Rak̕joṅ 1:1 - সান্তালী বাইবেল

¹ Hae! ona nagraha do, mitʼ jokhecʼ onare hoṛkote perecʼ tahẽkana, uni do cetʼleka eskare duṛupʼ akana. Okaṭakʼ nagraha do mitʼ jokhecʼ jạt jạtrenko talare maraṅe tahẽkan, uni do ńitokʼ rạnḍi maejiu lekae hoyakana. Uni do disạmkoren rạniye tahẽkana ar ńitokʼ do kạ̃ṛmĩye hoyakana.

Rak̕joṅ 1:1 Iomraidhean Croise

1 Rapajko 4:21

Phurạt gaḍa khon ehopʼkate Misor ar Philisṭikoakʼ disạm reakʼ simạ hạbicʼ sanam rajosṭiko do Solomonakʼ gobolrege tahẽkana. Solomon tinạkʼ din jiwetʼe tahẽkan unạkʼ dinge niạko disạmren hoṛko do bhejako emaekan tahẽkana ar uni gobolreko tahẽkana.

2 Rapajko 23:33

Pharao Neko do pon ṭon rupạ ar pegel are keji sona khajna lekate Jihudạ disạm cetanreye ladeatʼkoa.

2 Rapajko 23:35

Pharao Nekowakʼ dạbiteakʼ lekate Jehoyakim do sona ar rupạ uniye emadea. Ar ona emae lạgitʼte disạmren hoṛko cetanre khajnae ladeatʼkoa ar disạmren mimitʼko hõ khajnae ṭhikatʼkote sona ar rupạ do disạmren hoṛko ṭhen khone ạdại hataoketʼa.

2 Bõsbudạ 9:26

Uni do Phurạt gaḍa khon Philisṭikoakʼ disạm ar Misor disạm reakʼ simạ hạbicʼren rapajko cetanreye rajokʼkan tahẽkana.

Esra 4:20

Daṛean rapajko do Jerusalem khon phurạt gaḍa pạchim aṛe reakʼ goṭa ṭoṭhako rajokʼ kan tahẽkana ar onḍenko hoṛko hõ khajna, bheja ar mạsulko emokʼkan tahẽkana.

Nehemiạ 5:4

Arhõ eṭakʼkoko menetʼ tahẽkana, “Rajakʼ khajna emokʼ lạgitʼ jaega jumi ar darkha bagwan bondhok dohokate ṭaka hatao lagaoale kana.

Nehemiạ 9:37

Aleakʼ kại iạte okoeko raj do ale cetanre rajosṭim calao ocoyetʼko onko ṭhenge disạm reakʼ ḍher phosol do calakʼ kana. Onko do akoakʼ kusi leka aleakʼ hoṛmo cetanre ar aleren ạsul janwarko cetanre ạidạriko calaoeda. Ale do ạḍi duk ar kosṭore menakʼlea.”

Sereńko 122:4

Sanam gusṭirenko do onḍegeko rakapʼa, Probhu Isorren hoṛkoakʼ sanam gusṭirenkoge; Israele em akawade hukum leka onko do Probhu Isor sarhaoe lạgitʼko rakapʼa.

Jesaea 14:12

E bhurkạkʼ ipil, aṅga marsalokʼren hopon, am do serma khonem ńur akana. Am do jạtrenkom bhagao akatʼkoa, ar ńitokʼ do dhạrtitem giḍi ocoakana.

Jesaea 22:2

E gulmalte perecʼ nagraha, E kạumạu ar andoṛetʼkan nagraha, amren gocʼ hoṛko ma tarwaṛete se lạṛhạite ma bacoko gocʼ akan.

Jesaea 3:26

Sion reakʼ phaṭok duạr doko homor halaṅa; ar Sion do ujạṛ akante otreye duṛupʼkokʼa.

Jesaea 49:21

Unre am do mone monetem mena, ‘noko do okoeye janam akawạdińa? Iń do hoponkoń atʼletʼkote bạńjhi lekań hoylena; ariń sạṅgiń ocolena; iń doń ńir baṛaekan tahẽkana. Enḍekhan noko do okoeye ạsul haraketʼkoa? Iń ma coṅ eskargeń giḍi ocolen, menkhan noko? Noko do oka khonko hecʼakana?’ ”

Jesaea 50:5

Probhu Isor do ińakʼ luture jhicʼ akatʼtińạ ar iń doń batao akatʼtaea, ar bạń pạc ruạṛ akana.

Jesaea 52:2

E Jerusalem, beredokʼme, ar amakʼ dea khon dhuṛi koṭa ńurhạime ar siṅghạsonre duṛupʼme. E bondi akan Sion kuṛi amakʼ hoṭokʼ reakʼ sikṛiko raṛaetam.

Jesaea 52:7

Buruko cetanre uniyakʼ jaṅga do heṛan mońj, okoe boge hukigot emokʼ lạgitʼe hijukʼkan, suluke lại jạhiretʼkan ar bhạlại reakʼ sombate ạguiyetʼkan, babańcaoe lại sodoretʼkan ar Sione metaekan, ‘amren Isor doe rajokʼ kana,’

Jesaea 54:4

Alom botorokʼa, ente am do bam lajao ocokʼa. Ar alom andesalekʼa, ente bam nak kaṭakʼa. Amakʼ juạn okte reakʼ lajao dom hiṛińa ar amakʼ rạnḍi jokhecʼ reakʼ durnam hõ bam disạitama.

Jirimiạ 31:7

Probhu Isore meneda, “Ape do Jakob lạgitʼ kusi monte sereńpe; sanamko khon soros jạtrenko lạgitʼ sarhao sereńpe. Ape do sarhao sereńate menpe, ‘E Probhu Isor, amren hoṛko, Israelren sarecʼ hoṛko baṛe bańcaokom.’

