Numeri 9:15 - সান্তালী বাইবেল

¹⁵ Oka hilokʼ sekʼwa tạmbu, metakʼme goha tạmbu umul hoyen hilokʼge ona do Probhu Isorakʼ rimilte danaṅ esetʼena. Ar ạyupʼ khon setakʼ hạbicʼ sekʼwa tạmbu cetanre ona rimil do seṅgel muṭhạn leka ńelena.

Numeri 9:15 Iomraidhean Croise

Nehemiạ 9:12

Siń do rimil reakʼ khunṭite ar ńindạ do seṅgel reakʼ khunṭitem ạyurletʼkoa.

Sereńko 105:39

Onko aḍko lạgitʼ uni do acʼakʼ rimile doholeda, ar ńindạ marsal emokʼ lạgitʼ seṅgele emena.

Sereńko 78:14

Siń do rimilte ar ńindạ do seṅgel reakʼ marsalte onko do hore udukʼ idiyakokan tahẽkana.

Exodus 13:21

Probhu Isor do hore udukʼ idiyako lạgitʼ siń do mitʼṭecʼ rimil khunṭire ar ńindạ do marsal emokʼ lạgitʼ seṅgel khunṭire tahẽkate onko laha lahateye calakʼkan tahẽkana. Nonkate onko do siń ar ńindạ jao oktegeko sen daṛeakʼkan tahẽkana.

Exodus 13:22

Siń do rimil khunṭi ar ńindạ do seṅgel khunṭi jao okte hoṛko samaṅre tahenkan tahẽkana.

Exodus 14:24

Ar setakʼ jokhecʼ Probhu Isor do rimil khunṭi ar seṅgel khunṭi khon misrikoren palṭonko secʼe beṅgetʼkeda ar onko talare mitʼṭecʼ ạulạ jhạulại hoyocokeda.

Exodus 40:2

“Bochor reakʼ pạhil cando reakʼ pạhil dinre am do sekʼwa tạmbu, metakʼme ńapamokʼ tạmbuyem bereda.

Exodus 40:34

Ona tayom rimil hecʼente ńapamokʼ tạmbui dapal esetʼkeda ar sekʼwa tạmbu do Probhu Isorakʼ ṭhonokte perecʼena.

Exodus 40:35

Sekʼwa tạmbu, metakʼme ńapamokʼ tạmbu do rimilte dapal esetʼena ar Probhu Isorakʼ ṭhonok perecʼ tahẽkante Mose do onḍe bae bolo daṛeada.

Exodus 40:38

Probhu Isorakʼ noa rimil do Israelkoakʼ goṭa daṛan horre sińre do onkoakʼ mẽtʼ samaṅre sekʼwa tạmbu cetanre ar ńindạ do onare seṅgel tahenkan tahẽkana.

Jesaea 4:5

Enhilokʼ Probhu Isor do Sion buru reakʼ sanam jaega cetanre ar okoe onḍeko jarwakʼ onko cetanre dhũạ reakʼ rimil ar ńindạ do jolokʼkan seṅgel reakʼ marsale sirjạua; ona do sanam Israelkoakʼ mạhima cetanre mitʼṭecʼ chamḍa lekage hoyokʼa.

Numeri 10:34

Ḍera khonko uṭhạukʼre Probhu Isorakʼ rimil do siń bhor Israelko cetanre tahenkan tahẽkana.

Numeri 14:14

Unre Misorrenko do ona katha niạ disạmren hoṛko lạiyakoa. Ar E Probhu Isor, niạ disạmren hoṛko ańjomakada, am do Israelrenko sãotem tahenkana, ar E Probhu Isor, am do samna sạmnim sodorakana. Onkoko ańjom akada, amakʼ rimil khunṭi do onko cetanre menakʼa ar siń do rimil khunṭire ar ńindạ do seṅgel khunṭire onko laha lahatem calakʼkana.

Numeri 17:7

Mose do onako ṭheṅga hataokate goha tạmbure Probhu Isor samaṅreye dohokeda.

1 Korinthiko 10:1

E boehako, iń doń khojkana jemonpe baḍae, aboren hapṛamko do jotoge ona rimil reakʼ umulreko tahẽkana ar sanamkoge doreão talateko paromlena.

Dosar Biboron 1:33

Unige coṅ ḍera ṭhạ̃i ṭhik lạgitʼ ar hor udukʼ idiape lạgitʼ ńindạ do seṅgel khunṭire ar siń do rimil khunṭire tahẽkate apeye ạyur idiyetʼpe tahẽkana.