Numeri 6:9 - সান্তালী বাইবেল

⁹ “Jãhãe ackage uni samaṅreye gujukʼ ar onate Probhu Isor ńutumteye dohoakatʼ upʼ besaphakʼtae enḍekhan uni do eae mãhã hilokʼ, metakʼme uni do saphakʼ hilokʼ bohokʼ hoyo poṭorokʼ hoyokʼtaea.

Numeri 6:9 Iomraidhean Croise

Jeheskel 44:27

Ona tayom oka hilokʼ uni do sekʼwa kạmi lạgitʼ mundil oṛakʼ reakʼ bhitri racateye bolokʼa un hilokʼ do apnar lạgitʼ kại ńutumte samaṅokʼakʼ samaṅ hoyokʼtaea. Noa do iń Probhu Isorgeń menetʼkana.

Levitikus 14:8

Ar sapha ocokʼicʼ do acʼakʼ hoṛmo ar bohokʼ reakʼ sanam upʼko ar pạlku upʼkoe hoyo saphaea, ar kicricʼkoe saphaetaea are ḍạbrạ saphakʼa. Ar ona tayom do sapha akane hoyokʼa. Uni do ḍerateye bolo daṛeakʼa menkhan eae din hạbicʼ acʼakʼ tạmbu bahrere tahen hoyokʼtaea.

Levitikus 14:9

Ona eae mãhã hilokʼ uni do acʼakʼ hoṛmo reakʼ sanam upʼ, metakʼme uniyakʼ bohokʼ reakʼ upʼ, goco, mẽtʼ kuṭi reakʼ upʼ ar hoṛmo reakʼ upʼko hõ hoyo saphaetae hoyokʼa. Uni do acʼakʼ kicricʼkoe saphaetaea ar dakʼreye ḍạbrạ saphakʼa, ar ona tayom doe sapha utạrokʼa.

Numeri 6:18

Ona tayom ńapamokʼ tạmbu reakʼ duạr ṭhen nạsri hoṛ do Probhu Isor ńutumteye dohoakatʼ acʼakʼ upʼe hoyo poṭor ocoytaea. Ar noa upʼ do sulukren samaṅokʼakʼ latarre seṅgelreye khadle giḍikakʼa.

Numeri 6:8

Uniyakʼ niạ begar doho akan tahen do purạ okte Probhu Isor ńutumte tahen hoyokʼtaea.

Aposkạmi 18:18

Pạul do ḍher din Korinthreye khemaoketʼ khan biswạsi boehako ṭhen khon bidạye hataokeda ar Akuilạ ar Priskillạ sãote jahajte Siriạ disạme hecʼena. Pạul do mitʼṭecʼe goṭa dohoakatʼ tahẽkante mohnḍakʼ lahare Kenkhreare uni doe hoyo munḍrạyena.

Aposkạmi 21:27

Ado saphakʼ lạgitʼ ona eae din purạu lạgidokʼkan tahẽkanre Asiạ Prodesren adom Jihudiko do mundilre Pạulko ńelkedea. Onko do onḍe sanam hoṛko ạulạuketʼkoa ar Pạulko sapʼkedea.

Dosar Biboron 21:12

Ar maejiu do acʼakʼ oṛakʼteye idiyea. Ona tayom uni maejiu do hoyo munḍrikʼ hoyokʼtaea ar ramakoe getʼ giḍiytaea,