Philipiko lạgitʼ Pạul apostolakʼ ciṭhi 4:6 - সান্তালী বাইবেল

⁶ Ar jãhãnakʼ reakʼge alope dandokʼa, bickom apeakʼ joto arojakʼko do koejoṅ ar nehõrate gunmanao johar salakʼ Isor baḍae ocoyepe.

Santali Common Language New Testament

⁶ Jãhãnakʼ reakʼge alope dandokʼa, bickom apeakʼ joto arojko do koejoṅ ar nehõrate gunmanao johar salakʼ Isor baḍae ocoyepe.

Philipiko lạgitʼ Pạul apostolakʼ ciṭhi 4:6 Iomraidhean Croise

1 Rapajko 8:28

Enhõ E ińren Probhu Isor, amren gutiyakʼ koejoṅ ar nehõr baṛe luturakʼme. Teheń amren guti do am ṭheniń rakʼjoṅ kana ariń nehõrokʼ kana ona baṛe ańjomtińme.

2 Bõsbudạ 32:20

Ona iạte Hiskiạ raj ar Amosren hopon Jesaea do koejoṅ hotete sermaren Isor ṭhen rakʼ joṅkin ehopʼena.

Sereńko 51:15

E Probhu Isor, ińakʼ moca baṛe jhicʼkạtińme, iń do amakʼ sarhaoiń lại jạhira.

Sereńko 55:17

Setakʼ, tikin ar ạyupʼ iń do botor salakʼiń ạjijaea, ar uni do ińakʼ aṛaṅe ańjomtińạ.

Sereńko 55:22

Amakʼ sanam bojha do Probhu Isorge ladeaeme, unige am doe bondobosama; ar acʼ botoraeko do tis hõ bae ṭasak ocokoa.

Sereńko 62:8

E ińren hoṛko, Isorge ińren hirlạ; ape do jaoge unire bhorsa akan tahenpe, uni ṭhen apeakʼ ontor dul tape. (Sela)

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Kạhtukko 16:3

Amakʼ kạmiko do Probhu Isorge soprotaeme; onate amakʼ ponthako ṭarhaokʼtama.

Soros sereń 2:14

E potamtiń, huṭupʼ dhiri lopakʼre tahenicʼ buru cuṛạ pakhakore menamicʼ, amakʼ rup baṛe ńel ocoyińme, amakʼ aṛaṅ baṛe ańjom ocoyińme, ente am dom cehragea ar aṛaṅ do heṛemgetama.

Jirimiạ 32:16

“Jumi kiriń reakʼ dolel do Neriạren hopon Baruk emade tayom iń do Probhu Isor ṭhen noań koekeda,

Jirimiạ 33:3

hohoạńme, ar iń doń roṛ ruạṛama ar nonkan maraṅ ar nonkan danaṅakʼko reaṅ kathań lạiyama one oka do bam baḍaekan.

Daniel 3:16

Unre Sedrok, Mesak ar Abed-nego tako do rajko metadea, “E maharaj Nebukadnesar, niạ babotre am roṛ ruạṛam reakʼ jãhãn jạruṛge bale bujhạueda.

Daniel 6:10

Daniel do rajakʼ hukumre suhi akana menteye ańjomketʼ khan acʼakʼ koṭha kandhateye rakapʼena; ona oṛakʼ reakʼ jalna do Jerusalem secʼge jhicʼ tahẽkana. Uni do acʼakʼ hewa leka dinre pe dhao ikhṛumkateye koejoṅana ar acʼren Isore gun manao joharadea.

Mathae 10:19

Hoṛkoko soprot lepere alope bhabnakʼa cetʼ leka se cetʼkope roṛa mente. Ente cetʼko roroṛ hoyokʼa ona do unregepe lại ocokʼa.

Mathae 13:22

Jạnum jhạuạre eren itạ reakʼte do nonkanko lạgitʼge roṛ akana okoe do ona kathako ańjomketʼ, menkhan gharońj reakʼ dạndi ar dhon reakʼ mãyãte ona katha doko ten dohokakʼ kana. Onate onkore jãhãn jo do baṅ hoyokʼ kana.

Mathae 6:34

Gapa lạgitʼ do alope dạndikʼa; gapa reakʼ dạndi do gapage dạndi ocowaepe. Ar dintetʼ lạgitʼ do enhilokʼ reakʼ haronge ḍhera.

Mathae 6:8

Onko leka do alope onkaea, ente ape ạuripe koeyerege aperen Baba do apeakʼ sanam jạruṛakʼkoe baḍaekana.

Luk 10:41

Unre Jisu do Marthae metadea, “Martha, E Martha, am do ạḍi okocʼ reaṅem dạndikʼ kana, arem uduṛ dhupuṛ baṛae kana,

Luk 12:22

Ona tayom Jisu do acʼren celakoe metatʼkoa, “Noa iạtegeń metapekana, jiwi lạgitʼ do alope dandokʼa cetʼpe joma; ar hoṛmo lạgitʼ hõ alope dạndikʼa cetʼpe horokʼ bandea mente.

