Numeri 33:1 - সান্তালী বাইবেল

¹ Mose ar Aronakʼ ạyurte Israelko do palṭonko leka Misor disạm khon oḍok tayom judạ judạ jaegare ḍera ḍerateko calakʼkan tahẽkana.

Numeri 33:1 Iomraidhean Croise

Sereńko 105:26

Uni do acʼren guti Mose ar uniye bachaolede Arone kolketʼkinạ;

Sereńko 77:20

Mose ar Aron hotete bhiḍi pal leka am do amren hoṛkom ạyurletʼkoa.

Exodus 12:37

Ona tayom Israelko do Rameses khon Sukot secʼko mohnḍayena. Jotote turui lakh herel hoṛko taṛam idikeda. Onko sãote maejiuko ar gidrạko hõko tahẽkana.

Exodus 12:41

Ar pon sae pegel bochor mucạtʼen hilokʼge Probhu Isor do sanam hoṛko lạṛhại phạdko leka Misor disạm khone oḍok ạguketʼkoa.

Exodus 12:51

Ar Probhu Isor do ona dinge lạṛhại phạdko leka Misor disạm khon Israelkoe oḍok ạguketʼkoa.

Exodus 13:18

Onate Isor do hahaṅkar talate arakʼ jalapuri secʼe ạyur idiketʼkoa. Ar Israelko do lạṛhại phạd leka Misor disạm khonko oḍok hecʼena.

Exodus 6:26

Aron ar Mosege Probhu Isore metatʼkin tahẽkana jemon unkin do phạdko leka Israelko Misor disạm khon kin oḍok idiko.

Mikạ 6:4

Iń do Misor disạm khoniń oḍok ạgu akatʼpea, ar golam khoniń chaḍao akatʼpea. Ape goṛowape lạgitʼte Mose, Aron ar Mạriạm tekoń kolletʼkoa.

Numeri 33:2

Ar daṛan horre okako jaegareko ḍeralen Probhu Isorakʼ hukumte Mose do onae ol dohokeda. Ar okako jaegareko ḍeralen ona do hoyokʼkana:

Josuạ 24:5

“Ona tayom iń do Mose ar Aron iń kolketʼkinạ. Ar iń do kạmi hotete Misorrenkoń hạnketʼkoa, ar ona tayom do apeń oḍok ạguketʼpea.

1 Samuel 12:8

“Jakob do Misor disạmteye senena, ar aperen hapṛamko tinre Probhu Isor ṭhenko rakʼkeda unre Probhu do Mose ar Arone kolketʼkinạ. Unkin do Misor disạm khon aperen hapṛamkokiń oḍok ạguketʼkoa ar niạ disạmrege girobasokʼ lạgitʼkin bondobosatʼkoa.