Numeri 5:22 - সান্তালী বাইবেল

²² Ar niạ sarapakʼ dakʼ do amakʼ lacʼre bolokʼte amakʼ lacʼ phulạkʼa ar ḍanḍa do borojokʼtama.’ “Ar uni maejiu doe mena, ‘onage hoyokʼma.’

Numeri 5:22 Iomraidhean Croise

Sereńko 109:18

Kicricʼ horokʼ lekage hoṛ sarapako do heowa leka hoyentakoa; ona do dakʼ ńũ lekage ar hoṛmore do sunum ojokʼakawatʼ leka.

Sereńko 41:13

Pạhil khon mucạtʼ hạbicʼ Israelren Probhu Isorakʼge sarhao hoyokʼtae ma. Amen, amen.

Sereńko 72:19

Uniyakʼ ṭhonok do jaejug hạbicʼ sarhao hoyokʼtaema; goṭa dhạrti do uniyakʼ ṭhonokte perejokʼ ma. Amen, Amen.

Sereńko 89:52

Jaejugge Probhu Isorakʼ sarhao hoyokʼtae ma! Amen, Amen.

Kạhtukko 1:31

Akoakʼ kạmi reakʼ kuṛại doko ńamgea, ar apnarakʼ sopolha reakʼ jotege lacʼko perejtakoa.

Jeheskel 3:3

Ar ona tayom uni doe metadińạ, “E manwa hopon, iń emakʼ noa puthi jomkate amakʼ lacʼ bi ocoytam.” Onate iń do onań jomkeda, ar ińakʼ mocare do dumur rasa leka heṛemiń ạikạukeda.

Numeri 5:23

“Naeke do onako sarap hartareye ola ar ona cetanre dakʼ dulkate ona ol do haṛhatʼ dakʼreye giḍikakʼa.

Numeri 5:27

Maejiu do bhonḍkate jãwãe cetanre bepạtiạre tahen enḍekhan uni do sarapakʼ ona dakʼe ńũiy tayom ạḍitetʼ lacʼ hasoyea. Uniyakʼ lacʼ do phulạukʼtaea ar ḍanḍa hõ borojokʼtaea ar uni do acʼ jạtrenko talare mitʼṭen sarapanicʼe hoyokʼa.

Johan 3:11

Sạrigeń metamkana, ale okale baḍae akatʼ onagele roṛeda ar okale ńelakatʼ ona reaṅge gohale emeda, menkhan ape do aleakʼ goha bape luturakʼ kana.

Johan 3:3

Jisu do Nikodemuse metadea, “Sạrigeń metamkana, jãhãe hoṛ dosar karte bae janamlen khan Isorakʼ raj do ohoe ńel daṛelea.”

Johan 6:53

Jisui metatʼkoa, “Sạrigeń metapekana, Manwa Hoponakʼ jel bape jomle khan ar uniyakʼ mãyãm bape ńule khan apere jion do bạnukʼanaṅ.