Numeri 31:2 - সান্তালী বাইবেল

² “Am do Israelko ńutumte Midiạnkoakʼ behok reakʼ hala hạlime. Ar ona tayom do amren hapṛamko ṭhenem calakʼa.

Numeri 31:2 Iomraidhean Croise

Genesis 15:15

Ar am do ona laharege ḍher umerre suluktem topa ocokʼa ar amren hapṛamko ṭhenem calakʼa.

Genesis 25:17

Ismael do mitʼsae pegel eae bochor jiwetʼe tahẽkana. Ar ona tayom doe gocʼena ar acʼren hapṛamko ṭhene calaoena.

Genesis 25:8

Mitʼṭecʼ mońj ar suk jion khemao tayom ḍher umer paromkate uni doe gocʼena ar acʼren hapṛamko ṭhene calaoena.

Exodus 2:16

Onḍenicʼ Midiạn naekeren do eae goṭen hoponerako tahẽkantaea. Onko do apattetʼren bhiḍiko dakʼ ńũako lạgitʼ dakʼ lo rakapʼkate gamlareko dul perecʼetʼ tahẽkana.

Jesaea 1:24

Ona iạte phạdkoren Probhu, Israelkoren daṛeanicʼ Isore meneda, “Aha, iń secʼren okoeko baṅkan onko khon iń do rukhiyạń ńama ar ińren bạiriko cetanreń hala hạliya.

Nạhum 1:2

Probhu Isor do nonkan Isor kanae uni do acʼakʼ kuṛạiye khojkana ar joe emokʼkana; Probhu Isor doe hala hạliya ar acʼren bạiriko lạgitʼ edreye dohokakʼa.

Numeri 20:24

“Aron do acʼren hapṛamko ṭhen calakʼ hoyokʼtaea. Okaṭakʼ disạm Israel hoponkoń emako onḍe uni do bae bolo daṛeakʼa ente aben do Meribare dakʼ iạte ińakʼ hukum birudben kạmileda.

Numeri 20:26

Ar onḍe Aronakʼ hoṛmo khon naeke kicricʼem bojtaea ar uniren hopon Eleasarem horokʼaea, ente Aron do acʼren hapṛamko ṭhene calakʼa; ar onḍegeye gujukʼa.”

Numeri 25:1

Israel hoponko tinre Siṭim nagraha ṭhenko tahẽkana unre onko do Moabren maejiuko sãoteko laṭghaṭkeda.

Numeri 25:6

Onate Mose ar Israelren sanamko ńapamokʼ tạmbu reakʼ duạr ṭhen tinreko rakʼjoṅkan tahẽkana unre mitʼṭen Israel hoṛ do onko samaṅrege mitʼṭen Midiạnren kuṛi do acʼakʼ gharońj lạgitʼe idikedea.

Numeri 27:13

Amren boeha Aron cetʼleka hapṛamko ṭhene senakan onkage amhõ amren hapṛamko ṭhen calakʼ hoyokʼtama.

Numeri 31:1

Probhu Isor do Moseye metadea,

Numeri 31:3

Unre Mose do Israelkoe metatʼkoa, “Midiạnko birudre lạṛhại lạgitʼ ape mod khon thoṛa hoṛ sapṛaokope, jemon onko do Probhu Isor ńutumte Midiạnko cetanreko hala hạli daṛeakʼ.

Luk 21:22

ente noako din do sạjạiyokʼ dinge hoyokʼa, ar onate sonot sostorre oka ol menakʼ ona do purạukʼa.

Aposkạmi 13:36

“Dạud do ona piṛhiren hoṛko modre Isorakʼ monejoṅakʼe purạuketʼ tayome gocʼena. Ar uniren hapṛamko sãoteko topakede khan uniyakʼ hoṛmo do nosṭoyena.