Luk 12:29

Cetʼpe joma ar cetʼpe ńũiya mente hudiskate alope uduṛ dhupuṛ baṛaea.

Luk 18:1

Ado celako sanam ghạṛicʼko koejoṅ ar alo jemonko as chuṭạukʼ onate Jisu do noa phene lạiyatʼkoa: “Mitʼ nagrahare mitʼṭen hạkime tahẽkana.

Luk 18:7

Enḍekhan okoe siń ńindạ Isorko hohoaekan, onko bachao akan acʼren hoṛko lạgitʼ Isor do cetʼ dhorom reakʼ bae bicạra? Uni do cetʼ ona onkae lạgitʼe biloma?

1 Korinthiko 7:21

Amem hoho ocolenre am do cetʼ golamem tahẽkana? Onate alom dukokʼa; ar sạdhinokʼ reakʼ ạtem ńam khan enḍekhan ona do hataome.

1 Korinthiko 7:32

Menkhan iń doń menjoṅ kana, jemon nir dạndipe tahen. Bin bapla akanicʼ do Probhu Isor reaṅe dạndikʼ kana, uni doe hudiseda cekate Probhu Isore kusi ocoyea.

2 Korinthiko 1:11

Ape hõ koejoṅre goṛowalepe. Enḍekhan ḍher hoṛakʼ koejoṅte oka bhorle ńam ona khạtirte ḍherkoge Isorko sarhao daṛeaea.

Ephesiko lạgitʼ Pạul Apostolakʼ ciṭhi 5:20

Siń sạṭupʼ aboren Probhu Jisu Mạsi ńutumte Isor Baba gun manao joharaepe.

Ephesiko lạgitʼ Pạul Apostolakʼ ciṭhi 6:18

Sonot Jiu hotete ạyur ocokʼte mon ar ontorte jao ghuṛi koejoṅpe. Onate jagwar akae tahente Isorren sanam hoṛko lạgitʼ mitʼ talao koejoṅre jamaṛ akae tahenpe.

Kolossiko lạgitʼ Pạul Apostolakʼ ciṭhi 3:15

Mạsi okaṭakʼ suluke emokʼkan ona sulukge apeakʼ ontorre tahente ape mimitʼkoe ạyurpema. Sulukre tahen lạgitʼge coṅ sanamko mitʼ hoṛmorepe hoho ocoakana. Ar ape do gun manaoko baṛe hoyokʼpe.

Kolossiko lạgitʼ Pạul Apostolakʼ ciṭhi 3:17

Jãhãnakʼgepe roṛ ar jãhãnakʼgepe cekae ona do Probhu Jisu ńutumtege kạmipe ar uni hotete Isor Baba hõ gun manao joharaepe.

Kolossiko lạgitʼ Pạul Apostolakʼ ciṭhi 4:2

Koejoṅre jamaṛ akan ar gun manao johar salakʼ jagwar akae tahenpe;

1Timothi 2:1

Pạhilregeń meneda, sanamko lạgitʼ nehõr, koe, aroj ar gun manao hoyokʼ ma.

1Timothi 5:5

Okoe rạnḍi maejiuren celege bạnukʼko uni do Isor ṭhen bhorsa akan ar siń sạṭupʼ koejoṅ ar nehõrakane tahenkana.

1 Patras 4:7

Nitokʼ do sanamakʼ reakʼ mucạtʼ okteko seṭer akana. Onate apeakʼ mon do kajak akae dohoytape ar apnarte sambṛaokʼpe jemonpe koejoṅ.

1 Patras 5:7

Apeakʼ sanam dạndiko unire lade giḍikakʼpe, ente uni do ape reaṅe dạndikʼ kana.

1 Samuel 1:15

Hanna doe roṛ ruạṛkeda, “E ińren Baba, ona do baṅa. Iń do mitʼṭen dukhi hoṛ kạnạń; iń do darkha rasa hõ bạń ńũ akada, ar bubulakʼ hõ bạń ńũ akada. Iń do Probhu Isor samaṅre ińakʼ ontorgeń duletʼtiń tahẽkana.

1 Samuel 30:6

Unre Dạud do ạḍi muhinreye paṛaoena, ente hopon ar hoponerako iạte uniren hoṛkoakʼ mon do Dạud cetanre nonka haṛhatʼentakoa, onko do dhirite Dạud tińe lạgitʼko roṛ baṛayetʼ tahẽkana. Menkhan Dạud do acʼren Probhu Isor cetanre bhorsakate ontorre dile ńam ruạṛkeda.

1 Samuel 7:12

Unre Samuel do mitʼṭecʼ dhiri hataokate Mispa ar Sen ńutuman mitʼṭecʼ jaega talare dohoketʼteye menkeda, “Niạ hạbicʼ Probhu Isor do aboe goṛo akatʼbona.” Niạ menkate uni do ona reakʼ ńutum Ebenesere dohokeda (ona reakʼ mane do “gokʼṛowakʼ dhiri”).