Numeri 9:6 - সান্তালী বাইবেল

⁶ Ona jokhecʼ onko modren thoṛa hoṛ do mitʼṭecʼ mạ̃ṛĩko joṭetʼletʼte ar besaphako tahẽkante enhilokʼ bańcaokʼ porob bako palon daṛeada. Onate onko do enhilokʼge Mose ar Aron ṭhenko calaoena.

Numeri 9:6 Iomraidhean Croise

Exodus 18:15

Mose do hońhartetʼe roṛ ruạṛadea, “Isorakʼ sana baḍae lạgitʼge hoṛko do ạliń ṭhenko hijukʼ kana.

Exodus 18:19

Ńitokʼ ạlińakʼ mitʼṭecʼ solha ańjom ben, onate Isor hõ aben sãoteye tahena. Aben do bickom Isor ṭhen hoṛkoren bachaoicʼ lekate hoṛkoakʼ jhogṛa jhạṭi do Isor samaṅre idiyben.

Exodus 18:26

Onko do jao ghuṛi hoṛkoakʼko bicạretʼkan tahẽkana. Ar muskilakʼ bicạrko do Mose ṭhenko ạguyetʼ tahẽkana, menkhan huḍińakʼ bicạrko do akogeko bicạr chinḍạuetʼtako tahẽkana.

Levitikus 21:11

Mạ̃ṛĩ menakʼ onkan ṭhạ̃ite bae calakʼa. Jãhãe gocʼ hoṛ iạte, se acʼren gogo babakin gujukʼ iạte hõ bae besapha daṛeakʼa ar acʼren Isorakʼ sonot ḍera bạgikate okatehõ bae oḍokokʼa se ona reakʼ sonottetʼ do bae nosṭo ocoya, ente uniren Isor do ojokʼ bahalokʼ sunumteye begar dohoakadea. Ar Iń kangeạń aperen Probhu Isor do.

Levitikus 24:11

Unre uni Israel maejiuren hopon do Probhu Isorakʼ ńutume nindạukeda are sarapada. Onate hoṛko do Mose ṭhen uniko idikedea. Uni koṛaren eṅgattetʼakʼ ńutum do Salomot tahẽkana. Uni do Dan bõsren Dibriren hoponerae tahẽkana. Ar Probhu Isor acʼakʼ monsubạ onkore ạuriye pusṭạuako hạbicʼ uni do hajotreko dohokadea.

Numeri 15:33

Ar okoe uni sahan halaṅko ńelkede onko do Mose, Aron ar sanam Israelko ṭhenko idikedea.

Numeri 19:11

“Jãhãege jãhãn mạ̃ṛĩye joṭed enḍekhan uni do eae din hạbicʼ besapha akane tahena.

Numeri 19:14

“Jãhãe hoṛ tạmbu bhitrireye gocʼlen khan noa niạmge manao hoyokʼa- ar okoe ona tạmbu bhitriteko bolokʼ ar okoe ona tạmbureko tahẽkan onko jotoge eae din hạbicʼ besapha akanko tahena.

Numeri 19:16

“Lạṛhại iạte se ṭạnḍireye gocʼakan nonkanicʼe joṭetʼ akade hoṛ hõ eae din hạbicʼ besapha akane tahena. Jãhãege topa se manwa jaṅe joṭed uni hõ eae din hạbicʼ besapha akane tahena.

Numeri 19:18

Ar ona tayom sapha menae nonkan mitʼṭecʼ hoṛ do husopʼ reakʼ ḍạr ona dakʼreye topoya ar ona tayom do tạmbu ar ona bhitri reakʼ jinisko ar hoṛko cetanreye irciya. Manwa jaṅ se topa se mạ̃ṛĩye joṭetʼ akatʼ hoṛ cetanrehõ ona dakʼ do irciyae hoyokʼa.

Numeri 27:2

Noko kuṛiko do ńapamokʼ tạmbu reakʼ bolokʼ horre senkate Mose ar naeke Eleasar ar sanam mukhiyạko ar Israelko samaṅre teṅgoyenteko menkeda,

Numeri 27:5

Unre Mose do onko babotre Probhu Isor ṭhene kuliyana.

Numeri 5:2

“Israelkom hukumakoa ḍeraren okoeko hoṛ do murhucʼ jom rog menakʼtako se okoeyakʼ hoṛmo khon besaphawakʼ oḍokokʼkan se mạ̃ṛĩ iạteko besaphage onkan hoṛ jemon ḍera khonko oḍok ocokʼ.

Numeri 9:7

Onko do Moseko metadea, “Ale do mitʼṭecʼ mạ̃ṛĩle joṭetʼletʼte besaphare menakʼlea. Onate cetʼ Israelko sãote niṭ akan oktere Probhu Isor ńutumte samaṅokʼakʼ bale samaṅ daṛeakʼa?”

Johan 18:28

Jihudi mukhiyạko do ạḍi setakʼre Kaeapha ṭhen khon Romren disạm cakʼlaoyicʼ Pilạtakʼ doṅgolte Jisuko idikedea. Menkhan onko do ona doṅgol bhitrite bako bololena jemon saphako tahente bańcaokʼ porob reakʼ bhojko jom daṛeakʼ.