Numeri 9:22 - সান্তালী বাইবেল

²² Bar din hoyokʼ se mitʼ cando hoyokʼ se ona khon ḍher din hoyokʼ, tinạkʼ din rimil sekʼwa tạmbu cetanre tahenkan tahẽkan unạkʼ dinge Israelko do ḍerareko tahenkan tahẽkana. Menkhan rimil ocokʼlen khan onko do arhõko mohnḍakʼkan tahẽkana.

Numeri 9:22 Iomraidhean Croise

Sereńko 107:7

Uni do sojhe horteye idiketʼkoa jemon nagrahare senkate aloko girobas daṛeakʼ.

Sereńko 143:10

Amakʼ sana leka kạmi lạgitʼ cetʼạńme, ente am dom ińren Isor kana; amren bhạlạiyicʼ Jiu hotete mitʼ são horre ạyurińme.

Sereńko 32:8

Iń Probhu Isorge bud ar akeliń ema ma ar okaṭakʼ horte calakʼ hoyokʼtam onań udukʼama; ariń beṅgetʼama ariń solhawama.

Sereńko 48:14

Nui Isorge aboren do jaejugren Isor kanae; unige gujukʼ hạbicʼ horkoe udukʼ idiyabona.

Sereńko 73:24

Amakʼ solhateyem calaoińạ ar sesre amakʼ ṭhonokreyem ataṅińạ.

Sereńko 77:20

Mose ar Aron hotete bhiḍi pal leka am do amren hoṛkom ạyurletʼkoa.

Exodus 39:42

Probhu Isor Mose oka lekae hukumade tahẽkan onkage Israelko do jotowakʼko kạmikeda.

Exodus 40:16

Probhu Isor Mose oka lekae hukumade tahẽkan onkage jotowakʼe kạmikeda.

Numeri 1:54

Probhu Isor Mose okalekae hukumade tahekan onkage Israelko doko kạmikeda.

Numeri 8:20

Probhu Isor do Liwiko reaṅ Mose cetʼlekae hukumade tahẽkan Mose, Aron ar eṭakʼ sanam Israelko do onkage Liwiko hoteteko kạmi ocokeda.

Numeri 9:17

Ar sekʼwa tạmbu cetan khon tinre rimil ocogokʼkan tahẽkana unre Israelko do onḍe khonko uṭhạukʼkan tahẽkana. Menkhan okare ona rimil teṅgokʼkan tahẽkan onḍege onko doko ḍerakʼkan tahẽkana.

Numeri 9:21

Oka oka do ạyupʼ khon setakʼ hạbicʼ rimil tahenkan tahẽkana. Ar setakʼ bela tinre rimil ocogokʼkan tahẽkana unre onko do arhõko uṭhạukʼkan tahẽkana. Baṅ do sińkan ar baṅ do ńindạkan onko do rimil ocokʼlen khangeko mohnḍakʼkan tahẽkana.

Aposkạmi 1:4

Onako oktere mitʼ din Jisu do celako sãoteye tahẽkanre noae hukumatʼko tahẽkana, “Ape do Jerusalem alope bạgiyakʼa, bickom ińren Babawakʼ gokʼakʼ oka dan reakʼ katha iń ṭhenpe ańjomakatʼ ona lạgitʼ koyokʼ hor akae tahenpe.