Numeri 30:8 - সান্তালী বাইবেল

⁸ Menkhan ona katha ańjomkate uniren jãwãetetʼ uniye barone enḍekhan uniyakʼ ona manot akatʼakʼ se begor hudisteye gokʼ akatʼ ona do mạutạkʼtaea ar Probhu Isor hõ uniyakʼ manotakʼ se gokʼakʼ rạputʼ iạteye ikạyea.

Numeri 30:8 Iomraidhean Croise

Genesis 3:16

Ona tayom uni maejiue metadea, “Bhạrti hoṛmom tahenre amakʼ kosṭo do arhõń ḍher ocoytama. Am do bedonte gidrạm janamea. Ar jãwãe lạgitʼem jaljalaokʼa, ar uni do am cetanre mạlike hoyokʼa.”

Jirimiạ 44:19

Maejiuko do arhõko menkeda, “Ale do tinre sermaren rạni ńutumte dhuple jeretʼetʼ tahẽkana arle coḍoretʼ tahẽkana ar uni lekage piṭhạle benaoetʼ tahẽkana unre cetʼ aleren jãwãeko do ona katha bako baḍaekan tahẽkana?”

Levitikus 5:4

“Begor sontorteye kiriyạkʼ nonkan jãhãnakʼ reaṅ jãhãe begor hudiskate boge-bạṛicʼe kiriạkʼ enḍekhan begor baḍaeteye onka akatʼre hõ uni do dusireye paṛaokʼa.

Numeri 30:5

Menkhan ona katha ańjomkate acʼren apattetʼ uniye barone enḍekhan oneye manotakatʼ seye gokʼ akatʼ ona do bạtilokʼtaea. Acʼren apattetʼe baron akade iạte Probhu Isor do uniyakʼ manotteakʼ se gokʼakʼe rạputʼ akatʼre hõe ikạyea.

Numeri 30:9

“Rạnḍi se jãwãe okoeye bạgi akade nonkan jãhãe maejiu jãhãnakʼ manot lạgitʼe dohoy se jãhãn gokʼakʼe dohoy enḍekhan uni do ona purạu hoyokʼtaea.

1 Korinthiko 14:34

onkage maejiuko hõ manḍer jarwakʼre hapegeko tahenma, ente onko do katha roṛ reakʼ hukum baṅ emakatʼkoa. Moseyakʼ ạn-ạrire cetʼ lekae menetʼ onkage jemon gobolreko tahen.

1 Korinthiko 7:4

Rinicʼtetʼakʼ hoṛmo do eken acʼ eskarakʼ do baṅkana menkhan onare jãwãetetʼakʼ hõ ektiạri menakʼtaea ar onkaleka jãwãetetʼakʼ hoṛmo hõ acʼ eskarakʼ do baṅkana, menkhan onare rinicʼtetʼakʼ hõ ektiạri menakʼa.

1 Samuel 1:23

Uniren jãwãe Elkana do uniye metadea, “Am okaṭakʼ bhagem hudisetʼ onage onkaeme. Ar gidrạ do nunu ạuriye bạgi hạbicʼ nonḍege tahenme. Probhu Isor do acʼakʼ gokʼakʼe purạuma.” Ar onate Hanna do oṛakʼregeye tahẽyena ar gidrạ nunu ạuriye bạgi hạbicʼe jotonkedea.