Numeri 8:8 - সান্তালী বাইবেল

⁸ Ona tayom onko do mitʼṭen ḍaṅgra ar uni sãote jomakʼ samaṅokʼakʼ lạgitʼ sunumre sipiyakʼ holoṅko ạguiya. Ar am do kại ńutumte samaṅokʼakʼ lạgitʼ armitʼṭen ḍaṅgram hataoea.

Numeri 8:8 Iomraidhean Croise

Exodus 29:1

“Naeke lekate jemon ińko sewawạń onate iń ńutumte onkom begar dohokoa. Am do mitʼṭen ḍaṅgra ar barea bheḍam hataokinạ. Onkoakʼ hoṛmore jemon jãhãn khũt alo tahen.

Exodus 29:3

Ar mitʼṭecʼ ḍạlicʼre onakom sajaoa ar uni ḍaṅgra ar bheḍakin sãote ḍạlicʼ hõ iń samaṅrem dohoya.

Jesaea 53:10

Probhu Isor do acʼakʼ kusilekage uniye talga tạuạkʼ ocokedea ar duke jom ocokedea. Probhu Isorren golam do tinre acʼakʼ jiwiye samaṅtaea unre uni do acʼren hoponkoe ńel ńamkoa ar uniyakʼ bahaokʼ dine baṛhaotaea; uni hotetege Probhu Isorakʼ sana do purạukʼa.

Levitikus 1:3

“Uni do ona jeredokʼ samaṅokʼakʼ ḍaṅgrateye menetʼ khan enḍekhan uni do niphuṭ ạnḍiạ ḍaṅgrage ạguiye hoyokʼtaea. Probhu Isor jemon uni cetanreye kusikʼ onate uni do ńapamokʼ tạmbu reakʼ duạr ṭhen ḍaṅgrae ạguiyea.

Levitikus 16:3

“Ar onḍe bolokʼ lahare jemon nonkae sapṛaokʼ. Uni do kại ńutumte samaṅokʼakʼ lạgitʼ mitʼṭen ḍaṅgra ar jeredokʼ samaṅokʼakʼ lạgitʼ mitʼṭen bheḍae ạguiye.

Levitikus 2:1

“Jãhãege Probhu Isor ńutumte jomakʼ samaṅokʼakʼe samaṅ khan uni do mĩhĩ holoṅteye onkaema. Uni do ona cetanre sunum dulkate onare kundurui dohoya ar Aronren hoponko ṭhen, metakʼme naekeko ṭhene idiya. Ar naeke do ona sunum sudhạ mitʼ cuputʼ holoṅe locaea ar kunduru do jotogeye hataoa ar jotowakʼ samaṅ baṅkate eken niạkoge pinḍ cetanreye jereda. Noa do seṅgelteakʼ mitʼṭecʼ jeredokʼ samaṅokʼakʼ kana one ona reakʼ jut so Probhu Isor doe kusiyakʼkan.

Levitikus 4:14

Ar tinreko bujhạu daṛeakʼa baṅmako kại akada unre onko do kại ńutumte dãṛẽye lạgitʼ mitʼṭen ḍaṅgra ńapamokʼ tạmbu samaṅre ạguiye hoyokʼtakoa.

Levitikus 4:3

“Uni kạkạiyicʼ do ojokʼ bahal ocoakan naekekan khane ar ona iạte sanam hoṛ dusiko hoyokʼ, enḍekhan ona lạgitʼ uni do kại reakʼ puruchun lekate Probhu Isor ṭhen mitʼṭen niphuṭ utạricʼ ḍaṅgra ạguiye hoyokʼtaea.

Levitikus 8:2

“Am do Aron ar uniren hoponko nonḍem ạgukoa. Ar ona sãote onkoakʼ kicricʼko, ojokʼ bahalokʼ reakʼ sunum, kại ńutumte samaṅokʼren ḍaṅgra, barea bheḍa ar bin khạmiyanakʼ piṭhạ reakʼ ḍạlicʼ hõm ạgu daraya.

Romiko lạgitʼ Pạul Apostolakʼ ciṭhi 8:3

Manwawakʼ kại gunạkʼte ạnko do nijor akan tahẽkana, ona iạte ạn oka bae daṛeakʼkan tahẽkan, Isor ona do acʼgeye onka akada. Uni do kại meṭao lạgitʼ acʼren bin-dusạn Hopon manwa muṭhạn emkateye kolkedea ar acʼren Hoponakʼ gujukʼ hotete kại reakʼe bicạrketʼte ona reakʼ daṛeye ocokʼkeda.

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.