Numeri 4:3 - সান্তালী বাইবেল

³ Kohatren pegel khon mõṛẽgel bochor umerren okoeko herel hoṛ do ńapamokʼ tạmbu reakʼko kạmi daṛeakʼ eken onko ben lekhakoa.

Numeri 4:3 Iomraidhean Croise

Genesis 41:46

Joseph do tinre Misorren raj Pharaoakʼ kạmireye bahal ocoyena unre uniyakʼ umer do pegel bochor tahẽkana. Uni do Pharaoakʼ raj dorbar khon oḍokkate Misor disạm reakʼ sanam jaegae dãṛã ạcurkeda.

2 Samuel 5:4

Dạud do tinre raje hoyena unre uniyakʼ umer do pegel bochor tahẽkantaea; ar pongel bochor hạbicʼ raje calaokeda.

1 Bõsbudạ 6:48

Onkoren peṛa eṭakʼ Liwiko do ḍera tạmbu, metakʼme Isorakʼ oṛakʼ reakʼ eṭakʼ sanamakʼ kạmireko bahal ocoakan tahẽkana.

2 Bõsbudạ 31:17

Bõs tạlikare naekekoakʼ ńutum do apatkoakʼ bõs lekate ol hoylena ar bargel bochor ar ona khon bạ̃ṛti umerren Liwikoakʼ ńutum ar dạyik do eṭakʼ eṭakʼ dol lekate ol hoylena.

Esra 3:8

Jerusalemre Isorakʼ oṛakʼre seṭeren tayom dosar bochor reakʼ dosar candore Solṭiạlren hopon Serubabel, Josadakren hopon Jesua ar onkoren sarecʼ boehako do kạmiko ehopʼkeda. Noko boehako doko hoyokʼkana naekeko, liwiko ar eṭakʼ sanam hoṛko okoe do bondi dosa khon Jerusalemteko ruạṛ hecʼlen tahẽkan. Bargel bochor ar ona khon ḍher umerren liwiko do Probhu Isorakʼ oṛakʼ benao reakʼ ńel todarotreko bahal ocoyena.

Numeri 1:50

Goha tạmbu reakʼ asbabko ar ona reakʼ sanamakʼ ńel jut reakʼ bhar do onko cetanrem dohoya. Onkoakʼ kạmi do hoyokʼa sekʼwa tạmbu ar ona reakʼ asbabko gokʼ bhạriạ idiya. Ar noa ńel jut reakʼ bhar hõ onko cetanrem dohoya ar onko do noa beṛhaete ḍerakʼ hoyokʼtakoa.

Numeri 16:9

Ape lạgitʼ do cetʼ onage baṅ ḍhera je, Israelkoren Isor do somajren eṭakʼ hoṛko khon acʼ ṭhene begar ạguakatʼpea jemon Probhu Isorakʼ sekʼwa tạmburepe kạmi ar somajren hoṛko sapʼsorako lạgitʼ onko samaṅrepe teṅgo daṛeakʼ?

Numeri 4:2

“Liwiko talare Kohat bõsrenko khon, gusṭi gusṭi ar gharońj gharońj lekate Kohatren hoponben lekhakoa.

Numeri 4:23

Pegel khon mõṛẽgel bochor umerren Gerson bõsren okoe do ńapamokʼ tạmbu reakʼko kạmi daṛeakʼ eken onkogem lekhakoa.

Numeri 4:30

Pegel khon mõṛẽgel bochor umerren Merari hoponko okoe do ńapamokʼ tạmbu reakʼko kạmi daṛeakʼ eken onko ben lekhakoa.

Numeri 4:35

Pegel khon mõṛẽgel bochor umer hạbicʼ okoe do ńapamokʼ tạmbu reakʼko kạmi daṛeakʼ,

Numeri 4:4

“Ńapamokʼ tạmbure Kohatrenkoakʼ kạmi do hoyokʼa sonot utạrakʼ jinisko ńel todarot.

Numeri 4:47

Pegel khon mõṛẽgel bochor umer hạbicʼ okoe do ńapamokʼ tạmbure sapʼsosor ar jinisko gokʼ idi daṛeakʼ onkoakʼ lekha do jotote irạl hajar mõṛẽsae irạlgel hoyena.

Luk 3:23

Jisu do pegel serma umer tahẽkantaere acʼakʼ kạmiye ehopʼkeda. Hoṛkoakʼ bujhạure uni do Josephren hopone tahẽkana. Ar Joseph do Eliren hopone tahẽkana;

1Timothi 1:18

E bachatiń Timothi, am reaṅ eṭakʼko nạbi lekate oka kathako lạiletʼ ona katha lekage iń do noań hukumam kana. Ar noa katha disạ dohoy tulucʼ am do Mạsi khạtirte jiwi alaekate ma lạṛhạime.

1Timothi 3:1

Noa katha do sạrikangea je, jãhãe manḍerren ạyuricʼ hoyokʼe menjoṅkan khan uni do mitʼṭecʼ bhage kạmi lạgitʼgeye gagojokʼ kana.

1Timothi 3:6

Manḍerren ạyuricʼ do nãwã biswạsi hoṛ hõ alo jemone hoyokʼ, ente nãwã biswạsicʼ do bạḍạiteye phulạukʼa ar Soetan reakʼ bicạrreye khańjo botecʼkokʼa.