Jirimiạ 40:9

Saphanren goṛomtetʼ koṛa, metakʼme Ahikamren hopon Gedaliạ do onko ar onkoren hoṛko ṭhen kiriạkate noa kathae metatʼkoa, “Babelrenko gobolre tahen do alope botorokʼa; disạmre girobasokʼpe ar Babel raj gobolre hijukʼpe, onate ape do bhage hoyokʼtapea.

Jirimiạ 44:2

“Israelren phạdkoren Probhu Isorgeń menetʼkana, iń do Jerusalem ar Jihudạ reakʼ sanam atoko ar nagrahako cetanre oka muhin iń ạguletʼ ona dope ńelakatʼgea. Onako do teheń dhaṅdhaser akange menakʼa; onḍe do celehõ bako girobasokʼ kana.

Jirimiạ 44:6

Onatege ińakʼ jolokʼkan edre doń dulletʼ tahẽkana; ona do Jihudạkoakʼ nagrahare ar Jerusalem reakʼ ḍaharkore jol rakapʼlena ar onate onako do teheń ujạṛakʼ ar dhaṅ dhaserakʼ hoyakana.

Jirimiạ 50:23

Goṭa dhạrti reakʼ hạtuṛ do rạputʼ kạtra kuṭrạyena. Babel reakʼ dosa ńelte sanam jạtren hoṛ doko ṭhak utạrena.

Jirimiạ 9:11

Probhu Isore meneda, “Jerusalem do mitʼṭecʼ dhaṅdhaserakʼ ar toyokoakʼ tahen lạgitʼ bhugạkʼgeń hoeocoya. Ar Jihudạ nagrahako do nonkań dhaṅdhasera, onḍe do ar okoehõ bako girobasokʼa.”

Rak̕joṅ 1:19

Ińren dulạṛiạkoń hohoatʼkoa menkhan onko doko eṛekedińa. Ińren naekeko ar murubbiko do apnar jiwetʼ tahen lạgitʼ jomakʼ sendra sendrate nagraha talaregeko ses utạrena.

Rak̕joṅ 2:1

Hae, Probhu Isor do acʼakʼ edrete cetʼleka Sion hoponera do ńutreye danaṅ esetʼ akadea! Ar Israelakʼ ṭhonok do serma khon otreye giḍiakada. Acakʼ edrekʼ dinre uniyakʼ jaṅga dohoy reakʼ ṭhạ̃i do bae disạ dohoakada.

Rak̕joṅ 2:10

Sion hoponeraren murubbiko do otreko duṛupʼ hapeakana. Onko do akoakʼ bohokʼre dhuṛiko ojokʼ akawana ar gõṛẽ kicricʼko horokʼ akada. Jerusalemren juạn kuṛiko do dukte ot secʼko kuḍbur hapeakana.

Rak̕joṅ 4:1

Hae! cetʼleka mạlchạ akana sona do, Cetʼ leka pherao akana nirạ sona do. Mitʼke mitʼ kulhi reakʼ dobạṭiạkore sonot ṭhạ̃i reakʼ dhiriko do cetʼ leka chirchạtur akana.

Rak̕joṅ 5:16

Aleakʼ bohokʼ khon mukuṭ do ńur akana. Hae ale do, entele kại akada!

Jeheskel 26:16

Unre jalapuri aṛe reakʼ disạmkoren rapajko do akoakʼ siṅghạson khon pheḍkate akoakʼ raj kicricʼ ar noksa akatʼ kicricʼko totʼ giḍikakʼa. Ar botorte otreko duṛupʼa, ar jao okteko thar tharaokʼa ar am ńelteko torasokʼa.

Jeheskel 26:2

“E manwa hopon, Jerusalem babotre Tur do kusikateye menakada, ‘bhagege hoyakana, jạt jạtrenkoakʼ phaṭok duạr do rạputʼ akana ar ona reakʼ silpińko do jhicʼakana; iń doń purunokʼa, ente nagraha do jarkharena.’

Jeheskel 5:5

“Iń Probhu Isorgeń meneda, noa do Jerusalem kana. Iń do jạt jạtrenko talare onań dohoakada; ar ona beṛhaete do aema disạmko menakʼa.

Levitikus 26:31

Iń do apeakʼ atoko, nagrahako ar dewa-sewa oṛakʼkoń marao giḍikatapea. Ar apeakʼ samaṅokʼakʼko bạń ataṅtapea.

Levitikus 26:33

Ar eṭakʼ jạtrenko talareń chirchạturpea ar tarwaṛeteń khudạu baṛapea. Apeakʼ disạm reakʼ sanam jumiko, atoko ar nagrahako do jarkharokʼtapea.

Sephaniạ 2:15

Noage hulạsokʼkan nagraha do one okare nirại menakʼ. Uni do mone moneteye mena, “Ińge minạńa, iń chaḍa ar celege bạnukʼkoa.” Uni do okalekae maraoena, ar bir janwarkoakʼ asray ṭhạ̃ige hoyena! Ar okoe ona aṛeteko parom calakʼ onko doko landa dhudhutʼa ar buḍhạ kạṭupʼko uduga.

Johan sodor 18:7

Uni do acʼakʼ reaṅ tinạkʼ bạ̃ṛtiye sabasilen, ar tinạkʼ bạ̃ṛtiye umtạ umtilen, ṭhik unạkʼge saset ar duk emaepe, ente monreye hudiseda, iń ma rạniń hoyakan, ar rạnḍi doń baṅkana; ar oka lekatege bạń dukokʼa.