Jomakʼ samaṅokʼakʼ reakʼ purạ samaṅokʼakʼ bodolte oka hạṭiń emokʼ hoyokʼ naeke do pinḍ cetanre eken onae jereda. Noa do seṅgelre mitʼṭen samaṅokʼakʼ kana, one ona reakʼ jut so do Probhu Isore kusiyakʼkan.
Uni do ona holoṅ naeke ṭhene idiya. Ar naeke do sanamakʼ samaṅ baṅkate ona khon mitʼ cuputʼ locakate Probhu Isor ńutumte seṅgelre samaṅokʼakʼ jinis cetanreye atar gidikakʼa; noa do kại ńutumte mitʼṭen samaṅokʼakʼ kana.
Ar naeke do purạ samaṅokʼakʼ bodolte ona khon mitʼ cuputʼ mĩhĩ holoṅ, sunum ar jomakʼ samaṅokʼ jinis cetanre dohoakan sanam kunduru hataokate pinḍ cetanreye jereda. Ar noa reakʼ jut so Probhu Isor doe kusiyakʼa.