Numeri 33:3 - সান্তালী বাইবেল

³ Bańcaokʼ porob reakʼ dosar hilokʼ bochor reakʼ pạhil cando reakʼ gelmõṛẽ tạrikre Israelko do Ramases khonko mohnḍalena. Onko do sanam Misrikoakʼ mẽtʼãhã samaṅ khonko oḍok hecʼlena.

Numeri 33:3 Iomraidhean Croise

Genesis 47:11

Joseph do acʼren apattetʼ ar boehako tahen lạgitʼe bebostakeda. Ar Pharaoakʼ hukum leka Misor disạm reakʼ joto khon bhageakʼ jaega uni do sompotti lekae danatʼkoa. Ona jaega reakʼ ńutum do Ramses tahẽkana.

Sereńko 105:38

Onkoakʼ calakʼ iạte Misorrenko doko kusilena, ente Israelko do ạḍiko botorakokan tahẽkana.

Exodus 1:11

Onate Misorrenko do gokʼ bhạriạ hotete santaoko lạgitʼ onko cetanre sordarko bahalketʼkoa. Ar Pharaoakʼ phosol jarwae lạgitʼ Israelko hotete Pitạm ar Ramesh noa barea murại nagrahako benaokeda.

Exodus 12:2

“Noa candoge hoyokʼa apeakʼ pạhil cando, apeakʼ bochor reakʼ pạhil cando.

Exodus 12:37

Ona tayom Israelko do Rameses khon Sukot secʼko mohnḍayena. Jotote turui lakh herel hoṛko taṛam idikeda. Onko sãote maejiuko ar gidrạko hõko tahẽkana.

Exodus 13:4

Ape do Abib cando reakʼ noa dinregepe oḍok hecʼakana.

Exodus 14:8

Probhu do Misorren raj Pharaoakʼ mone keṭecʼ ocoketʼtaea. Ar Israelko dilkate samaṅ secʼko sen idikʼkan tahẽkanre uni do onkoe khudạu idiketʼkoa.

Jesaea 52:12

Menkhan usạrate do alope oḍok hijukʼa se alope dạṛ ạguiya, ente Probhu Isor do ape laha lahateye calakʼa; ar Israelkoren Isorgeye samṭao idipea.

Mikạ 2:13

Bondi dosa khon ruạṛ hijukʼ lạgitʼ okoe do hore jhij uni do onko laha lahateye calakʼa; onko do phaṭok duạr rạputʼkateko oḍok calakʼa. Probhu Isor, okoe doe onkoren rajkan, uni do onkoe ạyur idikoa.

Numeri 33:2

Ar daṛan horre okako jaegareko ḍeralen Probhu Isorakʼ hukumte Mose do onae ol dohokeda. Ar okako jaegareko ḍeralen ona do hoyokʼkana: