Numeri 9:14 - সান্তালী বাইবেল

¹⁴ “Israelko talareko girobasokʼ kan eṭakʼ jạtren jãhãege Probhu Isor ńutumte bańcaokʼ porobe porobokʼ, enḍekhan uni do porob reakʼ niạm lekate porobokʼ hoyokʼtaea. Israel ar eṭakʼ jạtren sanamkoge niạ mitʼ niạmge manao hoyokʼtakoa.”

Numeri 9:14 Iomraidhean Croise

Esra 6:21

Bondi dosa khon ruạṛ hecʼ akan Israelko ar disạmre girobasokʼ kan Israelko okoe do Israelren Probhu Isorakʼ sana leka calakʼa mente aḍepase be-Jihudiko khon apnartetʼko begar doholen onko sanamkoge mitʼ sãote ona jelko jomkeda.

Exodus 12:43

Tayomte Probhu Isor do Mose ar Arone metatʼkinạ, “Bańcaokʼ porobre bheḍa hopon reaṅ iń do thoṛa niạm iń emaben kana. Eṭakʼ jãhãe jạtren hoṛ noa reakʼ jel do bako jom daṛeakʼa.

Exodus 12:47

“Sanam Israelkoge noa porob do manao hoyokʼtakoa.

Levitikus 19:10

Darkha khet khon darkha gotʼ tayom ona khon darkha alope gotʼ dohṛaea ar ńur akan darkha jo hõ alope halaṅa. Ona do reṅgecʼ orecʼko ar eṭakʼ jạtren hoṛko lạgitʼpe sarecʼ oṭokakʼa. Ar iń kangeạń aperen Probhu Isor do.

Levitikus 22:25

Eṭakʼ jạtrenkoakʼ jãhãe hoṛakʼ ti khon nonkan janwar hataokate aperen Isor ńutumte jomakʼ samaṅokʼakʼ menkate alope samaṅkoa. Onkore dos menakʼte jãhãn bhạlạiyrege bako lagaokʼa.”

Levitikus 24:22

Israelko ar onko talareko girobasokʼ kan eṭakʼ jạtrenko, jotoko cetanre inạ mitʼ niạmge tahẽyena. Ar ińkangeạń aperen Probhu Isor do.”

Levitikus 25:15

Okoe jumiye kiriń uni do hulạsokʼ bochor tayom tinạkʼ bochor hoyakan ona hisạbkate ona jumiye kirińa ar okoe ona jumiye ạkhriń uni hõ hisạbkateye ńela darakan hulạsokʼ bochor ạuri hijukʼte jumire tinạkʼ dhao phosol rakabokʼa mente.

Numeri 15:15

Ape somajre sanamko lạgitʼ niạ niạmge tahẽyena-baṅ do apere ar baṅ do ape talareko girobasokʼ kan eṭakʼ jạtrenko talare. Piṛhike piṛhi niạ niạm do tahẽidikʼa. Ona babotre Probhu Isor samaṅre ape cetʼleka onkage eṭakʼ jạtrenko hõ.

Numeri 15:16

Ape lạgitʼ ar ape talareko girobasokʼ kan eṭakʼ jạtren hoṛko lạgitʼ inạ mitʼ hukum ar inạ mitʼ ạn-ạrige tahẽyena.”

Dosar Biboron 29:11

Ape samaṅre aperen hopon ar hoponerako; ar apeakʼ ḍerareko tahenkan eṭakʼ jạtren upriạ hoṛko okoe do sahanko mamakʼkan ar dakʼko lo rakapʼ apekan.

Dosar Biboron 31:12

Herel hoṛ, maejiuko, aperen gidrạko apeakʼ judạ judạ ato ar nagraharen eṭakʼ jạtren hoṛko mitʼ ṭhenpe jarwakoa, jemon onako ańjom daṛeakʼte aperen Probhu Isorko botorae ar ạn-ạriko joton salakʼko palon daṛeakʼ.