Numeri 8:7 - সান্তালী বাইবেল

⁷ Onko do nonka lekam saphakoa: onko cetanre saphakʼ reakʼ dakʼem irciyakoa. Ar ona tayom do holatʼte goṭa hoṛmoko hoyo saphakʼa ar kicricʼko saphaetakoa.

Numeri 8:7 Iomraidhean Croise

Genesis 35:2

Unre Jakob do acʼren hoṛko ar sãoten eṭakʼ hoṛkoe metatʼkoa, “Ape ṭhen tinạkʼ boṅga murhutʼko menakʼko onko joto do giḍikakope ar apnar baṛe saphakʼpe ar apeakʼ kicricʼko bodoltape.

Sereńko 51:2

Ińakʼ sanam ghạṭko khon ạrupʼ saphayińme; ińakʼ kại khon sapha utạr kạńme baṛe.

Sereńko 51:7

Husopʼ dare reakʼ ḍạrte saphayińme, onate iń doń sapha utạrokʼa; ạrupʼ saphayińme, onate iń do pĩṛĩtʼ pĩṛĩtʼ ponḍ iń hoyokʼa.

Exodus 19:10

Probhu Isor do Mose arhõe metadea, “Teheń ar gapa niạ bar din do hoṛko ṭhen senkate onkom saphakoa. Onko do jemon akoakʼ kicricʼ hõko saphaetako ar tesar hilokʼ lạgitʼ sapṛao akanko tahen, ente tesar hilokʼ iń Probhu Isor do sanam hoṛko samaṅre sinại burureń pheḍ hijukʼa.

Jesaea 52:15

Menkhan uni do aema jạtren hoṛkoe saphakoa, ar uni khạtirte rapajko do moca sikubokʼtakoa; ente okaṭakʼ baṅ lại akawatʼko tahẽkan onageko oroma.”

Jirimiạ 4:14

E Jerusalem, amakʼ ontor reakʼ bạṛicʼakʼko ạrupʼ saphaeme jemon bańcaoem ńam. Ar mon reakʼ bạṛicʼ hudisko hõ ar tinạkʼ dinem dohokakʼa?

Jeheskel 36:25

Ape cetanre saphakʼ reakʼ dakʼ iń chiṭkạu apea, ar onatepe saphakʼa; apeakʼ sanam hirkhạwakʼko ar boṅga murhutʼko khon apeń saphapea.

Levitikus 15:27

Okoe ona aṭetʼakʼ se duṛupʼakʼe joṭed uni hõ besapha akane hoyokʼa; uni do kicricʼko saphae hoyokʼtaea are ḍạbrạ saphakʼa, ar ạyupʼ hạbicʼ besapha akane tahena.

Levitikus 15:6

Ar okoe uniyakʼ duṛupʼakʼreye duṛupʼ uni hõ acʼakʼ kicricʼ saphaetae hoyokʼtaea, ar ạyupʼ hạbicʼ besapha akane tahena.

Levitikus 16:28

Ar okoe hoṛ ona atar giḍikakʼ lạgitʼ bahreteye calakʼ uni do acʼakʼ kicricʼkoe saphaetaea are ḍạbrạ saphakʼa ar ona tayom do ḍera bhitriteye bolokʼa.

Levitikus 8:6

Ar noa katha menkate uni do Aron ar uniren hoponkoe ạguketʼkoa are ḍạbrạ sapha ocoketʼkoa.

Numeri 19:13

Jãhãege jãhãn mạ̃ṛĩye joṭed tayom apnarte bae saphakʼ enḍekhan uni do Probhu Isorakʼ sekʼwa tạmbui besapha ocoytaea. Ar onate uni hoṛ do Israelko tala khon meṭao utạre hoyokʼa. Uniyakʼ hoṛmore saphakʼ reakʼ dakʼ baṅ irci akawadete uni do besapha akangeye tahena ar uniyakʼ besapha do uni cetanrege tahẽ utạrokʼa.

Numeri 31:20

Apeakʼ sanam kicricʼ khạnḍwạkʼko ar harta reakʼ, kaṭ reakʼ ar meromakʼ upʼte benaoakʼ sanamakʼ jinisko hõ saphae hoyokʼtapea.”

Numeri 8:21

Liwiko do apnarko sapha maṛaṅena ar kicricʼko saphaketʼtakoa. Ar ona tayom Aron do Probhu Isor ńutumte dolek samaṅokʼakʼ lekate onkoe samaṅketʼkoa ar saphako lạgitʼ onkoakʼ kại ńutumteye puruchunkeda.

Ibriko 9:10

Onako do eken hoṛmoteakʼ kana, metakʼme jom-ńũ ar dhorom reakʼ niạm lekate saphakʼ reaṅge. Onako do sanamakʼ jut aroe okte hạbicʼge kạmire lagaolena.

Ibriko 9:13

Okoeko bhõnḍ akan tahẽkan onko cetanre merom ar ḍaṅgrawakʼ mãyãm se pheṭãṛ atar akade reakʼ torocʼko chiṭiạu akokan tahẽkana; onate onkoakʼ do eken bahre hoṛmo saphakʼkan tahẽkana.

Jakob 4:8

Isor ṭhen sorokʼpe, enḍekhan uni hõ ape ṭhene sorokʼa. E kạiyanko, ape do apnartege saphakʼpe. E bar monan hoṛko, apeakʼ ontor baṛe khạṭi dohoype.

1 Patras 3:21

Noa do hoyokʼ kana bạptisma reakʼ mitʼṭecʼ nạmuna one okaṭakʼte ńitokʼe bańcaope. Bạptismate apeakʼ hoṛmo khon mạilại ocokʼ giḍi daṛeakʼa ona do baṅ; Isor ṭhen noa do mitʼṭecʼ bhage bibek reakʼ hohokana. Ape do Jisu Mạsiyakʼ gujukʼ ar jiwetʼ beredokʼ hotetepe bańcao ocoakana.

Johan sodor 7:14

Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.