Numeri 5:2 - সান্তালী বাইবেল

² “Israelkom hukumakoa ḍeraren okoeko hoṛ do murhucʼ jom rog menakʼtako se okoeyakʼ hoṛmo khon besaphawakʼ oḍokokʼkan se mạ̃ṛĩ iạteko besaphage onkan hoṛ jemon ḍera khonko oḍok ocokʼ.

Numeri 5:2 Iomraidhean Croise

2 Rapajko 7:3

Unre nagraha reakʼ phaṭok duạr bolokʼ horre ponea murhucʼ jom rog hoṛko tahẽkana. Onko do ako akoreko mepenena, “Abo do nonḍe tahẽkate cedakʼ bon gujukʼa?

Levitikus 13:45

“Nonkan rog okoeyakʼ hoyokʼ uni do oṛecʼ kicricʼ horog hoyokʼtaea. Ar upʼ do aṛakʼge tahentaea. Uni do acʼakʼ mẽtʼ betʼkate ãṭ aṛaṅte ‘besapha, besapha,’ roroṛ hoyokʼtaea.

Levitikus 13:46

Uniyakʼ hoṛmore tinạkʼ din rog tahentae unạkʼ din uni do besapha akane tahena. Ar ḍera bahrere eskar tahen hoyokʼtaea.

Levitikus 13:8

Unre naeke do arhõe ńeltaea. Ar inạko dinte rog do sạrige hartare pasnao akan khan uni do besapha menteye lại sodorea, ente ona rog do murhucʼjom rog kana.

Levitikus 14:8

Ar sapha ocokʼicʼ do acʼakʼ hoṛmo ar bohokʼ reakʼ sanam upʼko ar pạlku upʼkoe hoyo saphaea, ar kicricʼkoe saphaetaea are ḍạbrạ saphakʼa. Ar ona tayom do sapha akane hoyokʼa. Uni do ḍerateye bolo daṛeakʼa menkhan eae din hạbicʼ acʼakʼ tạmbu bahrere tahen hoyokʼtaea.

Levitikus 21:1

Inạ tayom Probhu Isor do Moseye metadea, “Am do naekeko, metakʼme Aronren hoponko galmarao akome, onkoren peṛako modre jãhãegeye gocʼlenre ona iạte naeke do acʼ apnartetʼ aloe besaphakʼma.

Levitikus 23:29

Enhilokʼ okoe acʼakʼ jiwi bae nindhạntae uni do acʼ jạtrenko khone marao ocokʼa.

Numeri 12:10

Ona rimil khunṭi tinre ńapamokʼ tạmbu bạgikate cetante rakabokʼ ehopʼena unre ńelena, Mạriạmakʼ hoṛmore murhucʼ jom rog do him leka ponḍge rakapʼena. Ar Aron hõ Mạriạm secʼe beṅgetʼketʼ khan hoṛmore murhucʼ jom roge ńelketʼtaea.

Numeri 12:14

Probhu Isor do Moseye metadea, “Uniren apattetʼ uniyakʼ mẽtʼãhãreye thoae khan enḍekhan uni do cetʼ ona eae din lajao paṛare bae tahẽkokʼa? Uni do eae din ḍera bahrere dohokae hoyokʼa, ar ona tayom doe ruạṛ ạgu ocokʼa.”

Numeri 31:19

“Ar ape modre okoe do hoṛpe gocʼakatʼko se gocʼ hoṛpe joṭetʼ akatʼko khan onko eae din hạbicʼ ḍera bahrere tahen hoyokʼtapea. Ar tesar ar eae din hilokʼ do ape apnartetʼ ar bondikatepe ạguakatʼko hoṛko saphakʼ hoyokʼtapea.

Numeri 5:1

Probhu Isor do Moseye galmaraoadea,