Numeri 32:22 - সান্তালী বাইবেল

²² enḍekhan Probhu Isor gobolre disạm hecʼlen tayom ape dope ruạṛ calao daṛeakʼa ar unre Probhu Isor ar Israel jạtrenko cetan reakʼ dạyik khon rehaepe ńama; ar unre Probhu Isor samaṅre niạ jaega do apeakʼ sompottige hoyokʼa.

Numeri 32:22 Iomraidhean Croise

2 Samuel 3:28

Joab ar uniren boeha Abisae do Abnerkin gocʼkedea, ente uni do unkinren boeha Asahel Gibiạn reakʼ lạṛhạireye gocʼledea. Tayomte Dạud do ona khobor ńamkateye menkeda, “Nerren hopon Abnerakʼ mãyãm reakʼ babotre iń ar ińakʼ rajosṭi do Probhu Isor samaṅre jaejug lạgitʼ bindusạngea. Joab ar uniren apatakʼ bõsren sanamkoge jemon ona mãyãm reakʼ dạyiko hoyokʼ. Joabakʼ bõsrenko sanam ghạṛicʼ jemon jãhãe baṅ jãhãe hereltetʼ khon boḍedakʼ oḍokokʼtako se murhucʼjom rog ńamko, jãhãege ṭheṅgate tiyokʼkateko taṛamma, arko khũn ocokʼma ar jomakʼ okulạnreko paṛaokʼma.”

Sereńko 78:55

Onko samaṅ khon porjạtren koe laga ńirketʼkoa, ar onkoakʼ jaega jumi soṅkate sompotti lekate onkoe hạṭińatʼkoa; onkoakʼ oṛakʼ duạrre Israel bõsrenkoe girobas ocoketʼkoa.

Levitikus 14:34

“Okaṭakʼ disạm do ạidạri menteń emape lạgidokʼkan ona disạmte bolokate onḍe jãhãn mitʼṭecʼ oṛakʼre murhucʼjom rog iń paṛao ocoy,

Dosar Biboron 3:20

Probhu Isor tinạkʼ din ape leka aperen boehako jirạukʼ reakʼ ạt bae emako ar jordan gaḍa hanasare okaṭakʼ disạm aperen Probhu Isor do onkoe emako lạgidokʼkan ona ạuriko ạidạri joṅ hạbicʼ ape do lạṛhạitege tahen hoyokʼtapea. Ar ona tayom do noa jaegape emocokʼa ar nonḍepe ruạṛ hecʼ daṛeakʼa.’

Josuạ 1:15

Probhu Isor do tinạkʼ din ape leka aperen boehako jotowakʼ khon bae jirạu ocoko ar tinạkʼ din aperen Probhu Isore emakan disạm ạuriko dokhol unạkʼ din aperen boehakope goṛowakoa. Ar ona tayom dope ruạṛ hijukʼte apeakʼ jaega purạtepe dokholjoṅa one Probhu Isorren guti do jordan purub secʼ apeye emakawatʼpe.”

Josuạ 10:30

Probhu Isor do ona nagraha ar onḍenko rajko Israelkoakʼ tireye jimạketʼkoa. Ar Josuạ do ona nagraharen hoṛko ar sanam jiwiyankoe gocʼ cabaketʼkoa, celege jiwetʼ bae doholetʼkoa.

Josuạ 10:42

Nonkate uni do mitʼ dhaore lạṛhại oḍokkate onko rajko ar onkoakʼ disạmkoe hatkeda, ente Israelkoren Probhu Isor do onko huyạteye lạṛhạilena.

Josuạ 11:23

Probhu Isor Mose okae hukumade tahẽkan onkage Josuạ do goṭa disạme dokholana ar gusṭikoakʼ sompotti lekate ona do Israelko talareye hạṭińatʼkoa. Unre disạmre lạṛhại do thirakan tahẽkana.

Josuạ 13:8

Manase gusṭiren adha hoṛko, Ruben ar Gad gusṭiren hoṛko do jordan gaḍa purub secʼ reakʼ jaegako do sompotti lekate laharegeko ńamakatʼ tahẽkana. Probhu Isorren guti Mose do onko lạgitʼ ona jaegageye ṭhik dohoakatʼ tahẽkana.

Josuạ 18:1

“Ar Israel hoponko do Silote senkateko jarwayena ar ńapamokʼ tạmbuko beretʼkeda. Goṭa disạmge Israelko tabere hecʼenre hõ onkoren eae gusṭiren hoṛko do unhõ sompotti bako ńamakatʼ tahẽkana.”

Josuạ 2:19

Unre jãhãege amakʼ oṛakʼ khon ḍaharteye oḍokokʼ enḍekhan uni do acʼge acʼakʼ gujukʼ lạgitʼ dạyike hoyokʼa. Ale do uni lạgitʼ dạyi bale tahena. Menkhan okoe am tulucʼ noa oṛakʼreko tahen onko cetanre jãhãege tiye tul enḍekhan uniyakʼ gujukʼ lạgitʼ do alege dạyile tahena.

Josuạ 22:4

Aperen Probhu Isorakʼ gokʼakʼ leka uni do lạṛhại khon aperen boehakoe jirạu ocoakatʼkoa; ar onate Probhu Isorren guti Mose do jordan gaḍa hanasare okaṭakʼ jaegae em akawatʼpe ńitokʼ do onḍenakʼ ḍinḍạte ruạṛ calakʼpe.

Josuạ 22:9

Onate Probhu Isor Mose okaṭakʼe hukumade tahẽkan onkage Ruben ar Gad gusṭirenko ar Manase gusṭiren adha hoṛ do apnar lạgitʼ okako jaegako ńamletʼ ona Gilead ṭoṭhate ruạṛ calakʼ lạgitʼ Kanan disạm reakʼ Silore Israelko ṭhen khon bidạko hataokeda.