Numeri 30:3 - সান্তালী বাইবেল

^3-4 “Jãhãe bin baplayicʼ kuṛi do acʼren apatakʼ oṛakʼre tahen jokhecʼ Probhu ṭhen jãhãnakʼe manot akatʼ khan se jãhãnakʼe gokʼ akatʼ khan ar acʼren apattetʼ ona baḍaekate jãhãnakʼ bae metae, enḍekhan uniyakʼ manotteakʼ se okaṭakʼe gokʼ akatʼ ona do puruạutege hoyokʼtaea.

Numeri 30:3 Iomraidhean Croise

2 Bõsbudạ 36:13

Ona chaḍa Nebukadnesar, okoe do Isor ńutumte uniye kiriạ ocolede, uni upạrteye hulkeda. Uni do hoṭokʼe keṭecʼketʼtaea ar ontore kuṭhinketʼtaete Israelren Probhu Isor secʼ do ar bae ruạṛlena.

Sereńko 50:14

Isor ṭhen amakʼ gun manao joharge amakʼ dãṛẽ do hoyokʼtam ma; ar uni maraṅ utạricʼ ṭhenge amakʼ moneyakʼko hõ purạume.

Numeri 6:2

“Am do Israel hoponkom baḍae ocokoa, jãhãe herel hopon se maejiuge nạsri lekate Probhu Isor ńutumte begar tahen lạgitʼe manot akatʼ khan,

1 Korinthiko 14:34

onkage maejiuko hõ manḍer jarwakʼre hapegeko tahenma, ente onko do katha roṛ reakʼ hukum baṅ emakatʼkoa. Moseyakʼ ạn-ạrire cetʼ lekae menetʼ onkage jemon gobolreko tahen.

Josuạ 9:18

Menkhan Israelko do onko bako akromonletʼkoa, ente onkoren mukhiyạko do Israelren Probhu Isor ńutumte onko ṭhenko kiriạ akana. Ar onate sanam Israelko do mukhiyạko upạrteko karacʼ kurucʼena.

Bikʼcạrko 11:35

Jiptha do acʼren hoponerae ńelkede khan acʼakʼ kicricʼe oṛecʼketʼteye menkeda, “Hae, hae, E biṭi tiń, am do cedakʼ sorbonasrem paṛaokedińa! Ạḍi muhinregem paṛao ocokedińa, ente iń do Probhu Isor ṭhen onkań manot dohoakatʼ ona do bạṅ rạputʼ daṛeakʼa.”

1 Samuel 1:11

Ar Probhu Isor ṭhen manot dohokateye menkeda, “E sanam daṛeanicʼ Probhu Isor, amren kạ̃ṛmĩyakʼ mon reakʼ duk secʼ baṛe beṅgedme ar ańjomtińme. Ar iń bam hiṛiń akadińte amren kạ̃ṛmĩ jodi mitʼṭen hoponem danae enḍekhan jonom bhor uni do am ńutumteń emokʼa. Ar uniyakʼ bohokʼre tisge holatʼ do bạń lagaoakʼa.”