Rak̕joṅ 1:10 - সান্তালী বাইবেল

¹⁰ Uniren bạiriko do uniyakʼ damanakʼ jinisko joṭetʼ akatʼtaea; boṅgan hoṛ jạtrenko hõ acʼakʼ sonot ṭhạ̃ite bolokʼe ńelakatʼkoa. Noko doko onko hoṛ kangea okoe do amakʼ somajte bolokʼem baronletʼko.

Rak̕joṅ 1:10 Iomraidhean Croise

2 Bõsbudạ 36:18

Babelren raj do Isorakʼ oṛakʼ reakʼ lạṭu kạṭicʼ sanamakʼ jinis ar dhon-durib, raj ar uniren kạmiyạkoakʼ dhonko Babelteye idikeda.

Nehemiạ 13:1

Hoṛko do Moseyakʼ puthi khon paṛhao ańjomatʼko khan ńelena, onḍe do nonka ol menakʼa Amonren ar Moabrenko do Isorren hoṛkoakʼ somajre bako seletʼ daṛeakʼa.

Jesaea 63:18

Amakʼ sonot ṭhạ̃i do thoṛa din lạgitʼ amren begar akan hoṛkoakʼ tire tahẽkana, menkhan ńitokʼ aleren bạiri do ona sonot ṭhạ̃iko lebetʼ gasmanḍaoetʼ kana.

Jirimiạ 15:13

E Jihudạ amakʼ sanam kạiko ar goṭa disạm tala reakʼ kạiko ńutumte amakʼ dhon ar murạiko do, begor damteakʼ luṭakʼ jinis lekateń soprota.

Jirimiạ 20:5

Iń do noa nagraha reakʼ sanam dhon-durib, metakʼme onkoakʼ khet baṛge reakʼ anajko ar sanam damanakʼ jinisko ar Jihudạ rapajkoakʼ sanam murạiko onkoren bạirikoakʼ tireń soprota. Onko do ona luṭkate Babelteko idiya.

Jirimiạ 27:19

Babelren raj Nebukadnesar do Jehoyakimren hopon Jihudạren raj Jekoniạ, Jihudạ ar Jerusalemren mukhiyạko Jerusalem khon Babelte idiko jokhecʼ oka tham khunṭikin, maraṅ bhajan, doṛomakʼko ar eṭakʼ okako jinisko bako idiakatʼ onako reaṅ phạdkoren Probhu Isor doe meneda,

Jirimiạ 27:21

‘okako jinis ińakʼ oṛakʼ ar Jihudạ rajakʼ oṛakʼre ar Jerusalemre menakʼ onako hõ Babelte idikʼa ar tin hạbicʼ onako bạń moneyakʼ un hạbicʼ onako do onḍege tahena. Ar ona tayom iń do arhõ niạ ṭhạ̃ite onakoń ruạṛ ạguiya. Iń Israelren Isor phạdkoren Probhuge niạ katha doń meneda.’ ”

Jirimiạ 50:28

Ańjompe, Babel khon ńir paskao akan hoṛkoakʼ aṛaṅ do Sionre hecʼkateko lại jạhiretʼkana, aboren Probhu Isor do cetʼleka acʼakʼ oṛakʼ iạteye hala hạlikʼ kana.

Jirimiạ 51:51

“Apepe meneda, ‘ale babotre henosta kathale ańjom akatʼte ale dole lajao ocoakana. Lajao do aleakʼ mẽtʼãhãe betʼ akatʼtalea, ente Probhu Isorakʼ oṛakʼ reakʼ sonot ṭhạ̃ikore bidisiạkoko bololena.’

Jirimiạ 52:13

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

Rak̕joṅ 1:7

Jerusalem do acʼakʼ kosṭo ar dãṛãbaṛae dinkore acʼakʼ sedaeakʼ dhon dorib reakʼ kathae disạyetʼ kana. Uniren hoṛko tinre bạirikoakʼ tireko paṛaolena unre uni goṛowae lạgitʼ okoehõ bako tahẽkana. Uniren bạiriko uni secʼko beṅgetʼ akada ar maraokʼ lạgitʼko landa-dhutʼae kan tahẽkana.

Jeheskel 44:7

Apeakʼ eṭakʼ bạṛicʼakʼ colonko sãote ape do iń ṭhen jomakʼ, itil ar mãyãm samaṅokʼakʼpe samaṅ jokhecʼ ontor ar hoṛmore bin khatna akan bidisiạko ińakʼ oṛakʼrepe ader akatʼkote ińakʼ oṛakʼpe besonot akada ar onkoakʼ kạmi hotete ińakʼ bondobospe bạtil akada.

Jeheskel 7:22

Ḍạkuko do ińakʼ sonot jaegare bolokate onako besonota, ar onko secʼ khon ińakʼ mẽtʼãhã doń ạcurtińạ.

Jeheskel 9:7

Ona tayom Isor do onkoe metatʼkoa, “Gocʼ hoṛkote bakher raca perejpe ar mundil do bhonḍpe. Do calakʼpe, ar kạmipe.” Onate onko doko oḍokente nagrahate senkate hoṛ gogocʼko ehopʼena.

Mark 13:14

“Ar ujạṛ utạrakʼ hirkhạwakʼ okare tahen baṅ ganokʼ, ona tinre onḍe tahẽ akanpe ńela (Paṛhaoicʼ doe moneyakʼma) unre Jihudạre tahenko do buruteko ńir joṅma.

Dosar Biboron 23:3

“Jãhãe Amoni se Moabi hõ Probhu Isorakʼ manḍerre bae seletʼ daṛeakʼa; gelpon piṛhi hạbicʼ uniren cele hõ manḍerre bako bolo daṛeakʼa.

Dosar Biboron 23:4

Ente Misor disạm khon oḍok hecʼkate apeakʼ dãṛãn horre onko do jomakʼ ar dakʼante bako daramletʼpea, bickom sarapape lạgitʼ Mesopoṭamia disạm reakʼ Pethor nagraha khon Beor hopon Biliam do ṭakateko ạguledea.