Numeri 6:5 - সান্তালী বাইবেল

⁵ “Tinạkʼ din nạsri mente begar tahen reakʼe kiriạ akan unạkʼ din uni do bohokʼ upʼ bae hoyo poṭortaea. Probhu Isor ńutumteye begar akante uni do Probhu Isorrenge tahen hoyokʼtaea. Uni do acʼakʼ upʼe hara jeleń ocoytaea.

Numeri 6:5 Iomraidhean Croise

Jeheskel 44:20

“ ‘Onkoakʼ bohokʼ reakʼ upʼ do bako hoyo munḍrạitakoa se jeleń hõ bako doho daṛeakʼa menkhan upʼ doko getʼ kạṭicʼ daṛeakʼa.

Numeri 6:4

Ar tinạkʼ din nạsri menteye tahen unạkʼ din darkha rasa reakʼ jãhãnakʼge bae jom daṛeakʼa baṅ do ona reakʼ jaṅ ar baṅ do cokakʼ cetʼge bae ńũ-jom daṛeakʼa.

Aposkạmi 18:18

Pạul do ḍher din Korinthreye khemaoketʼ khan biswạsi boehako ṭhen khon bidạye hataokeda ar Akuilạ ar Priskillạ sãote jahajte Siriạ disạme hecʼena. Pạul do mitʼṭecʼe goṭa dohoakatʼ tahẽkante mohnḍakʼ lahare Kenkhreare uni doe hoyo munḍrạyena.

Bikʼcạrko 13:5

Ar okoe gidrạm janame uni do tishõ alom hoyo poṭorea, ente uni do janam khonge Isor ńutumte nạsriye hoyokʼa. Uni do Philisṭikoakʼ ti khon Israelkoe bańcaokoa.”

Bikʼcạrko 16:17

Onate Samson do joto katha uniye lạiyadea. Samsone menkeda, “Ińakʼ bohokʼre tisge holatʼ do baṅ calao akana. Janam khonge iń do Isor ńutumte mitʼṭen nạsri hoṛ kạnạń. Ińiń hoyo poṭorlen khange ińakʼ daṛe do iń khon ocogokʼa. Ar onate iń do eṭakʼ jãhãe hoṛ leka daṛe hoyokʼtińạ.”

Bikʼcạrko 16:19

Dolila do acʼakʼ hoborre Samsone jạpitʼ ocokedea ar uniyakʼ eae goṭecʼ jaṭa upʼ hoyo poṭortae lạgitʼ mitʼṭen hoṛe hohowadea. Nonkate uni do santaoeye ehopʼkeda ar uniyakʼ daṛe hõ oḍok calaoentaea.

1 Samuel 1:11

Ar Probhu Isor ṭhen manot dohokateye menkeda, “E sanam daṛeanicʼ Probhu Isor, amren kạ̃ṛmĩyakʼ mon reakʼ duk secʼ baṛe beṅgedme ar ańjomtińme. Ar iń bam hiṛiń akadińte amren kạ̃ṛmĩ jodi mitʼṭen hoponem danae enḍekhan jonom bhor uni do am ńutumteń emokʼa. Ar uniyakʼ bohokʼre tisge holatʼ do bạń lagaoakʼa.”