Numeri 31:8 - সান্তালী বাইবেল

⁸ Onko do Midiạnrenko sãote eṭakʼ mõṛẽ goṭen raj hõko gocʼketʼkoa. Onkoakʼ ńutum do hoyokʼ kana, Ebi, Rekom, Sur, Hur ar Reba. Israelko do Beorren hopon Biliam hõ tarwaṛeteko gocʼkedea.

Numeri 31:8 Iomraidhean Croise

Sereńko 10:2

Bedhorom hoṛko do dhomokʼte nacarkoko santaoetʼkoa, menkhan onko do akoakʼ phorphundigeye sapʼ ocoyetʼkoa.

Sereńko 9:16

Dhorom bicạr hotetege Probhu Isor doe baḍae ocokʼkana; bedhoromko do akoakʼ kạmitegeye jhạliyetʼkoa. (Sela)

Kạhtukko 11:3

Khạṭi hoṛko do akoakʼ sạritetʼ hoteteko ạyur ocokʼa, menkhan bin pạtiạukʼ hoṛ do akoakʼ phạsiạratetʼ iạteko marao ocokʼa.

Kạhtukko 13:17

Bạṛicʼ khobor emokʼicʼ do muhinreye paṛaokʼa, menkhan pạtiạricʼ do suluke hoeocoya.

Habakkuk 3:7

Kusanren hoṛ do nindhạn dosareń ńelketʼkoa, ar Midiạnren hoṛ doko thar tharaokʼkana.

Numeri 22:10

Biliam do Isore roṛ ruạṛadea, “Moabren raj Siporren hopon Balak do iń ṭhen kathae roṛgotʼ akada,

Numeri 22:4

Onko do Midiạnren murubbikoko lạiyatʼkoa, “Ḍaṅgrako ṭạnḍireko ạtiń leka noko dolrenko do abo beṛhaeteakʼ sanamakʼko siṭhạ cabaea.” Onate Moabren raj Sipor hopon Balak do Beor hopon Biliam hoho ạguiye lạgitʼ hoṛkoe kolketʼkoa. Unre Biliam do Uphreṭis gaḍa aṛe reakʼ acʼren hoṛkoakʼ disạmre Pethor nagrahareye tahẽkana. Balak doe roṛgotʼkada, “Misor disạm khon mitʼ dol hoṛko oḍok hecʼakana. Ar goṭa disạmko chạplạu ạcur akana ar iń samaṅreko girobasokʼ kana.

Numeri 23:10

Jakob bõsrenko do alekha dhuṛi leka onko do okoeye lekha daṛekekoa? Israelakʼ pon hạṭiń reakʼ mitʼ hạṭińhõ cetʼ jãhãeye lekha daṛekekoa? Onko dhorom hoṛko lekage ińakʼ gujukʼ hõ baṛe hoyokʼtińma; ar ińakʼ sesokʼ hõ onko lekage hoyokʼma.”

Numeri 24:14

Iń do ńitokʼ ińren hoṛko ṭheniń ruạṛ calakʼ kana, menkhan ona lahare amiń sontor oṭokam kana noko jạtrenko do tayom daram amren hoṛko cetanre cetʼko cekaea mente.”

Numeri 24:25

Inạ tayom Biliam do beretʼkate oṛakʼ secʼe mohnḍayena ar Balak hõ acʼakʼ horteye ruạṛ calaoena.

Numeri 25:15

Ar okoeṭakʼ Midiạnren kuṛiye gocʼ ocolen uniyakʼ ńutum do Kosbi tahẽkana. Uni do Midiạn disạmren Sur ńutuman mitʼṭecʼ bõskoren mukhiyạren hoponerae tahẽkana.

Numeri 25:18

ente Piorren debota sewawae ar Kosbiyakʼ katha iạte bhul horteko idiketʼpete onko do bạiriko hoyakana. Am dom baḍaegea, nui Kosbige onkoren peṛa ar mitʼṭen Midiạn sordarren hoponerae tahẽkana. Piorren Bakʼal debota sewawae iạte tinre ape talare mahamạri ńelena unre uni maejiugeye gocʼ ocolena.”

Numeri 31:16

Ńelpe nokoge Biliamakʼ kathate Israel hoponkoko bulạuletʼkoa Peor babotteakʼ kathare Probhu Isor upạrteko bepạtiạr ocoletʼkoa onate Probhu Isorren hoṛko talare mahamạri do paṛaolena.

Numeri 31:9

Onko do Midiạnren maejiuko ar gidrạkoko bondiketʼkoa ar onkoren sanam ḍaṅgrako, meromko, bhiḍiko ar onkoakʼ jiniskoko luṭketʼtakoa.

2 Patras 2:15

Onko do Beor hopon Biliamakʼ hor secʼko mohnḍa akana. Biliam do bạṛicʼ kạmi reakʼ kuṛại ńam lạgitʼe menleda,

Jihudạwakʼ ciṭhi 1:11

Hae onko hoṛ do! Onko do Kạin reakʼ horteko calao akana, ar lab lạgitʼ Biliamakʼ bulạureko khadle akana ar Koraho reakʼ ṭhokteko nosṭoyena.

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniyakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.

Johan sodor 2:14

Menkhan enhõ am upạrte ińakʼ roṛ reakʼ thoṛa menakʼtińạ. Onḍe am ṭhen nonkan hoṛ menakʼkoa okoe do Biliamakʼ sikhnạt lekateko calakʼkan. Balak raj do Biliame cetʼade tahẽkana jemon uni do boṅga samaṅakʼkoe jom ocoko ar laṭghaṭ kạmikote Israelko kại secʼe idiko.