Romiko lạgitʼ Pạul Apostolakʼ ciṭhi 12:19

Dulạṛiạ boehako, okoehõ alope hala ruạṛakoa, bickom Isorge sạjại lạgitʼ aṛakʼaepe. Sonot sostorre Probhu Isore meneda, “Hala ruạṛ reakʼ ektiạri do eken ińakʼge menakʼtińạ; ar ińgeń hala ruạṛa.”

Romiko lạgitʼ Pạul Apostolakʼ ciṭhi 13:4

Apeakʼ bhage lạgitʼge uni do Isorren sapʼdapʼicʼ lekae kạmiya. Ar bạṛicʼakʼpe kạmikan khan botorokʼpe, ente bạṛicʼakʼ kạmikanko sạjạiko reakʼ ektiạri do uniyakʼ menakʼtaea. Uni doe Isorren sapʼdapʼicʼ kana; ar okoe bạṛicʼakʼko kạmikan onko do Isor lekateye sạjạikoa.

Dosar Biboron 32:35

Behok reakʼ sạjại emokʼ reakʼ ạidạri do ińakʼge; okoeyakʼ oka kuṛại onage uniń emaea. Okte purạulen khan bạirikoakʼ jaṅga do leńjedokʼtakoa; onkoakʼ maraokʼ reakʼ din do sor hecʼakana. Onko lạgitʼ oka ṭhik dohoakan, ona do usạrage onkore paṛaokʼa.”

Dosar Biboron 4:22

Iń do nonḍegeń gujukʼa, jordan gaḍa do bạń parom daṛeakʼa; menkhan ape do gaḍa paromkate ona mońjakʼ disạmpe ạidạri lạgidokʼ kana.

1 Thessalonikikko 4:6

Noa babotre okoe hõ jemon jãhãe boeha behok lekate aloe ṭhokaye. Ale do laharegele lại akatʼpea arle sontorakatʼpea, noako behokakʼ iạtege Probhu Isor doe sạjạipea,

Ibriko 10:30

Ale do unile baḍae akadea one okoeye menetʼkan, “Hala hạli do ińakʼge, ińgeń hala ruạṛa; okoe okaṭakʼ ńam lek kane uni do onageń emaea.” Uni do arhõ mitʼ jaegareye meneda, “Probhu Isorge acʼren hoṛko lạgitʼ hok reakʼe bicạra.”

Johan sodor 18:20

Unre uni serma goḍet doe menkeda, “E serma, ona nagraha ḍahao maraoen iạte rạskạkʼme. E Isorren hoṛko, apostolko ar nạbiko hulạsokʼpe. Ape upạrte uni okae cekaletʼ ona lạgitʼ Isor do uniye bicạr akadea.”

Johan sodor 19:2

ente uniyakʼ bicạr do sạri ar dhoromgea. Okoe acʼakʼ loṭghuṭite goṭa dhạrtiye bhõnḍ akatʼ tahẽkan uni maraṅ kusmbi do Isor sạjạiye emadea ar acʼren golamkoakʼ mãyãm reakʼ unireye halakeda.”

Johan sodor 6:10

Onko do ãṭ aṛaṅteko menkeda, “E sonoticʼ ar sạriyicʼ Probhu Isor, okoe doko noa dhạrtiren kan, onko bicạrko lạgitʼ ar aleakʼ mãyãm reakʼ hala ruạṛako lạgitʼ am do ar tinạkʼem biloma?”

Bikʼcạrko 16:24

Ar hoṛko hõ Samson ńelkate noa katha menkate akoren Debota sarhaoate memenko ehopʼena, “Aboren Isor do aboakʼ tire aboren bạiriye jimạ akadea; uni do aboakʼ jumi ar phosole nosṭo akada ar aboren ḍher hoṛkoe gocʼ akatʼkoa.”

Bikʼcạrko 2:10

Josuạ okteren Israelko do gocʼente akoren hapṛam ṭhenko calaoen khan onkoakʼ jaegare onkoren hoponkoko hecʼena. Onko do Probhu Isor bako baḍae akade tahẽkana ar Israelko lạgitʼ Probhu Isor okakoe cekaletʼ ona hõ bako baḍaekan tahẽkana.