ; ar jaṅ do lolote khạurạ akantińạ.

Sereńko 129:5

Okoe Sionko kurudakʼ kan onko doko lajao ocokʼma arko pạc ruạṛokʼma.

Sereńko 140:5

Bạḍại hoṛko do iń lạgitʼ pạsi baberko oḍao akada; onko do hor aṛere jhạliko aṭetʼ akada ar iń lạgitʼ jhampako dohoakada.

Sereńko 22:14

Iń do dakʼ lekań dul giḍi ocoakana, ińakʼ sanam jaṅ reakʼ joṛaoko do chaḍao akantińạ, ińakʼ ontor do mom leka hoyakante iń bhitrirege cher lambao idikʼkana.

Sereńko 31:10

Hasote ińakʼ jiwi do oḍokokʼ kana, ar hae haete umer hõ parom calakʼkan tińa; bedhorom iạte ińakʼ daṛe do komao idikʼ kana, ińakʼ jaṅko do nijor caba akana.

Sereńko 35:4

Ar okoe iń gojeńko menjoṅkan onko do lajao ar bemanotreko paṛaokʼma; ar okoe do ińakʼ bạṛicʼ reakʼko soṛojontroyetʼ onko do opomankateko ruạṛ calakʼma.

Sereńko 38:8

Iń doń nijor akana, ariń rạputʼ akana, ar ontor reakʼ hasoteń kạulạ kạulikʼ kana.

Sereńko 66:11

Amge ale do jhạlirem bolo ocoketʼlea ar aleakʼ deare bojham ghuguwatʼlea.

Exodus 12:9

Ona jel do berelte se dakʼte isinkate do alope joma, menkhan bohokʼ, jaṅga ar bhitri reakʼ hạṭińko sudhạ seṅgelre rapakʼ katepe joma.

Jesaea 42:17

Menkhan okoe goṛhon muṭhạnreko bhorsakʼkan, ar okoe do chãchre dulakʼ boṅga muṭhạnko metakʼkan, ‘apege aleren debota do,’ enḍekhan onko do ạḍi lajaoreń paṛao ocokoa.

Jirimiạ 44:6

Onatege ińakʼ jolokʼkan edre doń dulletʼ tahẽkana; ona do Jihudạkoakʼ nagrahare ar Jerusalem reakʼ ḍaharkore jol rakapʼlena ar onate onako do teheń ujạṛakʼ ar dhaṅ dhaserakʼ hoyakana.

Rak̕joṅ 1:22

Onkoakʼ sanam bạṛicʼ kạmiko do am samaṅre hijukʼma. Ińakʼ sanam ghạṭko iạte ińre okam ceka akatʼ onkorehõ baṛe onkaeme. Ińakʼ kuhrạu do ḍhergea, ińakʼ mon do kạhil akantińạ. ”

Rak̕joṅ 3:11

Hor khon or ghec ghece ạgukateye khanḍa khunḍi akadińạ ar eskargeye giḍi oṭoakadińạ.

Rak̕joṅ 5:17

Noa iạte aleakʼ mon do nijor akana, noako iạte aleakʼ mẽtʼ do ńuṛu ńuṛu akantalea.

Jeheskel 12:13

Iń do uni lạgitʼ jhạliń oḍaoa ar uni do ińakʼ pạsireye sabokʼa. Ar uni do Babelrenkoakʼ disạmteń idiyea, menkhan ona do bae ńela; uni do onḍegeye gujukʼa.

Jeheskel 17:20

Iń do uni lạgitʼ jhạliń oḍaoa ar uni do ińakʼ pạsireye sabokʼa. Ar ińreye bepạtiạr akante uni do Babelteń idiyea ar onḍegeń sạjạiyea.

Jeheskel 32:3

“ ‘Iń Probhu Isorgeń menetʼkana, iń do am cetanre jhạliń pasnaotińạ, hẽ, jạt jạtrenko sãotege ar onko do ińakʼ jhạliteko or rakapʼmea.

Hosea 7:12

Ar onko tinreko senokʼa unre iń do onko cetanre jhạliń capada; ar coṭren cẽṛẽko leka onkoń or pheḍkoa. Israelko ṭhen cetʼ leka roṛ hoylen onkage onko doń sạjạikoa.

Nạhum 1:6

Uniyakʼ raṅgao samaṅre do okoeye ṭikạu tahẽdaṛekokʼa? Ar uniyakʼ botoranakʼ edre do okoeye sahao daṛeketaea? Uniyakʼ edre do seṅgel leka jolokʼkana; ar uni samaṅre lạṭu lạṭu dhiriko do gejerokʼ kana.

Habakkuk 3:16

Ona ańjomkate iń do botorokʼ iń ehopʼena, ińakʼ luṭikin hõ thar tharaoentinạ; iń doń nijor idiyena ar ińakʼ jaṅgakin do lakaṛ lukuṛokʼ ehopʼena. Enhõ iń do ona din lạgitʼ jiwi hataṛkate koyokʼ hor akaegeń tahena one oka hilokʼ ale khekhedko do muhinreko paṛaokʼ.

Dosar Biboron 28:65

Onko jạtrenko talare suluk do bape ńama, ar jirạukʼ lạgitʼ apnarakʼ jãhãn ṭhạ̃ige baṅ tahentapea. Onḍe Probhu Isor do dhak dhakaokʼkan mon ar loraokʼkan jiwi ar as akan koyokʼ horakatʼ mẽtʼe emapea, ar apeakʼ ontor do be asteye perecʼ ocoytapea.

Ibriko 12:29

Ente aboren Isor do ḍahao maraoakʼ seṅgel lekanae.