Numeri 4:15 - সান্তালী বাইবেল

¹⁵ “Aron ar uniren hoponko tinre noa sonot jinis ar sonot ṭhạ̃i reakʼ asbab poṭom reakʼ kạmiko sạta ar hoṛko hõ ḍera samṭaokate uṭhạukʼ lạgitʼko sapṛaokʼa unre Kohatren hoponko do noako gokʼ idi lạgitʼko hijukʼa. Menkhan onko do sonotakʼ okaṭakʼ jinisge bako joṭetʼ daṛeakʼa. Arko joṭetʼ lekhan onko doko gujukʼa. Ńapamokʼ tạmbure okako jinis tahen ona do Kohatren hoponkoko gokʼ idiya.

Numeri 4:15 Iomraidhean Croise

2 Samuel 15:24

Raj do tinre nagraha khone oḍok calakʼkan tahẽkana unre naeke Sadok ar sanam Liwiko hõ uni sãoteko tahẽkana. Liwiko do Isorakʼ goha sindukko gokʼ idiyetʼ tahẽkana. Ar nagraha khon sanam hoṛ ạuriko oḍok hijukʼ hạbicʼ Liwiko do Isorakʼ sindukko dohokeda ar naeke Abiathar hõ onko sãoteye tahẽkana.

2 Samuel 6:13

Ar okoe do Probhu Isorakʼ sindukko ạguyetʼ tahẽkan onko do turui taṛamko taṛamketʼ tahẽkanre Dạud do mitʼṭen ḍaṅgra ar mitʼṭen phẽṭãṛe samaṅede tahẽkana.

1 Rapajko 8:3

Ado Israelren sanam murubbikoko jarwayen khan naekeko do sindukko gokʼkeda.

1 Bõsbudạ 15:15

Probhu Isore udukʼ akatʼ Moseyakʼ hukum leka Liwiko do Isorakʼ sinduk gokʼ ạgui reakʼ ḍaṅkin gokʼkate onako ạgukeda.

1 Bõsbudạ 15:2

Inạ tayom uni doe menkeda, “Isorakʼ sinduk do Liwiko chaḍa ar okoe hõ jemon aloko gokʼ bhạriại ente Probhu Isorakʼ sinduk gokʼ idi ar jaejug hạbicʼ uniyakʼ sewae lạgitʼ Probhu Isor do onkogeye bachao akawana.”

1 Bõsbudạ 23:26

Onate sekʼwa kạmire bebohar lạgitʼ ḍera tạmbu se eṭakʼ jãhãn jinis Liwiko do ar gokʼ idi baṅ lagao akoa.”

Exodus 19:12

Hoṛko lạgitʼ buru goṭa beṛhaete am do mitʼṭecʼ simạnam ṭhik dohokakʼa arem sontorkoa, jemon buru cetante aloko rakabokʼ se buruhõ aloko joṭed. Ar okoe ona burui joṭeda uni do khạṭigeye gocʼ ocokʼa.

Exodus 19:21

Probhu Isor do Moseye metadea, “Am do latarte senkate hoṛkom sontorkoa jemon Probhu Isor ńele lạgitʼ simạna aloko parom. Arko onka lekhan ḍher hoṛgeko gujukʼa.

Exodus 27:7

Noakin ḍaṅ do kạṛi talate gutukakʼ hoyokʼa. Onate pinḍ gokʼ idi jokhecʼ ḍaṅkin do pind reakʼ banarsa aṛere tahena.

Levitikus 16:13

Onḍe uni do Probhu Isor samaṅre seṅgel cetanre dhupe jereda. Ar ona dhup reakʼ dhũạte goha sinduk cetan reakʼ daya duṛupʼakʼ do danaṅokʼa ar onate uni do bae gujukʼa.

Numeri 1:50

Goha tạmbu reakʼ asbabko ar ona reakʼ sanamakʼ ńel jut reakʼ bhar do onko cetanrem dohoya. Onkoakʼ kạmi do hoyokʼa sekʼwa tạmbu ar ona reakʼ asbabko gokʼ bhạriạ idiya. Ar noa ńel jut reakʼ bhar hõ onko cetanrem dohoya ar onko do noa beṛhaete ḍerakʼ hoyokʼtakoa.

