Numeri 6:18 - সান্তালী বাইবেল

¹⁸ Ona tayom ńapamokʼ tạmbu reakʼ duạr ṭhen nạsri hoṛ do Probhu Isor ńutumteye dohoakatʼ acʼakʼ upʼe hoyo poṭor ocoytaea. Ar noa upʼ do sulukren samaṅokʼakʼ latarre seṅgelreye khadle giḍikakʼa.

Numeri 6:18 Iomraidhean Croise

Numeri 6:17

Ona chaḍa uni bheḍa do Probhu Isor samaṅre sulukren dãṛẽ ńutumte samaṅe jokhecʼ ḍạlicʼ reakʼ bin khạmiyanakʼ piṭhạ hõ samaṅ hoyokʼa ar jomakʼ samaṅokʼakʼ ar coḍor samaṅokʼakʼ hõe samaṅa.

Numeri 6:5

“Tinạkʼ din nạsri mente begar tahen reakʼe kiriạ akan unạkʼ din uni do bohokʼ upʼ bae hoyo poṭortaea. Probhu Isor ńutumteye begar akante uni do Probhu Isorrenge tahen hoyokʼtaea. Uni do acʼakʼ upʼe hara jeleń ocoytaea.

Numeri 6:9

“Jãhãe ackage uni samaṅreye gujukʼ ar onate Probhu Isor ńutumteye dohoakatʼ upʼ besaphakʼtae enḍekhan uni do eae mãhã hilokʼ, metakʼme uni do saphakʼ hilokʼ bohokʼ hoyo poṭorokʼ hoyokʼtaea.

Luk 17:10

Onkage Isorakʼ hukum leka sanamakʼ kạmi tayom ape do menpe, ‘okạjuạ gutiko kanale; okaṭakʼ kạmi lek tahẽkantale eken inạgele kạmi akada.’ ”

Aposkạmi 18:18

Pạul do ḍher din Korinthreye khemaoketʼ khan biswạsi boehako ṭhen khon bidạye hataokeda ar Akuilạ ar Priskillạ sãote jahajte Siriạ disạme hecʼena. Pạul do mitʼṭecʼe goṭa dohoakatʼ tahẽkante mohnḍakʼ lahare Kenkhreare uni doe hoyo munḍrạyena.

Aposkạmi 21:23

Onate ńitokʼ okale metam, ona baṛe onkaeme. Ale talare nonkan pon hoṛ menakʼkoa one okoe do mitʼṭecʼko khạṭi akawan.

Aposkạmi 21:24

Noko hoṛ am sãote iditorakom ar onko soṅgete am hõ saphakʼme ar onkoakʼ bohokʼ upʼ hoyo giḍikatako reakʼ khoroc emokʼme. Unre sanam hoṛko baḍaea daṛeakʼa je, am reaṅ oka khoborko ańjomakatʼ ona do ạuṛiyakʼgea ar ạn-ạriko hõ ṭhik lekam manaoetʼkana mente.

Aposkạmi 21:26

Unre Pạul do onko hoṛe iditoraketʼkote acʼhõ onko sãoteye saphayena. Ar dosar hilokʼ uni do mundilteye calaoena, ar onkoakʼ saphakʼ reakʼ kạmi tis cabakʼa mente ar mimitʼko lạgitʼ tis janwar teṅgenko hoyokʼa onakoe baḍae ocoketʼkoa.

Ephesiko lạgitʼ Pạul Apostolakʼ ciṭhi 1:6

Uni doe nonkaleda jemon acʼren dulạṛiạ Hopon hotete begor damte oka mạhimate perecʼ dayae dan akatʼbon uniyakʼ sarhao hoyokʼtae.