Numeri 6:12 - সান্তালী বাইবেল

¹² ar ona sãote acʼ apnar hõ lahate leka Probhu Isor ńutumte begar tahen reakʼe kiriyạkʼa. Ona chaḍa dos akatʼ reakʼ samaṅokʼakʼ lạgitʼ uni do mitʼ bochor umerren mitʼṭen bheḍa hopone ạguiyea. Ar tinạkʼ din Probhu Isor ńutumte begar akane tahẽkan onako din do bạtilokʼtaea, ente onako dinre uni do besapha akane tahẽkana.

Numeri 6:12 Iomraidhean Croise

Exodus 12:5

Uni hopon do merom boda se bhiḍi pal khon bachao akade mitʼ bochorren mitʼṭen bheḍa hoponge. Uniyakʼ hoṛmore jãhãn khũt alo baṛe tahentae ma.

Jeheskel 18:24

“Menkhan mitʼṭen hoṛ do acʼakʼ dhorom khon ruạṛkateye kại ar dusṭạmi hoṛko leka bạṛicʼakʼe kạmi enḍekhan uni do cetʼ jiwetʼe tahena? Unre uniyakʼ dhorom kạmi do ar bạń disạitaea. Uni do acʼakʼ bepạtiạr ar kại iạtege khạṭigeye gujukʼa.

Levitikus 14:24

Ar naeke do dos ńutumte samaṅokʼren bheḍa ar sunum do dolek samaṅokʼakʼ lekate Probhu Isor samaṅreye dolaoa.

Levitikus 5:6

Unre ona behok reakʼ juribana lekate uni do Probhu Isor ńutumte kại reakʼ puruchun lạgitʼ mitʼṭen bhiḍi pạṭhi se merom pạṭhi ạguiye hoyokʼtaea, ar naeke do uniyakʼ puruchun reakʼe kạmikataea.

Levitikus 5:7

“Uni hoṛ do bhiḍi pạṭhi bae ạgu daṛeae, enḍekhan uniyakʼ ona behok reakʼ ḍanḍom lekate Probhu Isor ńutumte barea potam se barea parwa lagaoaea. Unkin modre mitʼṭen do kại ńutumte ar eṭagicʼ do jeredokʼ samaṅokʼakʼ lạgitʼ.

Numeri 6:11

Mạ̃ṛĩ ṭhene tahẽkante uni doe besaphagea ar uni saphakʼ lạgitʼ naeke do mitʼṭen cẽṛẽ hataokate kại ńutumteye samaṅea ar eṭakʼicʼ do jeredokʼ samaṅokʼakʼ ńutumteye samaṅea. Ar enhilokʼ uni do acʼakʼ bohokʼ upʼ Probhu Isor ńutumteye sonot ocoytaea,

Numeri 6:13

“Probhu Isor ńutumte mitʼṭen nạsri hoṛ do begar tahen reakʼ din purạulentae tayom uni do noa manao hoyokʼtaea. Uni do ńapamokʼ tạmbu reakʼ duạr ṭhene hijukʼa.

Mathae 24:13

Menkhan mucạtʼ hạbicʼ okoeye ṭarhao tahen uni do bańcaoe ńama.

Mathae 3:15

Jisui menkeda, “Niạ dom do nonkage hoyocowakʼme, ente Isorakʼ sana do nonkage purạu lek talaṅa.” Adoe aṛakʼadea.

Jakob 2:10

Okoe hoṛ ạn-ạri pańjakatere hõ eken mitʼṭen babotreye kại uni do joto ạn-ạrikogeye bebataoetʼ kana.

2 Johan 1:8

Ape do sontor akae tahenpe, jemon apepe kạmiakatʼ reakʼ kuṛại purạtepe ńam daṛeakʼ.