Numeri 32:14 - সান্তালী বাইবেল

¹⁴ “Ape kạiyanko do, aperen baba hapṛamko bodoltepe upel akana ar Probhu Isorakʼ edre seṅgel do Israelko cetanre arhõpe sarsao ocoakatʼtaea.

Numeri 32:14 Iomraidhean Croise

Genesis 5:3

Adamakʼ mitʼsae pegel bochor umer tahẽkanre uniren do mitʼṭen koṛa hopone hoyena. Uni hopon do acʼlekageye hoyena. Adam do uniyakʼ ńutum Sethe dohoketʼtaea.

Genesis 8:21

Probhu Isor do ona dãṛẽ reakʼ jut so iạteye kusiyena ar mon monteye menkeda, “Manwa iạte ar tishõ ot do ar bạń sarapakʼa, ente cetʼleka sanam jiwiyankoń marao cabaketʼko onka do ar tishõ bạń onkaea.

2 Bõsbudạ 28:13

Onkoko menkeda, “Bondi hoṛko do nonḍe alope ạgukoa; arpe ạguleko khan Probhu Isor ṭhen ale hõ dusile hoyokʼa. Aleakʼ kại ar dos sãote cetʼ ape do arhõ jãhãnakʼ jutucʼakʼpe khojkana? Ape dope dusigea ar Probhu Isorakʼ edre hõ Israelko cetanre menakʼtaea.

Esra 10:10

Unre naeke Esra do teṅgoyente onkoe metatʼkoa, “Ape do bepạtiạrkope hoyakana, ar judạ judạ jạtren kuṛikope bapla akatʼkote Israelkoakʼ kại tulucʼ arhõ kạipe juṭucʼ akada.

Nehemiạ 13:18

Aperen hapṛamko do cetʼ nonkage bako kạmileda, ona iạte aboren Isor do abo cetanre, niạ nagraha cetanre bạṛicʼakʼ bae hoyocoakada? Ńitokʼ ape do jirạukʼ mãhã bape sonotetʼte Isor do Israelko cetanre arhõpe bekusi ocoyede kana.”

Jobakʼ 14:4

Besaphaicʼ khon cetʼ jãhãe saphaicʼe benao daṛekea? Ona do okoehõ bae daṛeakʼa.

Sereńko 78:57

Onkoren hapṛamko lekage ṭhik hor khon ocokʼkate onko doko behokkeda; onko do peṛta akʼ lekako konḍeayena.

Jesaea 1:4

Hae! Onko do kạite perecʼ mitʼṭen jạtrenkoge, dusi reakʼ bojhate perecʼ hoṛge, behoketʼren bõskoge, bạṛicʼakʼ kạmiyetʼkan hoponkoge. Onko do Probhu Isorko bạgi giḍi akadaea ar Israelren uni sonoticʼko nihạ̃t akadea arko dea giḍi akadea.

Jesaea 57:4

Ape do okoepe landa dhutʼae kana? Ar okoepe isiṛae kana ar alaṅpe totʼae kana? Ape do cetʼ sasantaoicʼ ar ekʼṛeyicʼren hopon dope baṅkana?

Jeheskel 20:21

“ ‘Menkhan onko hoponko ar hoponerako do iń upạrteko hulkeda. Onko do ińakʼ niạm bako manaoleda ar okaṭakʼ ạn-ạri palon hotete manwa do jionko ńam onko do ińakʼ ona ạn-ạri manao secʼ do bako moneyada; onko do iń emakʼ jirạukʼ mãhãko reakʼ sonottetʼ bako rukhiyạleda. Onate onkoń metatʼkoa hahaṅkarre onko cetanre ińakʼ edreń dulakoa.

Numeri 32:15

Ar uniyakʼ katha leka jodi bape calakʼ, enḍekhan niạ dhao hõ hahaṅkarre uni do noko hoṛkoe doho giḍikakoa, ar ape iạtege onkoakʼ maraokʼ do hoyokʼtakoa.”

Luk 11:48

Onate aperen hapṛamkoren gohako do apege ar onkoakʼ ona kạmiko hõ apegepe aṅgoceda. Ente onko do nạbikoko gocʼletʼkoa ar ape do onkoakʼ topakope benao aroyeda.

Dosar Biboron 9:24

Iń do ape tis khoniń baḍae akatʼpe un khongeń ńelakada, ape do Probhu Isor upạrtepe ṭhok ạguakada.