Numeri 32:33 - সান্তালী বাইবেল

³³ Unre Mose do Amorikoren Sihon rajakʼ rajosṭi ar Basonren Og rajakʼ rajosṭi do Gad ar Ruben gusṭiren hoṛko ar Manasi adha gusṭiren hoṛkoe hạṭińatʼkoa. Nui Manasi do Josephren hopone tahẽkana. Ato ar nagraha ar onako beṛhaeteakʼ jaega goṭage onko lạgitʼe dohokeda.

Numeri 32:33 Iomraidhean Croise

1 Bõsbudạ 12:31

Manase gusṭiren adha bõsren do gel irạl hajar hoṛko tahẽkana. Noko hoṛko do ńutum ńum ocokateko men ocolena jemon onko do hecʼkate Dạudko raje.

1 Bõsbudạ 26:32

Jiriạwakʼ bõsren bar hajar eae sae hoṛ do daṛeankoko tahẽkana. Onko do apan ạpin gharońjren mathako tahẽkana. Dạud raj do Isor ar rajakʼ sanamakʼ kạmi lạgitʼ Rubenrenko, Gadrenko ar Manase gusṭiren adha hoṛko cetanre Hebronrenkoe bahalketʼkoa.

1 Bõsbudạ 5:18

Ruben gusṭi, Gad gusṭi ar Manasi gusṭiren adha hoṛ do lạṛhại lạgitʼ pongel pon hajar eae sae turuigel daṛean hoṛ sapṛao akanko tahẽkana. Onko do ḍhal, tarwaṛe ar akʼsar behoharko baḍaekan tahẽkana ar lạṛhạire ạḍi gạkhuṛko tahẽkana.

Numeri 32:1

Ruben ar Gad gusṭiren hoṛkoren do ạḍi aema bhiḍi merom ar ḍaṅgra palko tahẽkantakoa . Onko do Jaser ar Gilead disạm do janwar ạsulko lạgitʼ ạḍi napae jaegakana menteko ńelketʼ khan,

Numeri 32:32

Ale do Probhu Isor samaṅre lạṛhại reakʼ khanḍa bhanḍawante gaḍa paromkate Kanan disạmtele calakʼa, menkhan aleakʼ sompotti do gaḍa niạ sa aṛerege tahentalea.”

Numeri 34:14

Ente Ruben gusṭirenko, Gad gusṭirenko ar Manaseren adha gusṭiren bõsko do laharege akoakʼ sompottiko ńamakatʼ tahẽkana.

Numeri 34:15

Onko do Jerikho samaṅ secʼ jordan purub aṛere sompottiko ńamkeda.”

Dosar Biboron 29:8

Ar unkinakʼ disạm hatkate sompotti lekate Rubenrenko, Gadrenko ar Manase khũṭren adha hoṛko do ona bon em akatʼkoa.

Josuạ 12:1

Araba bilạn ṭạnḍi reakʼ purub hĩs reakʼ sanamakʼ Arnon lodam khon Hermon buru hạbicʼ jordan gaḍa purub secʼren Amorikoren raj Sihon ar Basonren raj Og doko bhagaoketʼkinte Israelko do unkinakʼ elakako dohkol akawan tahẽkana.

Josuạ 12:6

Israelko ar Probhu Isorren guti Mose do nukin raje bhagaoletʼkina. Uni do unkinakʼ jaegako sompotti lekate Ruben ar Gad gusṭiren sanamko ar Manase gusṭiren adha hoṛkoe ematʼko tahẽkana.

Josuạ 14:3

Ar barea tala gusṭirenko Mose do laharege jordan purub secʼre sompottiye ematʼko tahẽkana, menkhan Israelko talare Liwi gusṭiko do jãhãn sompotti bae ematʼkoa.

Josuạ 22:4

Aperen Probhu Isorakʼ gokʼakʼ leka uni do lạṛhại khon aperen boehakoe jirạu ocoakatʼkoa; ar onate Probhu Isorren guti Mose do jordan gaḍa hanasare okaṭakʼ jaegae em akawatʼpe ńitokʼ do onḍenakʼ ḍinḍạte ruạṛ calakʼpe.

Josuạ 22:7

Manase gusṭiren adha hoṛko do Mose Bason disạme ematʼko tahẽkana, ar onkoren sarecʼ hoṛko Josuạ do Israel boehako sãote jordan gaḍa pạchim secʼre jaegae ematʼkoa. Josuạ do onko bidạko jokhecʼ bhoratʼkoteye metatʼkoa,

1 Samuel 13:7

Ar ḍher Ibriko do jordan gaḍa paromkate Gad ar Gilead ṭoṭhateko calaoena. Menkhan Sạul do Gilgolreye tahẽyena, ar uni sãoten lạṛhại phạdko do botorte thartharaokʼko ehopʼena.