Numeri 7:86 - সান্তালী বাইবেল

⁸⁶ Dhorom reakʼ ojon lekate dhupte perecʼ sona reakʼ mimitʼ goṭecʼ huḍiń thạri reakʼ ojon do tahẽkana mitʼsae gram. Gelbar goṭecʼ sona reakʼ ojon do jotote mitʼ keji barsae gram tahẽkana.

Numeri 7:86 Iomraidhean Croise

1 Rapajko 7:50

khạṭi sona reakʼ bạṭiko, sultạ saphae reakʼ cimṭạko, bạṭiko, kạ̃ṛchuko ar seṅgel aṅgra dohoy reakʼ celaṅko ar bhitri kandha reakʼ, metakʼme sonot utạrakʼ duạr lạgitʼ ar mundil oṛakʼ reakʼ maraṅ kandha reakʼ duạr lạgitʼ sona reakʼ kobjako.

Exodus 25:29

Ṭebil lạgitʼ thạriko, kạ̃ṛchuko, loṭako, bạṭiko one onakote coḍorokʼ onako jotoge khạṭi sonatem benao ocoya.

Exodus 30:13

Lekha akan hoṛkoakʼ dolte calakʼ ạurire mimitʼ hoṛ do gel gram ojon reakʼ dhorom sekel reakʼ adha sekelkate emokʼ hoyokʼtakoa. Ar niạ adha sekel do Probhu Isorakʼge hoyokʼa.

Numeri 7:85

Dhorom reakʼ ojon lekate mimitʼ goṭecʼ rupạ thạri reakʼ ojon do mitʼ keji pesae gram ar mimitʼ goṭecʼ rupạ bạṭi reakʼ ojon do eae sae gram tahẽkana. Rupạ reakʼ ojon do jotote bargel pon keji tahẽkana.

Numeri 7:87

Ona chaḍa jeredokʼ samaṅokʼ lạgitʼ jotote gelbar goṭen ḍaṅgra, gelbar goṭen bheḍa ar mitʼ bochor umerren gelbar goṭen bheḍa hoponko tahẽkana. Noako sãote jomakʼ samaṅokʼakʼ jinisko hõ tahẽkana. Kại ńutumte samaṅokʼakʼ lạgitʼ do gelbar goṭen merom bodako tahẽkana.