Numeri 1:51

Sekʼwa tạmbu tinre uṭhạukʼa unre Liwikoge ona doko samṭaoa arko bereda. Ar eṭakʼ jãhãe hoṛ onḍeye sorokʼ enḍekhan uni doe gocʼ ocokʼa.

Numeri 10:21

Noko tayom Kohatkoren do sekʼwa tạmbu reakʼ sonot jiniskoanteko mohnḍayena. Onko seṭerokʼ laharege sekʼwa tạmbu do umul reakʼ katha tahẽkana.

Numeri 18:3

Onko do am tabere tahẽkate goha tạmbu reakʼ sanamakʼko kạmiya, menkhan sonot tạmbu reakʼ jãhãn jinis ṭhen se pinḍ ṭhen do bako sen daṛeakʼa. Arko senlen khan onko jotogeko gujukʼa.

Numeri 3:38

Ńapamokʼ tạmbu samaṅre, metakʼme sekʼwa tạmbu reakʼ purub secʼre do Mose, Aron ar uniren hoponko ḍerakʼ lạgitʼ metatʼko tahẽkana. Onkoakʼ dạyik do tahẽkana Israelko lekate sonot ṭhạ̃i reakʼ sanamʼ kạmiko jemonko kạmi. Onko chaḍa ar jãhãege sekʼwa tạmbu reakʼ ṭhonok ṭhạ̃iteye bolokʼ uni doe gocʼ ocokʼa.

Numeri 4:14

Ona tayom onko do ona cetanre sekʼwa kạmi reakʼ sanam thạriko, bạṭiko, kạ̃ṛchuko, ḍhạknicʼko, jel rakapʼ kaṭa kạ̃ṛchũko ar mãyãm irciyakʼ bạṭiko ar pinḍ reakʼ sanam asbabko dohoya. Onko do ona cetanre takhas (susuk) hartako aṭetʼakʼa ar ona reakʼ ḍaṅkin do ṭhik jaegareko gutukakʼa.

Numeri 4:19

Ar sonot utạrakʼ jinis ṭhen senkate aloko gujukʼ bickom, jiwetʼko tahen ona lạgitʼ Aron ar uniren hoponko do sonot tạmbure bolokate apan ạpin kạmi ar apan ạpin bojhako hạṭińakoa.

Numeri 4:20

Menkhan sonotakʼ sanamakʼ jinisko ńel todarot lạgitʼ Kohatrenko do bhitrite bako bolo daṛeakʼa, mitʼ ghạṛi lạgitʼhõ baṅ. Arko bololen khan onko doko gujukʼa.”

Numeri 7:9

Mose do Kohatrenko cetʼge bae ematʼkoa, ente sonotakʼ jinisko reakʼ ńel todarot bhar do onko cetanrege tahẽkana ar onako gokʼ idi reakʼ bhar hõ.

Dosar Biboron 31:9

Mose do ạn-ạriko olkate Liwi gusṭiren naekeko, okoe do Probhu Isorakʼ goha sindukko gokʼ bhạriạ idiyetʼ tahẽkan, onko ar Israelren sanam murubbiko onae ematʼkoa.

Josuạ 4:10

Gaḍa paromokʼ babotre Mose do Josuại hukumade tahẽkana. Onate hoṛko lạiyako lạgitʼ Josuại em akawade Isorakʼ hukum leka hoṛko jotowakʼ ạuriko cekae hạbicʼ goha-sinduk gogokʼ naekeko do gaḍareko teṅgo tahẽkana ar hoṛko do usạra gaḍako paromena.

1 Samuel 6:19

Bet-semesren adom hoṛ do Probhu Isorakʼ sinduk bhitri secʼko oyoṅletʼte Probhu Isor do onkoe gocʼ giḍikatʼkoa. Uni do unre onḍenko mõṛẽ hajar eaegel hoṛe gocʼketʼkoa. Are ńẽtʼletʼkote hoṛko do rakʼ homorko ehopʼena.