Numeri 4:16 - সান্তালী বাইবেল

¹⁶ Diuhe reakʼ sunum, jut so mosolako reakʼ dhup, jomakʼ samaṅokʼakʼ ar ojokʼ bahalokʼ reakʼ sunum noako reakʼ bhar do naeke Aronren hopon Eliaser cetanre tahena. Goṭa sekʼwa tạmbu ar ona reakʼ sanamakʼ, metakʼme sonot ṭhạ̃i ar ona reakʼ asbabko ńel todarot reakʼ bhar do Eliaser cetanrege tahena.”

Numeri 4:16 Iomraidhean Croise

Exodus 25:6

marsal jol lạgitʼ jạitun reakʼ sunum; ojokʼ bahalokʼ reakʼ sunum, dhup ar jut so mosolako;

Exodus 30:22

Ona tayom Probhu Isor do Moseye metadea,

Exodus 31:11

Ojokʼ bahalokʼ lạgitʼ sunum ar sonot ṭhạ̃ire lạgitʼ jut so dhupko. Ar amiń hukum akawatʼme leka onko do jemon onako benao daṛeakʼ.”

Exodus 37:29

Ona chaḍa riritʼko reakʼ dharate jut so mosola reakʼ nirạ dhup ar ojogokʼ sunum hõe tearkeda.

Levitikus 24:1

Probhu Isor do Moseye galmaraoadea,

Levitikus 24:2

“Am do Israelkom hukumakoa jemon jạitun reakʼ khạṭi sunum am ṭhenko ạguiyte diuheko jaoge jemon jol akaege tahen.

Levitikus 6:20

“Arone ojokʼ bahal ocokʼ dinre Aron ar uniren hopon do jomakʼ samaṅokʼakʼ lekate jaoge mitʼ keji irạl sae gram mĩhĩ holoṅ Probhu Isor samaṅreko ạguiya. Ar ona reakʼ adha do setakʼ jokhecʼ ar adha do ạyupʼ jokhecʼko samaṅa.

Numeri 3:32

Liwikoren maraṅ mukhiyạ do Aronren hopon Eleasere tahẽkana. Sonot ṭhạ̃i ńel jut reakʼ bhar okoeko cetanre tahẽkan onko ńel todarotko lạgitʼ do Eleasere bachao ocolena.

Numeri 4:17

Inạ tayom Probhu Isor do Mose ar Arone galmaroatʼkinạ,

Luk 4:18

“Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Uni doe kol akadińa, bondi akanko chaḍaoko lạgitʼ, kãṛã hoṛko ńeńel reakʼ katha lại pasnao lạgitʼ, ar talga tạuạkʼ akan hoṛ khalaskate bidạkako lạgitʼ.

Aposkạmi 20:28

Ape do apnar lạgitʼ sontor akae tahenpe, ar okoe sonot Jiu biswạsikoren horhoyicʼ lekate ape cetanreye emakan uni lạgitʼ hõ sontor akae tahenpe. Gupiyicʼ do cetʼleka acʼakʼ palren bhiḍikoe ńel todarotetʼko onkage ape hõ Isorakʼ manḍerko ńel todarotpe. Ente Isor do acʼakʼ mãyãmte onako manḍerre kirińakada.

1 Korinthiko 4:1

Hoṛ do nonka lekako bujhạule ma, ale do Mạsiren sapʼdapʼko kanale ar Isorakʼ sạri okoakʼko baḍae ocoko reakʼ bhar do alerege emakana.

1Timothi 2:5

Isor doe mitʼ goṭengea ar mitʼ goṭengeae Isor ar manwakoren dene banar renicʼ hõ. Uni doe hoyokʼ kana Jisu Mạsige.

Ibriko 3:1

Onate E sonot boehako, okoe do serma rajren ạidạriko hoyokʼ lạgitʼ uniyakʼ hohoakʼren bakhradarkope hoyakan, ape do Jisu reaṅ moneyakʼpe. Ente okoere bon pạtiạu akan uni kangeae Isor ṭhen khon kol ocoyicʼ do ar maraṅ naeke hõ unige.

Ibriko 3:6

Menkhan Mạsi do ona gharońj reakʼ dạyike ńamakatʼ Hopon lekate pạtiạricʼe tahẽkana. Aboakʼ sạri as iạte monre oka dil ar rạskạ hijukʼ, onare mucạtʼ hạbicʼ teṅgo ṭak akae bon tahen, enḍekhan aboge Isorakʼ gharońjren hoṛ bon hoyokʼa.

1 Patras 2:25

Bhiḍiko lekape chingạu adokʼkan tahẽkana, menkhan ńitokʼ do okoe apeakʼ jiwikoe ńeletʼkan uni gupiyicʼ ṭhenpe ạcur ruạṛ akana.

1 Patras 5:2

Ape talare menakʼ Isorakʼ palren gupiko hoyokʼpe. Ńel todarotkope hoyokʼkante onkope ńelkoa ona do baṅ, bickom apnarakʼ monejoṅ lekatege gupikope, ente Isor do ape ṭhen onageye khojkana. Porho ńam lạgitʼ do alope kạmiya, menkhan gagoj monte kạmipe;