Numeri 30:1 - সান্তালী বাইবেল

^1-2 Mose do Israel gusṭiren mukhiyạkoe galmaraoatʼkoa, “Probhu Isore hukum akada jãhãe hoṛ Probhu Isor ṭhen jãhãnakʼ manotakʼ lạgitʼe dohoakatʼ khan se kiriạkate jãhãnakʼe gokʼakatʼ khan, enḍekhan uni do onae purạuma; ente uni okae menakatʼ ona do purạutege hoyokʼtaea.

Numeri 30:1 Iomraidhean Croise

Exodus 18:25

Uni do sanam Israelko tala khon lekman hoṛkoe bachaoketʼkote mukhiyạko lekateye bahalketʼkoa- adomko do hajarko cetanre, adomko do saeko cetanre, adomko do mõṛẽgelko cetanre ar adomko do gelko cetanre.

Exodus 4:28

Ar Probhu Isor okaṭakʼ memen lạgitʼe kolakade Aron do onae baḍae ocokedea. Ona chaḍa okako hahaṛa kạmi reakʼ hukum Probhu Isore emakawade ona hõe lạiyadea.

Numeri 29:40

Probhu Isor okako hukum Moseye emade tahẽkan uni do ona Israelkoe baḍae ocoketʼkoa.

Numeri 7:2

Ona tayom Israelkoren mukhiyạko, metakʼme khũṭren mathako do sandesko ạgukeda. Noko gusṭikoren mathako cetanrege hoṛ lekhako reakʼ bhar do tahẽkana.

Dosar Biboron 23:21

“Aperen Probhu Isor ṭhen jãhãnakʼge manot lạgitʼpe dohoy enḍekhan ona purạu lạgitʼ do alope biloma, ente aperen Probhu Isor do tishõ ona khon bae khalaspea. Ar onate ape do kạirepe paṛaokʼa.